1 Mansɛnu 21:21 - ALLALA KUMƐ

²¹ Woletɔ Mari ko a si kasarɛ lana i kuma. A ko a si wobɛ i kebilɛnu halaki, a keimɛnu, kɔni, a yɔɔn wo, a hɔrɔ wo.

1 Mansɛnu 21:21 ပူးပေါင်းရင်းမြစ်များ

1 Mansɛnu 14:10

Ka a tɛgɛ Mansa Yɛrabowami sɔn kɛ ma, Mari ko a si gbalo lana anubɛ a kegeya keimɛ damasi kuma. Hali ala bonna-wɔli-kɛlɛnu, a si wonu fanan tɔrɔ. A ko a si anu tɔrɔndɔ iko tɛ si ninki-nyɛ-gbalɛ mintan nya min.

1 Mansɛnu 16:3

N si anubɛ ala denbayɛnu ban dugu-kole kuma iko n ya Yɛrabowami anubɛ ala denbayɛnu ma nya min.

2 Mansɛnu 10:17

Anu kera Samariya soe burɔ tumɛ min, Mansa Ehabula mɔgɛ toe minnu bi Samariya soe burɔ, Mansa Yehu ya wonu damasi lato dogbe iko Mari ya a fɔ Nɛbi Ilaya ye nya min.

2 Mansɛnu 10:30

Mari ya a fɔ Mansa Yehu ye ko, “I wara a ma Ehabula mɔgɛnu na iko n miriya ye a ma nya min. Ka a tɛgɛ wo ma, mansayɛ si to ila bɔn la ha i mamani-mamanɛ bolo Isirɛla nyamanɛ rɔ.”

2 Mansɛnu 14:26

Mari ya wo ma bawo a ara a yen, Isirɛla mɔgɛnu bara tɔrɔ nya min, ado anu dɛnbɛn-mɔgɔ-gbɛrɛkɛ sa nyɔ, a mara yɔɔn la wo, a mara hɔrɛ la wo.

2 Mansɛnu 21:13

N si Yerusalɛm kɛnu tɔrɔ iko n ya Samariya kɛnu anubɛ Ehabu kegeyɛ tɔrɔ nya min nun. N si mɔgɛnu kian firan Yerusalɛm soe burɔ iko mɔgɛ ye fi rafiranna nya min ka a laburun.

Aiseya 3:11

Kɔnɔ ko-yogoma-kɛlɛnu tinya-koe ara to a ma. Anu ya koe min sigi mɔgɛnu na fɔ wo wa sigi anu denu fanan ma.

Tɔn-Fɔɛ-Fila-Nyɔgɛ 32:36

“Mari wa a lɔn tumɛ min fanka sa wole Isirɛla mɔgɛnu na tun, a si wo kisi. A wa a yen wo niyi sani ma wola bɛsɛnu kuma tun, a si kinikini wole, a batolɛnu ma.

1 Samuwɛli 25:22

Yanni bandɛ ni ka sina, ni n ti Nebali anubɛ ala keminɛ damasi faga, alamɛ Alla ya n faga.”

1 Samuwɛli 25:34

Mari ara a ma, n ma ko-wo-ko ma wo la. Kɔnɔ ni i ma i latiriya nala n taranna yan nun, n bara n keli Isirɛlata Mari Alla-nimɛ rɔ nun ko yanni sina sɔgɔma, n si Nebali anubɛ ala bonna-keminɛ bɛɛsi faga.”