1 Mansɛnu 22:48 - ALLALA KUMƐ

^48-49 Isirɛla Mansa Ehasaya ara a fɔ Yuda Mansa Yɛhosafati ye nun ko ata keminɛnu ni kofu Mansa Yɛhosafatila keminɛnu ma kulɔn rɔ kɔnɔ ale mansɛ ya a ban. Mansa Yɛhosafati ya kulɔnnu nadan minnu bi tala nun sɛnɛ bi tinɛ Ɔfiri nyamanɛ rɔ. Kɔnɔ kulɔn kɛnu ma ta bawo anu tinyanta Iseyɔn-Kiba soe dafɛ.

1 Mansɛnu 22:48 ပူးပေါင်းရင်းမြစ်များ

Ko-Dabirɛnu 27:37

A fa ya a fɔ a ye ko, “N bara ban a mala kun-tigi la ile kuma. N bara a na-kelen-nyɔgɛnu ma wɔli-kɛlɛnu na ale kɔrɔ. N bara duwa ala fui-fan anubɛ ala nɔnbɔ-gbɔɛnu ye. Nna den, fenfen sa n bolo tun n si min di i ma.”

2 Samuwɛli 8:14

Wo kɔma, a ya ala kɛlɛ-dannu daga makɛ tinɛnu nadan nyɔ rɔ. Nyamanɛ wo fanan tora a kɔrɔ. Mari ya a ma, Mansa Dawuda ya nɔ-ko sɔrɔn kan tinɛ bɛɛ rɔ.

1 Mansɛnu 10:22

Kulun-siyaman bi ale mansɛ bolo kɔgɔ-yi kuma. Wonubɛ Mansa Hairamta kulɔnnu bi tala anu nyɔgɔn fɛ. Kulɔn kɛnu ba ta san fila, a sawa nyɔgɛ, anu si sɛgi sɛnɛ anubɛ wodi-gbɛ anubɛ sogo-ba-nyin anubɛ gbɔn-kɛndɛ anubɛ wɔrɔn-kɛndɛ la anu bolo Yerusalɛm.

1 Mansɛnu 9:26

Mansa Silamɛni ya kulun-belebele-siyaman nadan Kɔgɔ-Yi-Wulan bolɔn doi kɔnkɔn la Iseyɔn-Kiba soe dafɛ min bi Ilati soe telen tɔ Idɔm nyamanɛ rɔ.

1 Mansɛnu 9:28

Anu si ta kulɔn wonu na nyamanɛ do rɔ min tɔgɛ Ɔfiri. Anu bɔra sɛnɛ min na nyamanɛ wo rɔ, wola gbiliyɛ anubɛ fui-fan bɔrɔ kɛmɛ fila anubɛ bɔrɔ tan rakɛn de!

2 Mansɛnu 3:9

Isirɛla mansa wo, Yuda mansa wo, Idɔm mansa wo, wonubɛ anuna kɛlɛ-dannu wulita. Tele wɔrɔnfila, anu bi tagama-kilɛ ma. Min-kɛ-yi banta anu bolo. Yi-wo-yi ma to anu bolo hali anuna soeenu mintɛ.

2 Mansɛnu 8:20

Yɛhoram ye mansayɛ la wati min tɔ, Idɔm nyamanita-mɔgɛnu murutiyara a ma ko anu bi tola anu nyɛrɛ ma le gbɛ! Anu ya anu nyɛrɛta mansɛ sigi.

2 Ko-Kɔrɔta-Karan 20:21

Anubɛ ala mɔgɛnu ban anu kun nayigila, ale mansɛ ya a fɔ ala fɔli-kɛlɛnu ye ko anu ni anuna fɔli-durukinu bila anu kan na anu si minnu bila anu kan na ladɛn-sɛnimɛnu tɔ fɔli-kɛ-tinɛ. Anu ni anu sɔ mɔgɛnu yarɔ ta tinɛ ka sigi wo sa ko, “Mari tanto. Ala keninteyɛ ti ban.”

2 Ko-Kɔrɔta-Karan 25:7

Nɛbi do tara ale mansɛ wara ka a fɔ a ye ko, “I kana ta Isirɛla kɛlɛ-dannu na i fɛ bawo Mari sa Isirɛla mɔgɛ wonu fɛ.

2 Ko-Kɔrɔta-Karan 9:21

Kulun-siyaman bi ale mansɛ bolo kɔgɔ-yi kuma. Wonubɛ Mansa Hairamta kulɔnnu bi tala anu nyɔgɔn fɛ. Kulɔn kɛnu ba ta, san fila a sawa nyɔgɛ, anu si sɛgi sɛnɛ anubɛ wodi-gbɛ anubɛ sogo-ba-nyin anubɛ gbɔn-kɛndɛ anubɛ wɔrɔn-kɛndɛ la anu bolo Yerusalɛm.

Yaburi 45:9

Musi minnu bi wɔlila i ye, mansa-dan le wonu na. Ile mansɛla bara-musi makirinɛ sɛnɛ-bɛrɛ le la. A sɔnɛ ila mansaya-waganɛ bolo-nyimɛ rɔ.

Yaburi 48:7

iko kulɔn ye gbenke-gbenkela mɔgɛ minnu na yi kuma.

Aiseya 2:16

Hali anuna kulun-belebele-hakikɛnu, a si wonu natunu yi kɔrɔ.

Aiseya 60:9

Mɔgɛnu bi bɔla wula-yan-bɛ la ka na Allata mɔgɛnu na a ma. Anu si na kulɔnnu tɔ ka bɔ Tasisi nyamanɛ rɔ. Wonu si i sanba sɛnɛ anubɛ wodi-gbɛ la. Kɛ dama ye nala mala le alako ita Mari Alla ni gbiliyɛ sɔrɔn. Isirɛlata Alla-sɛnimɛ le. A ye kabana-koenu mala ile Yerusalɛm ye.

Yona 1:3

Kɔnɔ hali wo, Yona ya Mari sɔsɔ. Mari ko a ni ta tele-bɔɛ kɔnɔ ale tara a ye tele-yigi. Yapa soe min bi kɔgɔ-yi kɔnkɔn-dɛ la, a tara a ye nyɔ. A ya kulun-belebele-wɛ do wulinɛ taran min bi tala Sipeni nyamanɛ rɔ. A ya kulun-sarɛ di ka ta. Ale miri le ko a si ke le a burila Mari kɔrɔ.