1 Mansɛnu 21:22 - ALLALA KUMƐ

²² Mari ko wobɛ ila denbayɛnu si ma iko Nebatila den Mansa Yɛrabowami mara nya min. A ko wobɛ ila denbayɛnu si ma fanan iko Mansa Ahayala den Mansa Beyasa mara nya min. Mari ko a si wo ma bawo i wara a fonde labɔ ka Isirɛla mɔgɛnu nadon hakɛ rɔ.

1 Mansɛnu 21:22 ပူးပေါင်းရင်းမြစ်များ

1 Mansɛnu 12:30

Wo ya a ma, mɔgɛnu ya hakɛ kɛ ka ta bɛsɛ wonu kɔ tinɛ Bɛtɛli soe anubɛ Dan soe burɔ.

1 Mansɛnu 13:34

Yɛrabowami ya hakɛ min kɛ kɛ la, wo le ya fɛɛ sa ala mansayɛ la. Mansayɛ bɔra a bolo. Mansayɛ ma sɛgi ala bɔn la tun.

1 Mansɛnu 14:16

Mari ko bawo Mansa Yɛrabowami ara mɔgɛnu bɔ ale wara la ka anu nadon hakɛ rɔ, a si a ban Isirɛla mɔgɛnu na.”

1 Mansɛnu 15:34

Ale fanan tora hakɛ kɛla iko a ya Mansa Yɛrabowami min taran a yarɔ, wo ye hakɛ kɛla nya min ka Isirɛla mɔgɛnu nadon hakɛ rɔ.

1 Mansɛnu 16:11

Simiri kɛ mɛ mansɛ la, a ya Mansa Ila fa Mansa Beyasala denbayɛ bɛɛsi faga. Mansa Beyasa na-kelen-nyɔgɔ wo, a diyana-mɔgɔ wo, a ya wo bɛɛsi faga.

1 Mansɛnu 16:26

A ara Isirɛlata Mari Alla ladiminya bawo a ara hakɛ kɛ ka Isirɛla mɔgɛnu nadon hakɛ rɔ katarala bɛsi-kɔ-koe ma iko Mansa Yɛrabowami ya a ma nya min nun.

1 Mansɛnu 16:3

N si anubɛ ala denbayɛnu ban dugu-kole kuma iko n ya Yɛrabowami anubɛ ala denbayɛnu ma nya min.

2 Mansɛnu 10:10

Kɛ ara a yira n na ko Mari ya kumɛ min bɛɛsi fɔ n ye Mansa Ehabu anubɛ ala denbayɛnu bara-koe rɔ, wo ara bɔ-a-la. Mari ya min fɔ Nɛbi Ilaya ye, wo bɛɛ ara bɔ a la.”

2 Mansɛnu 9:9

Mari ko a si a ma Mansa Ehabuta denbayɛ la iko a ya a ma Nebatila den Mansa Yɛrabowami anubɛ Ahayala den Mansa Beyasa la nya min.

Hɛnkilimaya-Kumɛnu 17:13

Ni mɔgɛ ya ko-nyimɛ sara ko-yogomɛ la, yakɔrɔ-mamɔɛ ti bɔ ala bɔn la.