1 Mansɛnu 3:15 - ALLALA KUMƐ

¹⁵ Nba, Mansa Silamɛni kundenta. A ya a fɔ ko, “Yaga, n bi kiyo le la nun!” A tara Yerusalɛm ka a sɔ tɔn-kenkirɛ yarɔ Marila tɔnnu bi min tɔ. A ya saraka-mintantɛnu bɔ Mari ye anubɛ yisi-kima-sarakɛnu. A ya ladiyɛ ladan ka ata mɔgɔ-banu kele ladiyɛ wo rɔ.

1 Mansɛnu 3:15 ပူးပေါင်းရင်းမြစ်များ

Ko-Dabirɛnu 28:16

Yakoba kundenta, a ko, “Yaga, Mari ye yan nun kɔnɔ n ma wo lɔn?”

Ko-Dabirɛnu 31:54

Yakoba ya sarakɛ bɔ kɔnkɛ kuma nyɔ ka a berin anubɛ a na-kelen-nyɔgɛnu kele fen dɔn tinɛ. Anu ya fen-dɔn-kɛ ka ki kɔnkɛ kuma nyɔ.

Ko-Dabirɛnu 40:20

Tele sawa wo kɔma, mansɛ wo ya a sɔrɔn-tele-ladiyɛ kɛ ala mɔgɔ-banu ye. A ya ala baan-bɔlɛ anubɛ ala biredi-mintannɛ labɔ yele la ka anu sɔ ala mɔgɔ-banu yakɔrɔ.

Ko-Dabirɛnu 41:7

Nyɔ-sɔnfɔlɔn wɔrɔnfilɛ wonu ya nyɔ-kunba wɔrɔnfilɛ wonu nakunu. Mansɛ kundenta tun, a ko, “Yaga, n bi kiyo la nun kɛ?”

1 Mansɛnu 3:16

Lunyɛ do, musu-yɛlɛn fila kɛlɛta den-koe la. Anu tara kumɛ wo la mansɛ wara.

1 Mansɛnu 8:63

Mansa Silamɛni ya ninki waga mogan-ni-fila (22,000) anubɛ saga waga kɛmɛ kelen ani saga waga mogan (120,000) ma yisi-kima-sarakɛnu na. Mansɛ anubɛ ala nyamanita-mɔgɛnu ya sarakɛ wonu bɔ ka Bato-Bɔn wo dantɛgɛ Mari ma.

1 Mansɛnu 8:65

Anu ban Bato-Bɔn wo dantɛgɛla tele wɔrɔnfila kɔrɔ, Mansa Silamɛni anubɛ ala nyamanita-mɔgɛ minnu bɔra Isirɛla nyamanɛ tɔnkɔn nani bɛɛ rɔ, wonu ya Lele-Sɔɛ-Ladɛn kɛ Bato-Bɔn dafɛ a nyɔgɔn tele wɔrɔnfila kɔrɔ tun.

1 Ko-Kɔrɔta-Karan 16:3

A ya dɔn-fan tala Isirɛla mɔgɛ bɛɛsi la. A ya biredi-lɔngbɔn kelen-kelen anubɛ sogo-mintannɛ anubɛ nɔnbɔ-gbɔ-gbalanɛ donu di anu kelen-kelennamɛ-bɛɛ ma, kei wo, musu wo.

2 Ko-Kɔrɔta-Karan 7:5

Mansa Silamɛni ya ninki waga mogan-ni-fila (22,000) ma sarakɛ la. Wo kɔma, a ya saga waga kɛmɛ ani saga waga mogan (120,000) ma yisi-kima-sarakɛ la fanan. Ale mansɛ anubɛ ala nyamanita-mɔgɛnu ya sarakɛ wonu bɔ ka Bato-Bɔn wo dantɛgɛ Mari ma.

Ɛsita 1:3

Sakasi kɛ, wola mansayɛ san sawa nyɔgɛ ma, a ya ladiya-belebele kɛ ala nyamanita-mɔgɔ-banu ye. Kɛlɛ-dan minnu bi Pasiya anubɛ Midiya nyamanɛ rɔ, wonu bɛnta ladiyɛ wo rɔ. Mɔgɔ-ba minnu bi nyamanɛ wonu kun na anubɛ a mɔgɔ-ba-malɔnnɛnu, wonu fanan bɛnta a rɔ.

Yɛrɛmaya 31:26

Mɔgɛnu si to a fɔla wo wati rɔ ko, “N bi kinɔgɔ le tɔ nun kɔnɔ n yɛ ma ara tɛgɛ.”

Daniyɛli 5:1

Lunyɛ do, Nɛbukanasala den Mansa Bɛlisasa ya mɔgɔ waga kelen kele ladiyɛ rɔ, ala mɔgɔ-banu, kɔni. Anubɛ wonu bi gbɛɛ minna nyɔ tumɛ min,

Yilan-Yilan Koe 12:6

Mari ya a fɔ anu ye ko, “Wo ni wo tole masɔ. Nɛbinu bi wo tɛma tumɛ min, n si ko-rayirɛ kɛ anu ye kiyo rɔ.

Maraka 6:21

Tɔ-a-la, Hɛrodiyasi ya fɛrɛ sɔrɔn Yɔni ma. Mansɛ sɔrɔn-tele kera tumɛ min, a ya ladiyɛ kɛ ala kun-tiginu ye nun anubɛ ala kɛlɛ-den-kunyɛnu anubɛ Kalili nyamanita-mɔgɔ-banu.