1 Mansɛnu 21:7 - ALLALA KUMƐ

⁷ Yɛsɛbɛli ya a fɔ a ye ko, “Mansɛ le ma ile la? I yisi-kimɛ. I lasɔ. Ta fen dɔn tinɛ. Nde si Nebɔtila dugi sɔrɔn de i ye.”

1 Mansɛnu 21:7 ပူးပေါင်းရင်းမြစ်များ

2 Samuwɛli 13:4

Yonadabu ya a fɔ Aminɔ ye ko, “Mansa-dan le ile la, ado tuma-wo-tuma, n bi a yenna i yisi magboyanɛ. Nfen mara?” Aminɔ wo ya a fɔ a ye ko, “N na-kelen-nyɔgɛ Abasalɔm, wo tirisan-musi di n ye kosɛbɛ!”

1 Mansɛnu 21:6

A ya a fɔ ala musi wo ye ko, “A sɔgɛ ye n na, n ni Nebɔtila dugi san a ma. Ni wo ma, n ni dugu-hakikɛ do di a ma kɔnɔ a ko n ti wo sɔrɔn muk!”

Hɛnkilimaya-Kumɛnu 30:31

A fila nyɔgɛ le dondɔn la, a tenbi kekela sisinu tɛma. A sawa nyɔgɛ le baa-kɔrɔn la. A nani nyɔgɛ le mansɛ la a tenbi ala kɛlɛ-dannu tɛma.

Makawandili Kumɛnu 4:1

N sigira ka n miri. Telenbɛlitayɛ min bi duninya rɔ, n ya wo lakɔrɔsi. Minnu bi kɔndɔfili rɔ, wonu bi dila kɔnɔ anu denkunna-wo-denkuna sa. Anu denkunna sa bawo minnu bi anu tɔrɔla, sɛnbɛ ye wonu denu bolo.

Makawandili Kumɛnu 8:4

Ale letan ala sɛnbɛ la. Yon si a nyinika?

Emɔsi 6:12

Soeenu si ke anu burila kuru-gbɔgɔsa-gbagasɛnu kuma, wa? Sara-ninkinu si ke fara-gbaran rasinna, wa? Hali koe kɛnu min ma daga mala, wole Isirɛla mɔgɛnu bara ko-latelennɛnu yɛlɛma ko-yogomɛnu na.

Maika 7:3

Ko-yogoma-kɛlɛnu karan-mɔgɛ le wole la. Wola kun-tiginu anubɛ wola kiti-salɛnu bi dogonta-fannu makelela mɔgɛnu bolo kiti-sa-tinɛ. Sɛnbɛ ye minnu na, wonu bi yanfɛnu donna mɔgɛnu ma.

Kɛlɛ-Kurugbɛnu 19:6

Anu kɛmɔgɔ filɛ sigira ka fen-dɔn-kɛ ka anu min. Anu ban, a biran-kei ya a madiya tun, a ko, “I yandi, bi su kelan ki n fɛ yan. N ni i ladiya.”

Ruti 3:7

Bowasi banta fen-dɔn-kɛla ka a kan lakimɛ tumɛ min, a nyagalenta ka ta a sa dɔn-fen-senda-siginɛ dafɛ. A kinɔgɔra tumɛ min, Ruti tara a fɛrɛ ma dɔidɔi! A ya Bowasila birinkan kɔrɔbi ka a rasagan a kian dugu la.

1 Samuwɛli 8:14

A si wola sɛni-sa-tina-hakikɛnu bi wo bolo anubɛ wola ki-fen-hakikɛnu ka wonu don ala mɔgɔ-banu bolo.

1 Samuwɛli 8:4

Woletɔ Isirɛla mɔgɔ-ba bɛɛsi ya anu kundɛn kan-tina-kelen. Anu tara Samuwɛli wara Rema.