1 Mansɛnu 21:3 - ALLALA KUMƐ

³ Nebɔti ya a fɔ ale mansɛ ye ko, “Ka dugi kɛ latenbi i ma, alamɛ Mari ya n kisi wo ma bawo benba kɛɛ-dugi le.”

1 Mansɛnu 21:3 ပူးပေါင်းရင်းမြစ်များ

Ko-Dabirɛnu 44:17

Kɔnɔ Yusufu ko, “Ka a fɔ wo dama ni ma yɔɔn la, alamɛ nde tankara wo ma. Nta yi-lafɛ yenta min bolo, wo le dɔrɔn si ma nta yɔɔn la. Wole lafɛrɛnɛ ni ta wo fa warɛ.”

Ko-Dabirɛnu 44:7

Yusufu na-kelen-nyɔgɛ wonu ya a yabi ko, “Ma tigi ye kumɛ kɛ fɔla nfenna? Ma ti ko su kɛnu ma muk!

1 Ko-Kɔrɔta-Karan 11:19

A ko, “Nta Alla, n ti yi kɛ min. Ni n ya yi kɛ min, a mani de wo rɔ iko n bara mɔgɔ sawɛ kɛnu yele le min minnu bara anu niyi fili ka ta yi kɛ bi.” A ma sɔn yi wo min-koe ma. Kɛlɛ-kurugba sawɛ kɛnu ya ko-makawanɛ kɛnu denu denu ma.

Yobu 27:5

N ti a fɔ ko wo ara tonyɛ fɔ muk! Ha saya si n taran, n nɔrɔnɛ a fɔɛ ma ko n yilikini ma.

Isikiyɛli 46:18

Mansɛ kana bui mɔgɛ ma ka a halala-dugi bi a bolo. Ni a ye dugi min dila ala dannu ma, fɔ a ni ma a halala-dugu-bɛrɛbɛrɛ la. Wo si a ma, a ti nde, Marita mɔgɛnu yakɔrɔ-mamɔ dugu-wara-koe la.”

Saraka-Masɔlɛnuta Tɔnnu 25:23

“Wo kana wola duginu mayira wo ta-nyɔgɛnu ma alako a ni to anu bolo habadan bawo wota ma. Nde, Maritɛ le dugi mumɛ bɛɛ la. Ile mintan a la, i mani de iko sundan kɔnɔ n sɔnta a ma i ni wɔli a rɔ.

Yilan-Yilan Koe 36:7

Wo le si a ma, bɔnsɔn-wo-bɔnsɔn kɛɛ ti ta a ta-nyɔgɛ warɛ. Fɔ bɛɛtɛ ni to a nyɛrɛ bolo.

Yilan-Yilan Koe 36:9

Wo le si a ma, Isirɛla mɔgɛnuta kɛɛ si to a tigi bolo. Woletɔ wo ti kɛɛ ratantan. Bɔnsɔn bɛɛ si a halala kɛɛ sɔrɔn. Ka a fɔlɔ kɛ wati ma, kɛ si ma tɔn la wo ye.”

Romu 3:31

Dɛnkɛninyɛ si tɔn-kitabu wara-koe ma fuyi la worɔ? Wo ma de! Dɛnkɛninyɛ le si a ma, ma ni tɔn-kitabu gbiliya kati!

Romu 3:4

A sa wo nya hali! Hali mɔgɛ bɛɛ mara foninya-fɔlɛ la kɔnɔ Allatala wo telenta. Iko a sɛbɛnɛ Allala kitabu do rɔ nya min, a ko, “Tonyɛ ye i bolo kuma tinɛ. Yoe ye i bolo kiti bɛɛ kun na.”

Romu 3:6

Ade! Ni Alla ma telen, a si duninya kiti kama?

Romu 6:15

Nba, a ye kama worɔ? Ma ye Allala hinɛ kɔrɔ min kɛ, ma sa tɔn kɔrɔ tun, ma ni to hakɛ kɛla worɔ, wa? Ade!

Romu 6:2

Ade! A manɛ iko ma ara faga alako hakɛ kana sɛnbɛ sɔrɔn ma kuma tun. Ma si to hakɛ kɛla kama worɔ tun?

Romu 7:13

Hakɛ ya ko-nyimɛ do kɛ n ye, Nɛbi Musata tɔn-kitabu, kɔni. Wo le nara sayɛ la n kuma. Kɛ mara le alako n ni a lɔn hakɛ ye nya min! Tɔn-kitabu le ya a yira ma la ko hakɛ yogo dɔgɔma-ma-de!

Romu 7:7

Ma si nfen fɔ worɔ? Ma si a fɔ ko tɔn-kitabu wo nyɛrɛ le hakɛ la, wa? Ade! Tɔn-kitabu wara-koe le ya a ma, n ya nta hakɛ lɔn, ado ni Nɛbi Musata tɔn do ma a fɔ nun ko n kana n niyi sa mɔgɔna-fan kuma, n ti a lɔn ko hakɛ le wo la nun.

1 Kɔrɛnti 6:15

Wole ya a lɔn ko Kirasiti fɛrɛ-bɔnkɛ-tɔnkɔ-do le wole la, wa? A ye kama? N si Kirasiti fɛrɛ-bɔnkɛ-tɔnkɔ-do bi ka a tugun yɛlan-fɛrɛ-bɔnkɛ la, wa? Alamɛ ma kisira wo ma!

Kalesiya 6:14

Kɔnɔ nde si n kɔgɔ raka ma Mari Yisa, Allata-Mɔgɔ-Yabɔnɛ faga-kɔlɔma dɔrɔn dela ko la. Ka a tɛgɛ ata fagɛ kɔlɔma ma, nde faganɛ duninya rɔ, duninya fanan faganɛ nde rɔ.

Yasowa 22:29

“Male ti ma kan-kɔ sɔ Mari la kaka ka saraka-mintan-tina-dogbɛrɛ sɔ ma si sarakɛ mintan kan min fɔ ni ma tara Marita Bɔn nyɛrɛ yakɔrɔ.”

Yasowa 24:16

Isirɛla mɔgɛnu ya a yabi ko, “Ma ti bɛsɛnu kɔ ka Mari to nyɔ mumɛ!

1 Samuwɛli 12:23

Kɔnɔ ni nde, Samuwɛli ya n ban Mari madiyala wo ye, wo si ma hakɛ la n bolo, ado Mari ni n tanka wo ma. Yanni n ni wo ma, n si wo karan tonyɛ anubɛ ko-latelennɛ ma.

1 Samuwɛli 24:6

Dawuda ya a fɔ ala keminɛ wonu ye ko, “Ka ko-yogomɛ ma nna kun-tigi la, alamɛ Mari ya n tanka wo ma bawo Mari le ya ale yabɔ ka a ma mansɛ la. N kana ko-wo-ko ma a la bawo Mari le ya a sigi mansayɛ la.”