1 Mansɛnu 22:46 - ALLALA KUMƐ

⁴⁶ Kɔli-kɛlɛ minnu bi yɛlɛnyɛ kɛla bɛsɛnu ye iko anuta namu ye nya min, kebi a fa Mansa Esata wati rɔ, a ya wonu bara-koe ka-a-la, kei wo, musu wo.

1 Mansɛnu 22:46 ပူးပေါင်းရင်းမြစ်များ

Ko-Dabirɛnu 19:5

Anu ya Lɔti kele ka a fɔ a ye ko, “Kei minnu nara i warɛ wurɛ kɛ la, wonu bi mi? Anu nabɔ ma ye alako ma ni ma sa anu fɛ.”

1 Mansɛnu 14:24

Batoli-kɛlɛnu ya yɛlɛnyɛ kɛ anuna bɛsi-kɔ-tinɛ kɛnu tɔ, kei wo, musi wo, iko anuna namu ye nya min. Yuda mɔgɛ kɛnu bi ko-yogomɛ mala iko Mari ya mɔgɛ minnu gben anu benbanu yarɔ, wonu bi a mala nya min nun.

1 Mansɛnu 14:29

Mansa Rihobowami ya koe min bɛɛsi kɛ Yuda nyamanɛ rɔ wo tumɛ a ye mansayɛ la, anu ya wo damasi sɛbɛ Yuda mansɛnuna buku do rɔ.

1 Mansɛnu 15:12

Kɔli-kɛlɛ minnu bi yɛlɛnyɛ kɛla anuna bɛsi-kɔ-tinɛnu tɔ, a keimɛ wo, a musumɛ wo, a ya wo bɛɛ gben. A benbanu ya bɛsɛ minnu nadanni to, a ya wo damasi tinya.

1 Kɔrɛnti 6:9

Wo ya a lɔn serr, ko mɔgɔ-yogomɛnu ti Allala mansayɛ sɔrɔn. Wo kana wo nyɛrɛ mayuwaya. Sɔn-yogoma-tiginu wo, bɛsi-kɔlɛnu wo, yɛlannu wo, minnu bi anu ta-nyɔgɔ-keinu makila wo, minnu bi anu ta-nyɔgɔ-musinu makila wo,

Tɔn-Fɔɛ-Fila-Nyɔgɛ 23:17

“Isirɛla mɔgɔ fenfen kana a nyɛrɛ ma yɛlan la bɛsi-kɔ-tinɛnu tɔ.

1 Timoti 1:10

yɛlannu wo, kei-maki-keinu wo, yɔɔn-mayiralɛnu wo, foninya-fɔlɛnu wo, foninya-sereya-bɔlɛnu wo, anubɛ ko-wo-ko min si tonya-karan masɔsɔ, tɔn kɛ sɛbɛnɛ wonu denu ye.

Yude 1:7

Wo ni wo hɛnkili to Sɔdɔm anubɛ Kɔmɔra anubɛ anu dafɛ-soenu ko. Nyɔ-mɔgɛnu ya a ma iko melikanu ya a ma nya min. Anu ya yɛlɛnya-su kɛ min ma daga mumɛ! Anu bi tɔrɔla habadan-tɛ le tɔ alako anu ni ma misali-bɛrɛ la mɔgɛ bɛɛ ye.

Kɛlɛ-Kurugbɛnu 19:22

Anu bi nyɛrɛ-ladiyɛ wo kun na, kemini-karagbɛlɛ donu nara kurɔn mini bɔn wo ma. Anu bi dɛ matugula anu ma. Anu bi a fɔla kɛmɔgɛ wo ye ko, “Kei min donta i kuma, a labɔ ma ma. Ma ni ma sa a fɛ.”