1 Mansɛnu 21:26 - ALLALA KUMƐ

²⁶ A ya kisimiriya-koenu nadan ka bɛsɛnu kɔ iko Amoranu bi a mala nya min nun, ado Isirɛla mɔgɛnu nanɛ nyamanɛ wo rɔ Mari ya Amora wonu denu gben anu yarɔ.)

1 Mansɛnu 21:26 ပူးပေါင်းရင်းမြစ်များ

Ko-Dabirɛnu 15:16

Kɔnɔ i bɔnsɔn minnu bi donna yɔɔnyɛ rɔ, wonu bɔnsɔn nani nyɔgɛ wonu denu bi sɛgila nyamanɛ kɛ rɔ yan. Kɔnɔ anu ti don yan fɔ Amoranuna hakɛ da wa fa. Wo kɔma, n si anu gben.”

1 Mansɛnu 15:12

Kɔli-kɛlɛ minnu bi yɛlɛnyɛ kɛla anuna bɛsi-kɔ-tinɛnu tɔ, a keimɛ wo, a musumɛ wo, a ya wo bɛɛ gben. A benbanu ya bɛsɛ minnu nadanni to, a ya wo damasi tinya.

1 Mansɛnu 18:18

Nɛbi Ilaya ya a fɔ mansɛ ye ko, “Nde ma Isirɛla tɔrɔ. Kalabante wobɛ i fa le la bawo wo ara Marita tɔn tinya ka Bɛsi Beyali kɔ.”

2 Mansɛnu 16:3

A ya Isirɛla mansɛnu sɔn bi hali ka a halala-den-kei ma saraka-mintantɛ la bɛsɛnu ye. Min kolo wo ko, Mari ya mɔgɛ minnu gben nyamanɛ wo rɔ nyɔ nun, wonu taranta kisimiriya-koe kɛ le sufa mala nun.

2 Mansɛnu 17:12

Anu ya Marila tɔnnu tinya ka bɛsɛnu kɔ.

2 Mansɛnu 21:11

“Manasa ara kisimiriya-koenu kɛ. A ya ko-yogomɛnu kɛ ka tenbi Kenan kɛnu na. A ara Yuda mɔgɛnu nabila bɛsi-kɔ-koe la.

2 Mansɛnu 21:2

Mansa Manasa ya hakɛ kɛ Mari la ka kisimiriya-koenu ma iko Mari ya mɔgɛ minnu gben Isirɛla mɔgɛnu yarɔ fɔlɔ nun.

2 Ko-Kɔrɔta-Karan 15:8

Mansa Esa ya nɛbiya-kumɛ kɛ lamɔɛn Nɛbi Asaraya bolo tumɛ min, wo ya a diya don a rɔ. A ya bɛsɛnu tinya Yuda nyamanɛ anubɛ Bɛnyamɛ nyamanɛ rɔ. Soe minnu biranɛ a bolo nun Ifɛrɛm kɔnkɔ-nyamanɛ rɔ, a ya nyɔ-bɛsɛnu tinya. Saraka mintan tinɛ min bi Mari Bato-Bɔn kata burɔ, a ya wo mabɛn.

2 Ko-Kɔrɔta-Karan 33:2

Mansa Manasa ya hakɛ kɛ Mari la ka kisimiriya-koenu ma iko Mari ya mɔgɛ minnu gben Isirɛla mɔgɛnu yarɔ fɔlɔ nun.

2 Ko-Kɔrɔta-Karan 33:9

Mansa Manasa ya a ma, Yuda anubɛ Yerusalɛm kɛnu ya hakɛ kɛ dɔgɔma-ma-de, hali ka tenbi mɔgɛ wonu na Mari ya minnu gben anu yarɔ nun.

2 Ko-Kɔrɔta-Karan 36:14

Min sanɛ wo kuma, kun-tiginu anubɛ saraka-masɔlɛnu anubɛ Isirɛla mɔgɛnu tora ko yogomɛ mala iko sibolo-gbɛrɛ minnu bi anuna foolɛnu tɔ. Mari nyɛrɛ ara a Bato-Bɔn min sɛninya nun, anu ya wo latinya.

Aiseya 65:4

Anu bi anu sigila kaburu-soenu tɔ. Anu bi kila nyɔ alako anu ni kuman-kan-kɛndɛ sɔrɔn furinu bolo. Anu bi sogo-haramunɛnu dɔnna. Anuna dagɛnu kɔgɔ donnɛ kisimiriya-sogo sufa kɛnu na.

Yɛrɛmaya 16:18

A ko wole, Yuda mɔgɛnu ya karagbɛlɛyɛ min bɛɛ ma, a si wo yili sara wo la ka wo tɔrɔ hakɛ wo la iko fila fila. A ko a si wo ma bawo wo ara nyamanɛ latinya wola kisimiriya-bɛsɛnu na, ado wo ara ale Marita nyamanɛ kɛ lafa bɛsɛnu na pen!

Yɛrɛmaya 44:4

Mari ko a taranta ala wɔli-kɛla-nɛbinu nanala wo ma ka wo makawandi ko-yogomɛ kɛnu wara-koe ma min gbo a ye ha ka a dan-natenbi.

Isikiyɛli 16:47

Ka bila wonu fɛ kisimiriya ko-ladan rɔ, wo ya i wasa, wa? Wati-kundu-nɛ kɛ kɔrɔ, ile sɔn tenbira anutɛ la pirr!

Isikiyɛli 18:12

A kɛnɛna bolo-kolɔnnu bolo labirala ka kankanyɛ kɛ fanan. A ye balanna tulumɛnu ma. A ye tala Alla-lɔnbɛlɛnuna bɛsɛnu kɔla ka kisimiriya-koenu nadan.

Tɔn-Fɔɛ-Fila-Nyɔgɛ 12:31

Wo kana wota Mari Alla bato iko anu denu bi anuna bɛsɛnu kɔla nya min bawo anu bi layarabi-koe ladanna min ma di Mari ye. Hali anuna dannu kɛndɛ, anu bi anu mala sarakɛ la ka anu mintan gburr!

Yasowa 23:9

Mari ya wo yogo-sɛnbɛmɛnu gben wo yarɔ. Sibolo-kelen-bɛrɛn ma ke wo nɔla.

1 Pita 4:3

ado wo ara wati min kɛ fɔlɔ-nun Alla-batobɛlɛnuta koenu kɛ tinɛ, wo ara a bɔ. Nyɛrɛ-latinya-koe wo, nata wo, gbɛɛ-minyɛ wo, kisimiriya-koe wo, yabatoyɛ wo, bɛsi-kɔ-koe wo, wo ya wola siyi duni wonu denu kɛ tinɛ nun.

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”