1 Mansɛnu 22:14 - ALLALA KUMƐ

¹⁴ Kɔnɔ Nɛbi Mɛkaya ya a fɔ a ye ko, “A ye malebɛ Mari-nimɛ tɛma, a ye min fɔla n ye, n bi wo le latenbila mansɛ ma.”

1 Mansɛnu 22:14 ပူးပေါင်းရင်းမြစ်များ

1 Mansɛnu 17:1

Nɛbi do bɔra Tisiba soe burɔ Kaliyadi nyamanɛ rɔ. A tɔgɛ le Ilaya. Nɛbi wo tara a fɔ Mansa Ehabu ye ko, “N bi Isirɛlata Mari Alla-nimɛ min batola, n bara n keli wo tɔgɔ rɔ ko duri ti yigi, bandɛ ti na san-dande kɛ kɔrɔ Isirɛla nyamanɛ kɛ rɔ yan fɔ nde, Ilaya wa a fɔ ko bandɛ ni na.”

1 Mansɛnu 18:10

A ye mabɛ ita Mari Alla-nimɛ tɛma, wo nyamani sa nyɔ tun mansɛ ma ta wɛ i nyinina kan min. A wa ta i nyini tinɛ kan min, ni nyɔ kun-tigi ya a fɔ ko i sa nyɔ, ale Mansa Ehabu si a ma, kun-tigi wo ni a gboro ka a fɔ ko a ma i yen.

1 Mansɛnu 18:15

Nɛbi Ilaya ya a fɔ a ye ko, “Nde ye wɔlila Mari-nimɛ Sɛnbɛ-Bɛɛ-Tigi min ye, n bara n keli wo tɔgɔ rɔ ko n si n nyɛrɛ yira Mansa Ehabu la bi.”

1 Mansɛnu 22:13

Mansa Ehabu ya kilayɛ min nata Nɛbi Mɛkaya kele tinɛ, wo ya a fɔ a ye ko, “N ya a to, nɛbi doinu bi a fɔla ko Mansa Ehabu si nɔ-ko sɔrɔn kɛlɛ rɔ. Ile fanan ni kuma kelan wo le fɔ de!”

Yɛrɛmaya 23:28

A ko nɛbi wa kiyo, a ni a fɔ ko a ara kiyo-gbansan le sa. Kɔnɔ Mari ko nɛbi ye min namɔɛnna ale Mari la, a ni wo le takaran a kilɛ fɛ. A ko fui-fan anubɛ a yanbɛ, kelen de wonu na, wa?

Yɛrɛmaya 34:6

Babilɔn kɛlɛ-dannu buira Yerusalɛm soe ma tumɛ min, nde, Yɛrɛmaya ya sarakanɛ kɛ latenbi ale Mansa Sɛdɛkaya ma wati wo le tɔ. Anu tara bui so-latankani fila ma, Lesi anubɛ Asika. Wonu denu dɔrɔn tonɛ so-latankaniyɛ la Yuda nyamanɛ rɔ.

Yɛrɛmaya 42:4

N ya anu yabi a kin na, n ko, “N si Alla madiya wo ye iko wo ya a fɔ n ye nya min. Ni a ya ko-wo-ko fɔ n ye, n si wo fɔ wo ye. N ti ko-wo-ko dogon wo ma.”

Yilan-Yilan Koe 22:18

Belam ya a fɔ anu ye ko, “Wo ta a fɔ Mansa Balaki ye ko hali a ya a bolo-fan bɛɛsi di n ma, n ti ke nta Mari Alla sɔsɔla hali doni bɛrɛni!

Yilan-Yilan Koe 22:38

Belam ya a yabi ko, “Nde le ma kɛ la gbɛ? N si ke kumɛ do latɛgɛla n nyɛrɛ ye, wa? Alla ye min fɔla n ye, n si wo le dɔrɔn fɔ wo ye.”

Yilan-Yilan Koe 22:8

Belam ya a fɔ anu ye ko, “Wo ni ki yan. Yanni sina Mari ya fenfen fɔ n ye, n si wo dantɛgɛlɛ sa wo ye.” Anu kira Belam fɛ nyɔ rɔ.

Yilan-Yilan Koe 24:13

hali i ya i bolo-fan damasi di n ma, n ti nta Mari kuman-kan boloka ka n nyɛrɛ diyana-kumɛ fɔ. Mari ye min fɔla n ye, n bi wo le dɔrɔn fɔla i ye!”

2 Kɔrɛnti 2:17

Male sa iko mɔgɔ siyaman bi nya min. Wonu bi Allala kumɛ mayirala iko fere-kɛ-fan min dɛ ma gbɛlɛ. Kɔnɔ Alla ara ma sɔ min kɛ, ma ye kumala gbɛ rɔ Alla yala iko Kirasitita wɔli-kɛlɛnu.

2 Kɔrɛnti 4:2

Ma ara ko-dogonnɛ anubɛ miliya-koe bɛɛ boloka. Ma ti ko-wo-ko kɛ yanfanteyɛ la, ado ma ti Allala kumɛ yɛlɛma foninyɛ la. Ma ye tonyɛ karanna gbɛ rɔ, woletɔ mɔgɛnu si a lɔn anu nyɛrɛ sɔndɔmɛ rɔ ma ye nya min Alla yala,

Kalesiya 1:10

N sa n tayala ka mɔgɛ hɛnɛ koe kɛnu tɔ! N bi a fɛ ka Alla kelen pe le hɛnɛ. Wo miri ko n bi n tayala ka diya mɔgɛnu ye, wa? Ni n bi n tayala ka diya mɔgɛnu ye, n ti ma Kirasitila wɔli-kɛlɛ la nun mumɛ!