1 Mansɛnu 22:6 - ALLALA KUMƐ

⁶ Wo le ya a ma, Mansa Ehabu ya ala nɛbi mɔgɔ kɛmɛ nani nyɔgɔn sufa kele ka wonu manyinika, a ko, “N ni ta Ramɔti kɛnu kɛlɛ, ka, n ka ta?” Nɛbi wonu ko, “Ta anu kɛlɛ. Mari si a ma, i ni nɔ-ko sɔrɔn anu ma.”

1 Mansɛnu 22:6 ပူးပေါင်းရင်းမြစ်များ

1 Mansɛnu 12:9

A ya wonu manyinika kantɔ-warala-mɔgɛ wonuna ko ma, a ko, “Mɔgɛ minnu bara na n bara kɛ la, anu ko n ni do bɔ anuna dunɛ la. Nde si nfen ma wonuna ko rɔ?”

1 Mansɛnu 18:19

Nɛbi Ilaya ya a fɔ a ye tun ko, “Ta a fɔ Isirɛla mɔgɔ damasi ye ko anu ni na n taran Kamɛli kɔnkɛ kuma. Nɛbi kɛmɛ nani ani bi-loli minnu bi Bɛsi Beyali kɔla, wonu fanan ni na. Nɛbi kɛmɛ nanɛ fanan minnu bi ila musi Yɛsɛbɛli kɔrɔ Asura bɛsi-kɔ-tinɛ, wonu fanan ni na.”

1 Mansɛnu 18:20

Mansa Ehabu tara Isirɛla mɔgɛnu kele anubɛ Beyalita nɛbinu ko anu ni ta Nɛbi Ilaya taran Kamɛli kɔnkɛ kuma.

1 Mansɛnu 22:10

Wo ya a taran, mansa filɛ kɛnu mayiginɛ anuna mansaya-waganɛnu tɔ gbere-kole ma Samariya soe don-dɛ la, anuna mansaya-durukinu bi anu kan na. Nɛbi-siyamɛ wonu bi wɔlɔyiya-kuma-fɔɛnu na anu yakɔrɔ.

1 Mansɛnu 22:15

Ale nɛbi kenɛ Mansa Ehabu ma, mansɛ ya a manyinika ko, “Malebɛ Mansa Yɛhosafati ni ta Ramɔti kɛnu kɛlɛ, ka, ma ka ta?” Nɛbi Mɛkaya ya a fɔ a ye ko, “Awa, ta anu kɛlɛ tun. Fɔ i wa anu nɔ serr! Mari si anu don i bolo.”

1 Mansɛnu 22:5

Kɔnɔ ma ni Mari fɔlɔn manyinika.”

2 Mansɛnu 10:19

Wo ni Beyalita nɛbinu kele anubɛ a kɔlɛnu anubɛ minnu si saraka bɔ a ye. Mɔgɔ-wo-mɔgɔ kana kilɛ madasa bawo n bi saraka-belebele bɔla Beyali ye. Ni min ma bɛn wo rɔ, wo ye fagala le.” (Yaga, Mansa Yehu ye nala kɛwuyɛ sigila anu na alako a ni Beyali-kɔlɛ bɛɛ faga.)

2 Mansɛnu 3:13

Anu ke a ma, Nɛbi Ilaisa ya a fɔ Isirɛla mansɛ ye ko, “Nfen ko ye ma tɛma? Nfenna i ma ta Beyalita nɛbi wonu manyinika i fa anubɛ i na duruta minnu manyinikala?” Kɔnɔ Mansa Yɔram ko, “Ma ti wo ma bawo Mari le wara ma don Mohabu mansɛ bolo kɛ la.”

2 Ko-Kɔrɔta-Karan 18:14

Ale Nɛbi Mɛkaya kenɛ Mansa Ehabu ma, mansɛ ya a manyinika ko, “Malebɛ Mansa Yɛhosafati ni ta Ramɔti kɛnu kɛlɛ, ka, ma kana ta?” Nɛbi ya a fɔ a ye ko, “Awa, ta bui anu ma tun! I ye anu nɔla le serr! Mari si anu don i bolo.”

Aiseya 36:10

A fɔra le ko male nara dinkirɛ kɛ kasara-tinɛ ma nyɛrɛ ma le ni Mari ma ma lana? Mari nyɛrɛ-nyɛrɛ le ya a fɔ ma ye ko ma ni na wola nyamanɛ kɛ kasara pɔ!”

Yɛrɛmaya 5:31

Nɛbinu sa fenfen fɔla foninyɛ kɔma. Saraka-masɔlɛnu bi anu nyɛrɛta fanka le lawɔlila, ado wole, Mari nyɛrɛta mɔgɛnu diyana-koe le wo la. Kɔnɔ kɛ damasi laban si ma wo bolo nfen na?

Isikiyɛli 13:22

“Anu bi mɔgɔ-telennɛnu yisi tɔntɔnna a rɔ anuna foninya-kumɛnu na, ado a ma di n ye, mɔgɔ-telennɛ kɛnu yisi ma ni gboya. Anu bi mɔgɛnu manugu-nɛgɛla alako wonu kana na bɔ anu sɔn-yogomɛnu da kɔrɔ bawo ni wonu bɔra anu sɔn-yogomɛ da kɔrɔ, anu si kisi.

Matiyu 7:15

“Wo ni a ma wo fɛrɛma foninya-nɛbinuna ko la. Anu si a fɔ ko anu bi kumala Alla ye kɔnɔ anu foni. Anu kungban-kungban ye nala wo wara iko sagɛnu kɔnɔ anu sɔn mani de iko suluku-kɔnkɔtoe.

2 Timoti 4:3

bawo wati ye nala, mɔgɛnu ti anu tole masɔ tonyɛ la tun. Anu si bila anu nyɛrɛ-natanu fɛ. Anu si to karan-mɔgɛnu nadɛnna anu nyɛrɛ ye, minnu si anu toleta diyana-koenu fɔ anu ye.

Lankɛnimayɛ 19:20

Anu ya sogo-feremɛ wo bira anubɛ foninya-nɛbi min ya kabana-ko-siyaman kɛ sogo-feremɛ wo yala. (Sogo-feremɛ wola mandan ye mɔgɛ minnu ma anubɛ minnu ya sogo-feremɛ wola muninyɛ kɔ, a ya wonu yanfa ala kabana-koe wonu fɛ.) Sogo-feremɛ wonubɛ foninya-nɛbi, wonu filɛ bɛɛ kɛndɛ lafilita ta-dalɛ rɔ min bi mintanna tɛ anubɛ munku-gbɛ la.