1 Mansɛnu 21:25 - ALLALA KUMƐ

²⁵ (Mɔgɔ-wo-mɔgɔ sa nyɔ min bara bila Mari la ka ala ko-yogomɛ sa gbɛ rɔ iko Mansa Ehabu kɛ, ado ala musi Yɛsɛbɛli le ya a latuntun ko-yogomɛ kɛnu ma-tinɛ.

1 Mansɛnu 21:25 ပူးပေါင်းရင်းမြစ်များ

1 Mansɛnu 16:25

Mansa Hɔmɔri wo ya hakɛ min ma, hali a ya mansɛ minnu taran a yarɔ, wonu ma wo nyɔgɔn ma.

1 Mansɛnu 18:18

Nɛbi Ilaya ya a fɔ mansɛ ye ko, “Nde ma Isirɛla tɔrɔ. Kalabante wobɛ i fa le la bawo wo ara Marita tɔn tinya ka Bɛsi Beyali kɔ.”

1 Mansɛnu 18:4

Lunyɛ do, Yɛsɛbɛli ye Marita nɛbinu fagala tumɛ min, ale Hɔbadaya kɛ le ya nɛbi wonu mɔgɔ kɛmɛ bi ka anu dogon bi-loli bi-lolinyɛ ma farannu na. A tora anu de-nyinina nyɔnu tɔ.)

1 Mansɛnu 19:2

Yɛsɛbɛli wo ya a sara Nɛbi Ilaya wara ka a fɔ a ye ko, “Kɛ nyɔgɔn tumɛ sina, ni n ti a ma i la iko i wara a ma nna nɛbinu na nya min, alamɛ nna bɛsɛnu ya n gbesi a rɔ.”

1 Mansɛnu 21:20

Mansa Ehabu ya Nɛbi Ilaya yen tumɛ min, a ya a fɔ a ye ko, “N yoge, i wara n gba bɔ?” Nɛbi Ilaya ko, “Ɔn! Koe minnu ma di Mari ye, i wara i nyɛrɛ ma wonu malɛ la.

1 Mansɛnu 21:7

Yɛsɛbɛli ya a fɔ a ye ko, “Mansɛ le ma ile la? I yisi-kimɛ. I lasɔ. Ta fen dɔn tinɛ. Nde si Nebɔtila dugi sɔrɔn de i ye.”

1 Mansɛnu 22:52

A ya ko-yogomɛ ma iko a fa Mansa Ehabu anubɛ a na Yɛsɛbɛli anubɛ Mansa Yɛrabowami ya a ma nya min nun ka Isirɛla mɔgɛnu nadon hakɛ rɔ. Wo le ya a ma, a bilara Mari la.

1 Mansɛnu 22:53

A ya Beyali bɛsɛ kɔ iko a fa ya a ma nya min nun ka Isirɛlata Mari Alla ladiminya.

2 Mansɛnu 17:17

Anu bi anuna dannu mintanna Alla-batobɛlɛnuna bɛsi-kɔ-tinɛnu tɔ. Anu bi yi-kɔrɔ-fɛlan anubɛ bolo-tafɛlan kɛla. Koe min bɛɛsi yogo ale yala, anu ya anu nyɛrɛ don wonu tɔ. Wo le ya a ma, Mari fonde bɔra anu kuma.

2 Mansɛnu 23:25

Ale Mansa Yosaya kɛ, a nyɔgɔn ma taran nun fɔlɔ, ado a nyɔgɔn don ma na taran min ya Mari sako kɛ a sɔndɔmɛ anubɛ a yisi bɛɛ la iko ale. A ya Nɛbi Musata tɔn bɛɛ bira.

2 Mansɛnu 9:22

Mansa Yɔram ya Mansa Yehu manyinika ko, “I nara a nyimɛ le la, ka, a yogomɛ?” Mansa Yehu ya a fɔ a ye ko, “I na ya suwagayɛ anubɛ bɛsi-kɔ-koe min nawara ma tɛma, fananta wo ye ma tɛma, ma ti yisi-kimɛ sɔrɔn.”

2 Mansɛnu 9:34

Mansa Yehu donta mansɛla bɔn wo la ka fen-dɔn kɛ ka a min. Wo kɔma, a ya a fɔ mɔgɛnu ye nyɔ rɔ ko, “Wo ni dankatoe wo furi bi ka ta a togon bawo wo ya a lɔn mansa-dan le.”

Nihɛmaya 13:26

N ya a fɔ anu ye ko, “Sibolo-gbɛrɛ furu-nyɔgɔnyɛ, wo le ya a ma, Mansa Silamɛni ya hakɛ kɛ. A mankan koloyara mansɛ bɛɛtɛ ko. A diyara Alla ye furr, ha a ya a ma Isirɛla mansɛ la. Yaga, wo ye hakɛ kɛla le.

Bɔ-Koe-Iyipiti 34:16

Wo ni a ma wo fɛrɛma. Wo kana sɔn anuna dunmusinu furula wola den-keinu ye kamasɔrɔn wonu ba don anuna bɛsi-kɔɛ rɔ tumɛ min, anu kana wola den-keinu kɔndɔfili ka anu nadon anuna bɛsi-kɔ-koe rɔ.

Hɛnkilimaya-Kumɛnu 22:14

Yɛlan-dɛ mani de iko denka-rayan-bɛ, minnu bi Marita diminyɛ kɔrɔ, wonu denu bi buila a rɔ.

Makawandili Kumɛnu 7:26

N bara koe do yen min gbɛlɛ sayɛ ko. Wo le wo musi la min tɔgɛ musu-milibɛlɛ. A mani de iko gbɛrɛ. A yisi mani de iko fɛlɛ-wɛ. A bole mani de iko yɔlɔkɛ. Allata mɔgɛ le dɔrɔn si a masangba kɔnɔ a ti mɛ hakɛ-tigi wo lasɔrɔnna.

Aiseya 50:1

Mari ko i miri ko a ara a ban wole, ata mɔgɛnu na iko mɔgɛ si a ban ala musi la nya min? Ni tonyɛ le wo la, boloka-kɛdi wo ye mintɔ? A ko i miri ko a ara anu mayira iko yɔɔn ka anu ma yili-sarɛ la? Ade, anu hakɛ le ya a ma, Mari ya a ban anu na iko mɔgɛ wa a ban ala musi la. Ni i ya a yen wo mara bawo ile fɔlɔn bara to i kan-kɔ sɔla a la.

Aiseya 52:3

Ma Tigi Mari ko wole, ata mɔgɛnu donta yɔɔnyɛ rɔ tumɛ min, mɔgɔ-wo-mɔgɔ ma sɔn wo sanna wodi la, ado mɔgɔ ti wo kunka fanan wodi la.

Kɛwɔlɛnu 14:2

Kɔnɔ Yahudiya minnu ma dɛnkɛninya Yisa ma, wonu ya sibolo-gbɛrɛ doinu natugu ka anu yisi yɛlɛma Mari Yisata mɔgɛnu kan ma.

Kɛwɔlɛnu 6:12

Anu ya kuma kelan wo fɔ mɔgɔ-banu anubɛ tɔn-karan-mɔgɛnu anubɛ mɔgɛ donu ye. Woletɔ anu nara Sitifen bira tinɛ ka ta a la kun-tiginu bara.

Romu 6:19

(N ya yɔɔnya-koe ma misalɛ la wo ye bawo wo si wo le nya-yen, ado wo rafaganɛ Alla wara-koe rɔ.) Fɔlɔ-nun, wo ya wo nyɛrɛ to ko-yogomɛ anubɛ sɔn-yogoyɛ kɔrɔ iko yɔɔn. Kɔnɔ kaka, fɔ wo ni wo nyɛrɛ to ko-sɛnimɛ anubɛ telenbagayɛ kɔrɔ iko yɔɔn alako wo si ma Allata mɔgɔ-kɛndɛnu na nya min.

Romu 7:14

Ma ya a lɔn ko Alla le ya tɔn-kitabu di n ma kɔnɔ mɔgɔni-gbuyi le nde la. A manɛ iko n bi yɔɔnyɛ la hakɛ bolo.

Lankɛnimayɛ 2:20

Kɔnɔ min bi n kɔntɔ wo kan ma, wo le kɛ la. Wo ye sɔnna musi dola koenu ma, Yɛsɛbɛli, kɔni, min bi a nyɛrɛ kelela ko Allata kilayɛ. A ye mɔgɛnu karanna ka nna wɔli-kɛlɛnu nasama alako anu ni don yɛlɛnyɛ rɔ. A ye anu karanna bɛsi-kɔ-fannu dɔn-koe ma fanan.