1 Mansɛnu 22:34 - ALLALA KUMƐ

³⁴ Kɔnɔ Siriya kɛlɛ-dan do ye nyɔ nun, wo ya ala kalabɛn lakɛ. Kalabɛn wo tara bɛn Isirɛla Mansa Ehabu la ka don a kɔgɔ-matanka-fan latugun tinɛ do rɔ. Mansa Ehabu ya a fɔ ala kirindi-laburilɛ wo ye ko, “N bara tanban. Ma sɛgi. Ma fara kɛlɛ la.”

1 Mansɛnu 22:34 ပူးပေါင်းရင်းမြစ်များ

2 Samuwɛli 15:11

Abasalɔm ya mɔgɔ kɛmɛ fila kele Yerusalɛm soe burɔ. Wonu yili-latɛgɛnɛ bilara Abasalɔm fɛ ka ta Hiburɔn. Kɔnɔ anu sa ko-wo-ko kalama.

1 Mansɛnu 22:17

Nɛbi Mɛkaya ya wɔlɔyiya-kumɛ fɔ a ye ko, “N bara Isirɛla kɛlɛ-dannu tanyɛnsɛnnɛ yen kɔnkɛnu kuma iko saga-fɛ-birala sa sagɛ minnu kun na. Mari ara a fɔ n ye ko, anu ni sɛgi anu barɛnu tɔ yisi-kimɛ rɔ dɔi, bawo kun-tigi sa anu kun na.”

1 Mansɛnu 22:33

anu ya a lɔn wo le ma ko Isirɛla mansa ma ale la. Anu ya a to nyɔ.

1 Mansɛnu 22:35

Tele wo nyɛrɛ rɔ, anu ya a lɛngbɛn fan do rɔ ala kirindi rɔ. A yɛ bɛnnɛ tora Siriyanu ma, wonu bi kɛlɛ kɛla. Telen-gbɛn, anu bi kɛlɛ kun na. Yele bɔra a rɔ ha a tora yele tɛma ala kirindi rɔ. Wurɛ la ale mansɛ niyi bɔra.

2 Mansɛnu 9:24

Mansa Yehu ya ala kalabɛn rasagan a fanka-wɛ la ka Mansa Yɔram bon a kanban kun filɛ tɛma. Kalabɛn wo donta ka ta ha a sɔn-kole. A buira ala kirindi rɔ.

2 Ko-Kɔrɔta-Karan 18:30

Kɔnɔ wo ya a taran, Siriyanuna mansɛ ara a fɔ ala kɛlɛ-den-kunyɛnu ye ko anu denu kana na mɔgɔ-wo-mɔgɔ kɛlɛ fɔ ale Isirɛla mansɛ.

2 Ko-Kɔrɔta-Karan 35:23

Anu bi kɛlɛ wo kun na, Iyipiti kɛnuna kalabɛn tara bɛn ale Mansa Yosaya la. A ya a fɔ ala wɔli-kɛlɛnu ye ko, “Wo ta n na. N bara tanban boloko-yogomɛ-kɛ.”

Nimisa Koe 3:37

Yon si ke kumɛ fɔla, a ni bɔ-a-la, ni n Tigi Mari ma sɔn wo ma fɔlɔ nun, ba?

Maika 6:13

Woletɔ Mari ko a ara wuli wole, Isirɛla mɔgɛnu tɔrɔyala ka wo halaki wola hakɛnuna ko la.

Lankɛnimayɛ 9:9

Fan do ye anu kɔgɔ-dɛ rɔ min manɛ iko kɔgɔ-matanka-fan min nadannɛ nɛgɛ la. Anu kanban-tagbesi-kan manɛ iko so-siyamɛnu tenbi kirindinu saganna anu burimatoe kɛlɛ-kɛ-tinɛ.

1 Samuwɛli 17:49

A ya kuri bi ala bɔrɛ rɔ ka a sa ala lenfiran rɔ. A ya a tii Kolati ma. Kuri tara bɛn Kolati telɛ la ka a kun-kole ratii. A laburunta a ma dugi ma fugbu!