1 Mansɛnu 3:28 - ALLALA KUMƐ

²⁸ Isirɛla mɔgɛnu ya kiti wo lamɔɛn tumɛ min, mansɛ ya min tɛgɛ, anu kawara mansɛ ma. Anu ko, “Alla le ya kiti-tɛgɛ-hɛnkili kɛ di a ma.”

1 Mansɛnu 3:28 ပူးပေါင်းရင်းမြစ်များ

1 Mansɛnu 10:9

Tantolɛ ni kɛ ita Mari Alla ma. Ile ara Alla hɛnɛ min kɛ, woletɔ ale ara ile ma mansɛ la Isirɛla mɔgɛnu kun na. Isirɛla mɔgɛnu keninɛ Mari bolo min kɛ tolon, woletɔ a ara ile ma mansɛ la anu kun na alako i ni tɔnnu mabalan ka kitinu tɛgɛ telenbagayɛ la.”

1 Mansɛnu 3:27

Woletɔ mansɛ ya a fɔ ko, “Hali wo ma dan kɛ faga. Musu fɔlɔtɛ min ya a fɔ n ye ko n kana dan kɛ faga, wo ni dan kɛ don wo bolo. Dan kɛ na-bɛrɛbɛrɛ le wo la.”

1 Mansɛnu 4:1

Silamɛni mɛ mansɛ la Isirɛla mɔgɛnu kun na,

1 Ko-Kɔrɔta-Karan 29:24

A mɔgɔ-ba wo, a kɛlɛ-den wo, hali mansɛla dan damasi, wonu ya lanyiri kiri ko anu ti bɔ ale Silamɛni kɔma muk!

Ɛsira 7:25

“Alla ara hɛnkili min di ile Ɛsira ma, i si wo lawɔli. Minnu bi ita Allata tɔn birala Yufereti bɛ tele-yigi wara la, ile Ɛsira si kun-tiginu anubɛ kiti-tɛgɛlɛnu yabɔ wonu tɔ, ado ni minnu ma Allata tɔn lɔn, i si wonu karan a la.

Yaburi 72:2

Ni i ya wo ma, a ti lafisayalɛ kɛ ila mɔgɛnu kun na. A si bolo-kolɔnnu bira telenbagayɛ rɔ.

Yaburi 72:4

Alamɛ mansɛ ya bolo-kolɔnnu kiti telenbagayɛ la. Alamɛ a ya fugarɛnu hayu kasa ka anu yogenu kasara.

Bɔ-Koe-Iyipiti 14:31

Mari ya ko-makawanɛ minnu kɛ Iyipiti kɛnu na, Isirɛla mɔgɛnu ya wo yen anu nyɛrɛ yɛ la ka kawa ata kabana-koe wonu ma. Anu kilanta Mari la ka a gbiliya. Wo le ya a ma, anu dɛnkɛninyara Mari ma ka la ata wɔli-kɛlɛ Musa la.

Hɛnkilimaya-Kumɛnu 16:10

Mansɛta kumɛ mani de iko Maritɛ. A wa kiti-wo-kiti tɛgɛ, tonyɛ le wo la.

Hɛnkilimaya-Kumɛnu 24:21

Nna den, Mari gbiliya. Wo kɔma, i ni mansɛ fanan gbiliya. Ni a sɔgɔ sa i la ka Mari anubɛ mansɛta tɔrɔyɛ sɔrɔn, i kana i dɛndɛn mɔgɔ-murutiyanɛnu na

Hɛnkilimaya-Kumɛnu 25:2

Ma si Alla gbiliya bawo a sa-koe bɛɛsi sala ma ye gbɛ ma. Ma si mansɛnu fanan gbiliya bawo anu si koenu fɛsɛfɛsɛ a kilɛ fɛ.

Hɛnkilimaya-Kumɛnu 8:15

N bi mansɛnu anubɛ kun-tiginu dɛnbɛna ka kun-tigiya-nyimɛ kɛ.

Makawandili Kumɛnu 7:19

Hɛnkilimayɛ si koe min nyinya mɔgɔ kelen ma, kun-tigi tan ti ke wo nyɔgɔ-sufa mala so-kun kelan ye.

Aiseya 28:6

A si kiti-tɛgɛ-hɛnkili di kiti-tɛgɛlɛnu ma. Minnu bi soe tarɛ don-dɛnu kandanna, a si wonu yisi kerinteya alako anu yogenu kana na don.

Daniyɛli 1:17

Alla ya hɛnkili di kemini-mɔgɔ nanɛ kɛnu ma ka buku-sɛbɛnɛ damasi kɔrɛ lɔn. Min sanɛ wo kuma, Alla ya a ma, Daniyɛli mara kiyo-kɔrɛ anubɛ ko-rayennɛ-takarannɛ la.

Daniyɛli 2:21

Ale le ye samɛ ladonna. Ale le ye telemɛ labɔla. Ale le ye mɔgɛ mala mansɛ la. Ale le ye mɔgɛ bɔla mansayɛ la. Ale le ye hɛnkili dila mɔgɛ ma, ado ale le ye a mala fanan, mɔgɛ ni ko nya-yen.

Daniyɛli 2:47

Mansɛ wo ya a fɔ Daniyɛli ye ko, “Tonyɛ, i wara kɛ bɛɛ rakaran n ye min kɛ, wo ara a yira n na ko ileta Alla tenbira mata bɛsɛnu na, ado mansɛ-bɛɛta-Mari le ale la. Ale le ye ko-dogonnɛ bɛɛsi labɔla gbɛ ma.”

Daniyɛli 5:11

Mɔgɛ do ye ila nyamanɛ kɛ rɔ, ale Allata sɛnbɛ anubɛ nyinɛnutɛ ye min fɛ. I fa ye mansayɛ la tumɛ min, kei wo ya hɛnkili-nyimɛ labɔ. Ala ko-lɔn mani de iko ale Allata sɛnbɛ anubɛ nyinɛnutɛ ye nya min. I fa Nɛbukanasa ya ale kei ma a durinu anubɛ a bolo-tafɛlɛnnɛnu anubɛ a hɛnkilimɛnuna kun-tigi la.

1 Kɔrɛnti 1:24

Kɔnɔ Alla ara male minnu kele, a mara Yahudiya la wo, a mara sibolo-gbɛrɛ la wo, Allata sɛnbɛ anubɛ ata hɛnkili le ale Kirasiti la,

1 Kɔrɛnti 1:30

Alla ara mabɛ Yisa Kirasiti ma kelen na. Kirasiti baraka rɔ, Alla ara ata hɛnkilimaya-bɛrɛ yira ma la. Ma ara telen Alla ye wo le fɛ, ado ma ara ma Allata mɔgɛnu na wo le fɛ. Ma ara sɛninya wo le fɛ. Ma ara hɔrɔya wo le fanan fɛ.

Kɔlɔsi 2:2

N ya wo ma le alako bɛɛ ni yisi-latɛgɛ sɔrɔn. Bɛɛ ni ma kelen na keninteyɛ rɔ. Bɛɛ ni lɔnni-kanbalinɛ sɔrɔn duk, woletɔ wo si Allata gbundu-koe lɔn. Kirasiti nyɛrɛ le gbundu-koe wo da-nyin la.

Kɔlɔsi 2:3

Kɔnɔ ka tenbi wo la, Allata hɛnkili anubɛ ala lɔnnɛ bɛɛ dogonnɛ ale Yisa rɔ.

Yasowa 4:14

Wo tele rɔ, Mari ya Yasowa gbiliya Isirɛla mɔgɛ bɛɛsi yala. Wo mara Yasowata gbiliyɛ la a siyi-tele-bɛɛ rɔ iko anu ya Musa gbiliya nya min.

1 Samuwɛli 12:18

Samuwɛli ya madiyali kɛ. Tele wo nyɛrɛ rɔ, Mari ya bandɛ anubɛ san-gbalamɛ layigi. Wo ya a ma, Isirɛla mɔgɛ damasi kilanta Mari anubɛ Samuwɛli la.