1 Mansɛnu 22:22 - ALLALA KUMƐ

²² Mari ya wo manyinika, a ko, ‘Ile si ke a yanfala kama?’ Melika wo ya a fɔ Mari ye ko, ‘Nde si ta a ma, Mansa Ehabula nɛbi bɛɛsi ni ma foninya-fɔlɛ la.’ Mari ya a fɔ a ye ko, ‘Awa, nba, ta! I ni yanfɛ sigi a la bawo n bara la a la ko ile si a nɔ le.’ ”

1 Mansɛnu 22:22 ပူးပေါင်းရင်းမြစ်များ

1 Mansɛnu 13:18

Nɛbi-kɛmɔgɛ wo ya a fɔ a ye ko, “Nɛbi le nde fanan na iko ile. Marita melika ya kɛ le fɔ n ye ko fɔ n ni na i bi kilɛ la. Ma ni ta fen-dɔn-kɛ ma nyɔgɔn fɛ ka ma min.” Kɔnɔ Nɛbi-kɛmɔgɛ wo ya foninyɛ le fɔ wo la.

1 Mansɛnu 22:20

Ale Mari ya ala melikanu manyinika ko, ‘Yon si Mansa Ehabu yanfa ha a ni ta faga Ramɔti soe burɔ?’ Melika donu ya hɛnkili do labɔ. Melika doinu fanan ya hɛnkili-gbɛrɛkɛ labɔ.

1 Mansɛnu 22:21

Kɔnɔ ala ban, melika do ya a madon Mari la, a ya a fɔ Mari ye ko, ‘Nde si a yanfa le.’

2 Mansɛnu 3:13

Anu ke a ma, Nɛbi Ilaisa ya a fɔ Isirɛla mansɛ ye ko, “Nfen ko ye ma tɛma? Nfenna i ma ta Beyalita nɛbi wonu manyinika i fa anubɛ i na duruta minnu manyinikala?” Kɔnɔ Mansa Yɔram ko, “Ma ti wo ma bawo Mari le wara ma don Mohabu mansɛ bolo kɛ la.”

Yobu 1:12

Mari ya a fɔ ale Setanɛ ye ko, “Tana ma wo la. Ko-wo-ko di i ye, i ni wo ma a bolo-fannu na kɔnɔ i kana ko-wo-ko ma ale Yobu nyɛrɛ la.” Setanɛ bɔra nyɔ.

Yobu 12:16

Sɛnbɛ anubɛ nɔlɛ ye Alla bolo. Bolo-labiralɛ anubɛ wo ye min bolo labirala, wonu bi a kɔɛn le tɔ.

Yaburi 109:17

Dankali-kɛ di a ye kati! Wo rɔ, alamɛ ale fanan ya dankɛ sɔrɔn. Duwa-kɛ ma di a ye mumɛ! Wo rɔ, alamɛ mɔgɔ kana duwa ale fanan ye.

Aiseya 19:14

Mari ara anuna makawandili-kumɛ yabasan anu bolo. Ka a tɛgɛ wo ma, Iyipiti mɔgɛnu si ma iko gbɛɛtoe wa nama ala teseri rɔ.

Isikiyɛli 14:9

“Ni nɛbi do ya foninya-kumɛ fɔ, nde, Mari le ya a yanfa wo la. Nde nyɛrɛ-nyɛrɛ si nɛbi wo wurun Isirɛla mɔgɛnu tɛma.

Sakaraya 13:2

Wo wati rɔ, bɛsɛnu tɔgɛ si tunu nyamanɛ wo rɔ yen! Mɔgɔ-wo-mɔgɔ ti a miri anu ma tun! A ko a si foninya-nɛbinu wara-koe ka-a-la nyamanɛ wo rɔ. Hali bɛsi-kɔ-miriya si bɔ mɔgɛnu burɔ.

Yɔni 8:44

Wo fa Setanɛla dannu le wole la. Nba, wo ye a fɛ ka wo fa diyana-koenu kɛ. Kebi fɔlɔ, mɔgɔ-fagalɛ le ale la. A ma sɔn tonyɛ ma bawo tonyɛ sa ale rɔ. A wa foninya fɔ, wo ye a yirala a ye nya min. Foninya-fɔlɛ le ale la, ado ale Setanɛ, foninya-fɔlɛ bɛɛ fa le ale la.

1 Timoti 4:1

Allata Ni-Sɛnimɛ ya a gbɛ ko wati-laban kɛ kɔrɔ, mɔgɛ donu si dɛnkɛninyɛ boloka. Anu si foninya-karan bira min bi bɔla nyinɛnuna karan rɔ.

1 Yɔni 4:6

Kɔnɔ Allatɛ le male la. Ma si dan-nafarɛ lɔn tonya-niyi anubɛ foninya-niyi tɛma kɛ le fɛ—min ya Alla lɔn, wo si a tole masɔ male la. Allata ma min na, wo ti a tole masɔ ma la.

Lankɛnimayɛ 13:14

Kabana-koe minnu kɛnɛ sogo-ferema fɔlɔtɛ wo yala, Alla sɔnta ko a ni duninya-mɔgɛ bɛɛ yanfa wo fɛ. Sogo-feremɛ wo ya a fɔ bɛɛ ye ko soge min tanbanta faan la kɔnɔ a belinɛ, a ko anu ni wo gbiliya ka wola muninyɛ ladan.

Lankɛnimayɛ 17:17

Anu ya anuna sarati di sogo-feremɛ wo ma alako a ni mansayɛ kɛ ha Allata kumɛ wo ni bɔ-a-la tumɛ min, ado Alla le ya miriya kelan wo di anu ma ko anu ni a sako kɛ.

Lankɛnimayɛ 20:10

Nyinɛ wo, Setanɛ, kɔni, min ya anu yanfa, wo lafilita tɛ anubɛ munku-gbɛ-dalɛ rɔ, sogo-feremɛ anubɛ foninya-nɛbi lafilita kan min nun. Anu si nyankankantan sɔrɔn nyɔ su-ni-tele habadan!

Lankɛnimayɛ 20:3

Melika ya a lakɛ denka-dan-yenbɛlɛ rɔ ka nyɔ-dɛ latogon. A ya a balan sɛnbɛ la alako Setanɛ ti ke sibolenu yanfala tun ha san waga kelan ni ban. Wo kɔma, a si a boloka tun wati-kundu-ni kɔrɔ.

Lankɛnimayɛ 20:7

San waga kelan wo wa ban tumɛ min, melika si Setanɛ boloka ka bɔ yele la.

Kɛlɛ-Kurugbɛnu 9:23

Wo kɔma, Alla ya gboyanayɛ ladon Sɛkɛm mɔgɛnu anubɛ anuna mansɛ Abimɛlɛki tɛma bawo anu ya a na-kelen-nyɔgɛnu faga. Murutiyɛ wo mara a tayili-sarɛ la Alla bolo.

1 Samuwɛli 16:14

Marita sɛnbɛ bɔra Mansa Sɔli fɛ. Mari ya nyinɛ lawuli Mansa Sɔli la, a tɔrɔ-koe la.

1 Samuwɛli 18:10

Wo wulun sɔgɔma, Alla ya nyinɛ lawuli ale Mansa Sɔli la tun. A donta wɔrɔnde rɔ a nyɛrɛ warɛ bɔn la iko yuwɛ. Wo wati ya a taran, Dawuda ye ala sɔrɔn-fɔɛ la iko a duruta a mala nya min. Wo ya a taran, tanbɛ ye Mansa Sɔli bole tɔ.

1 Samuwɛli 19:9

Lunyɛ do, Mansa Sɔli siginɛ ala bɔn la, Mari ya nyinɛ lawuli a la tun. Tanbɛ ye a bole tɔ. Dawuda fanan bi sɔrɔn fɔla a ye nyɔ.