1 Mansɛnu 3:12 - ALLALA KUMƐ

¹² Woletɔ n bi nala hɛnkili anubɛ lɔnnɛ dila i ma tɛban! Mɔgɔ-wo-mɔgɔ ti hɛnkili sɔrɔn duninya rɔ ka ke i rɔ.

1 Mansɛnu 3:12 ပူးပေါင်းရင်းမြစ်များ

1 Mansɛnu 2:6

Kaka, min di i ye, i ni wo ma a la. I kana sɔn, a kun-gbɛnɛ ni faga a nyɛrɛ ma.

1 Mansɛnu 2:9

Kɔnɔ hɛnkilimɛ le i la. I kana a tɔrɔbɛlɛ to. I ni a faga iko a di i ye nya min.”

1 Mansɛnu 3:28

Isirɛla mɔgɛnu ya kiti wo lamɔɛn tumɛ min, mansɛ ya min tɛgɛ, anu kawara mansɛ ma. Anu ko, “Alla le ya kiti-tɛgɛ-hɛnkili kɛ di a ma.”

1 Mansɛnu 5:12

Mari ya hɛnkili di Mansa Silamɛni ma iko a ya lanyiri kiri a ye nya min. Yisi-kimɛ taranta Mansa Hairam anubɛ Mansa Silamɛni tɛma. Anu mɔgɔ filɛ tora kan kelen tɔ.

1 Mansɛnu 5:9

Nna wɔli-kɛlɛnu si na kɔlɔma wonu na ka ta anu na kɔgɔ-yi dafɛ. Nba, anu si anu kiri anu nyɔgɔn ma ka anu nata yi kuma. I ye kan tinɛ min yirala n na kɔgɔ-yi dafɛ, nna wɔli-kɛlɛnu si anu nafulen nyɔ. Ita mɔgɛnu si kɔn wonu maduni. Ileta wɔlɛ ye min na dɔrɔn, ka nta bonna-mɔgɛnu de-nyini.”

1 Ko-Kɔrɔta-Karan 29:25

Mari ya a ma, Isirɛla mɔgɛ bɛɛsi kawara Mansa Silamɛni ma. Mari ya a ma fanan, ala mansaya-sɛnbɛ koloyara Isirɛla mansɛ bɛɛtɛ ko minnu bara mansayɛ kɛ fɔlɔ nun.

2 Ko-Kɔrɔta-Karan 2:12

Ma si Isirɛlata Mari Alla tanto min ya san-kole anubɛ dugu-kole dan. Wo le ya den hɛnkilimɛ di Mansa Dawuda ma min kunyɛ lafanɛ hɛnkili anubɛ ko-kɔrɔ-lɔn la. A ara wuli Mari Bato-Bɔn anubɛ a nyɛrɛta bolon sɔɛ la kaka.

Nihɛmaya 13:26

N ya a fɔ anu ye ko, “Sibolo-gbɛrɛ furu-nyɔgɔnyɛ, wo le ya a ma, Mansa Silamɛni ya hakɛ kɛ. A mankan koloyara mansɛ bɛɛtɛ ko. A diyara Alla ye furr, ha a ya a ma Isirɛla mansɛ la. Yaga, wo ye hakɛ kɛla le.

Yaburi 10:17

E, Mari, i si i wɔlɔ matɔlɔ mɔgɔ-famayiginɛnuna madiyalɛ la. I si anu yigi sigi.

Hɛnkilimaya-Kumɛnu 2:6

Mari le si hɛnkilimayɛ anubɛ lɔnnɛ di mɔgɛ ma. Wo kɔma, a si a ma, i ni a nya-yen.

Makawandili Kumɛnu 1:13

N ya n nyɛrɛ to karan ma alako koe min bɛɛsi ara ma duninya rɔ, n ni wo bɛɛ kɔrɛ lɔn. N bara a yen ko Alla ara dunu-belebele-wɛ le sigi ma kuma kɛ la.

Makawandili Kumɛnu 1:16

N ya a fɔ n nyɛrɛ ma, n ko, “N ya hɛnkilimayɛ anubɛ ko-kɔrɔ-lɔn-burɛ anubɛ a kɔmɛ bɛɛ lɔn. N mankan ara ta wuu, ado mansa fɔlɔtɛ minnu bara sɔ n yarɔ Yerusalɛm soe burɔ, nta hɛnkilimayɛ anubɛ ko-kɔrɔ-lɔn kolo wo bɛɛtɛ ko.”

Aiseya 65:24

Yanni anu ni anu miri min ma, Mari ara wo di anu ma. Anu tenbi ale Mari manyinikala anu dɛnbɛn-koe rɔ, yaga, wo ye anu dɛnban kun na.

Daniyɛli 1:17

Alla ya hɛnkili di kemini-mɔgɔ nanɛ kɛnu ma ka buku-sɛbɛnɛ damasi kɔrɛ lɔn. Min sanɛ wo kuma, Alla ya a ma, Daniyɛli mara kiyo-kɔrɛ anubɛ ko-rayennɛ-takarannɛ la.

Matiyu 12:42

Musu-mansɛ min bɔra Siba nyamanɛ rɔ don? Wo si a lasɔ kiti-tɛgɛ-lunyɛ ka wo maburi bawo ale bɔra ata nyamanɛ rɔ pon ka na a tole masɔ Mansa Silamɛnita hɛnkilimaya-karan la. Nba, n bi a fɔla wo ye, mɔgɛ do ye yan min kolo Mansa Silamɛni ko pirr!

Luka 21:15

bawo n si kumɛnu don wo da rɔ ka hɛnkili di wo ma. Wo si min fɔ, hali wo yogo kelen ti ke wo sɔsɔla ka wo nɔ.

Tɔn-Fɔɛ-Fila-Nyɔgɛ 34:9

Nunna dan Yasowa salɛ fanɛ hɛnkili la bawo Musa ara ban a dantɛgɛla Mari ma a nyɛrɛ gbɛ rɔ. Mari ya tɔn minnu di Musa ma nun, Isirɛla mɔgɛnu ya wonu bira anu bolo filɛ la gben Yasowa bolo.

Kɔlɔsi 2:3

Kɔnɔ ka tenbi wo la, Allata hɛnkili anubɛ ala lɔnnɛ bɛɛ dogonnɛ ale Yisa rɔ.