1 Mansɛnu 3:26 - ALLALA KUMƐ

²⁶ Kɔnɔ kinikinɛ donta dan wo na-bɛrɛbɛrɛ yisi rɔ ala danla ko la. A ya a fɔ mansɛ ye ko, “E, mansɛ, i yandi, i kana dan kɛ faga! A di n ta-nyɔgɛ kɛ ma.” Kɔnɔ musi minta ma dan kɛ la, wo ya a fɔ mansɛ ye ko, “Kɛ ti to mɔgɔ-wo-mɔgɔ ye. I ni a fara fila la!”

1 Mansɛnu 3:26 ပူးပေါင်းရင်းမြစ်များ

Ko-Dabirɛnu 43:30

Yusufu ban wo fɔla, kinikinɛ donta a rɔ. Di-kɛ-sɔgɛ ya a bira. A tara ala bɔn konko la di-kɛ-tinɛ.

1 Mansɛnu 3:25

mansɛ ko, “Wo ni den-kɛndɛ kɛ ratɛgɛ kundu fila la. N ni a tala wole mɔgɔ filɛ tɛma.”

1 Mansɛnu 3:27

Woletɔ mansɛ ya a fɔ ko, “Hali wo ma dan kɛ faga. Musu fɔlɔtɛ min ya a fɔ n ye ko n kana dan kɛ faga, wo ni dan kɛ don wo bolo. Dan kɛ na-bɛrɛbɛrɛ le wo la.”

Yaburi 39:3

N kɔndɔfilita pirikali! N bi tola n mirila nya min, nna tɔrɔyɛ ma ye tola kofula wo nya na le. Wo le ya a ma, n ya nyinikalɛ sa, n ko,

Aiseya 49:15

Woletɔ Mari ye anu yabila ko denba-tigi si nyina ata dan ko, wa? A si ke a banna a sɔrɔn-dan la? Hali a mara, musi ni nyina ala dan ko kɔnɔ Mari ti nyina male ko muk!

Yɛrɛmaya 31:20

Mari ko a diyana-den-bɛrɛbɛrɛ le Isirɛla mɔgɛnu na. A ko anu di a ye kosɛbɛ! A ko a nɛn-naban anu tɔgɔ ratɛgɛla, anuna keninteya ara don a rɔ. A ko a hɛnkili ti bɔ anu ko, ado anuna hinɛ si to a burɔ.

Hoseya 11:8

“N si ile Isirɛla don bolo tɔ kama? N si wo boloka kama? N si wo kasara kama iko n ya a ma nya min Adima anubɛ Sebom soe la? N ti sɔn wo kasara-koe ma. Nta keninteyɛ da rakolo wo ye.

Romu 1:31

Miriya-nyimɛ sa anu burɔ, ado anu ma telen. Anu ti anu nyɔgɔn makoto, hali ka kinikini mɔgɔ ma.

Filipai 1:8

N bi n miri-wɛ min kɛla wo ma, wo ye bɔla Kirasiti Yisa nyɛrɛ le yisi rɔ. N ba wo fɔ, Alla ye n sere la ko n bi tonyɛ le fɔla wo la.

Filipai 2:1

Ka a fɔ ko Kirasiti siginɛ wo yisi rɔ, kumɛ wo ti wo sɛnbɛ don, ba? Ala keninteyɛ ti wo yisi-kimɛ, wa? Wo ye ta-nyɔgɔnyɛ kɛla ata Ni-Sɛnimɛ baraka rɔ, a sa wo nya? Wo sa kinikinɛ anubɛ nyɔgɔn-keni kɛla, wa?

2 Timoti 3:3

Anu si to karagbɛlɛyɛ ladanna tolon! Anu ti kinikini mɔgɛnu ma. Anu si ma mɔgɔ-tɔgɔ-tinyanɛnu na anubɛ nyɛrɛ-birabɛlɛnu anubɛ mɔgɔ-feremɛnu. Anu si ko-nyimɛ-bɛɛ kɔn.

1 Yɔni 3:17

Ni nɔnfuli ye mɔgɛ do bolo, a ni a yen ko a na-kelen-nyɔgɛ makoe ye fan do la kɔnɔ a ma kinikini a ma, wo si a fɔ kama ko Allala keninteyɛ ye a yisi rɔ?