1 Mansɛnu 21:2 - ALLALA KUMƐ

² Lunyɛ do, Mansa Ehabu ya a fɔ Nebɔti ye ko, “N bi nyinina ila nɔnbɔ-sɛnɛ kɛ ma bawo a ye nna bolɔn dafɛ le. N bi a fɛ ka fan donu ki nyɔ rɔ. Ni i si sɔn, n si kan-tina-hakikɛ do di i ma. Ni wo ma, n ni a san i ma.”

1 Mansɛnu 21:2 ပူးပေါင်းရင်းမြစ်များ

Ko-Dabirɛnu 16:6

Burama ya a fɔ Sirayi ye ko, “Ile letan ila yɔɔn-musi la. Min di i ye, i ni wo ma a la.” Sirayi ya karagbɛlɛyɛ sigi ala yɔɔn-musi wo la tumɛ min, a ya a buri Sirayi kɔrɔ.

Ko-Dabirɛnu 3:6

Woletɔ musi wo ya bɔra kɔlɔma-gbɔɛ wo la bawo a kin. A dɔn-sɔgɛ ya a bira. A ya a lɔn ko ni a ya a dɔn, a si hɛnkili sɔrɔn. A ya wo gbɔɛ do keri ka a dɔn ka do di ala kei ma. Wo fanan ya do dɔn.

1 Mansɛnu 21:3

Nebɔti ya a fɔ ale mansɛ ye ko, “Ka dugi kɛ latenbi i ma, alamɛ Mari ya n kisi wo ma bawo benba kɛɛ-dugi le.”

1 Mansɛnu 21:6

A ya a fɔ ala musi wo ye ko, “A sɔgɛ ye n na, n ni Nebɔtila dugi san a ma. Ni wo ma, n ni dugu-hakikɛ do di a ma kɔnɔ a ko n ti wo sɔrɔn muk!”

2 Mansɛnu 9:27

Anu ya min ma Mansa Yɔram na, wo rayen Yuda Mansa Ehasaya bolo, a ya ala kirindi bi ka a buri tala Bɛti-Hagan wara la. Mansa Yehu anubɛ ala kɛlɛ-dannu bi a gbere la. Mansa Yehu ya a fɔ ala kɛlɛ-dannu ye ko, “Wo ni wo fanan faga.” A burimatoe ye tala Kari soe burɔ min bi Ibiliyam soe dafɛ. Anu ya a bon nyɔ le. Kɔnɔ a ya a ragbɛlɛya ka ta ha Magidɔ soe burɔ. A fagara nyɔ le.

Bɔ-Koe-Iyipiti 20:17

“Mɔgɔ kana a niyi sa a sigi-nyɔgɛ bolo-fan kuma iko bon wo, musu wo, yɔɔn wo, anubɛ kolo-fen.”

Makawandili Kumɛnu 2:5

N ya baga-kɔlɔma-siyaman ki minnu si fere. Ki-fan wonu mafɛlɛn di. N ya ki-fen-gbɛrɛkɛnu ki minnu gbɔɛ di.

Keninteya-Siginu 4:15

Ile mani de iko tenke minnu bi bɔla Lɛbanan kɔnkɛnu tɔ. I wara n hɛnɛ iko kɔnkɔrɔ-yi wonu si mɔgɔ-kan lakimɛ nya min.

Yɛrɛmaya 22:17

Kɔnɔ a ko ale Mansa Yahoyakim, kensunya-fen-sɔrɔn, wo le dɔrɔn bi a hɛnɛna. Ka to hɔnna a nyɛrɛ la tolon, wo di a ye kosɛbɛ! Mɔgɛ min ma ko-yogomɛ ma tele-kelen-bɛrɛni, a si wo faga. A ye a lagbɛlɛyala mɔgɛnu kuma.

Luka 12:15

Wo kɔma, a ya a fɔ anu dama ye ko, “Wo ni a ma wo fɛrɛma wasabɛlɛnuna ko la bawo mɔgɔ niyi ti suma ka a bɛn a bolo-fannu ma, hali a bananyara nya bɛɛ ma.”

Tɔn-Fɔɛ-Fila-Nyɔgɛ 11:10

Nyamanɛ wo mani ma iko wo siginɛ Iyipiti nyamanɛ min tɔ nun. Ni wo ya sugi fui Iyipiti nyamanɛ rɔ, fɔ wusi wa bɔ wo la a yi-kɛ-tinɛ.

Tɔn-Fɔɛ-Fila-Nyɔgɛ 5:21

“A ko a sigi-nyɔgɛta musu wo, ala bon wo, ala dugu wo, ala yɔɔn wo, ala kolo-fannu wo, mɔgɔ kana a niyi sa fenfen sufa kuma min bi a bolo.

1 Timoti 6:9

Kɔnɔ minnu bi a fɛ ka ma nɔnfulu-tigi la, wonu si bui nata-yogoma-su bɛɛ rɔ. Yuwaya-koe anubɛ sɔn-yogoma-siyamɛ si ma gbɛrɛ la anu ye. Wonu bi nala buila ka don nyɛrɛ-tinya anubɛ halaki-koe rɔ

1 Samuwɛli 29:6

Mansa Akisi ya Dawuda kele. A ya a fɔ a ye ko, “N bara n keli Isirɛla mɔgɛnuta Alla-nimɛ rɔ ko mɔgɔ-latelennɛ le ile la nde ye. Ka bila n fɛ kɛlɛ rɔ, n si sewa wo la nun, ado kebi i nara n barɛ, n ma fɛɛ-wo-fɛɛ yen i la. Kɔnɔ n ta-nyɔgɔ-mansɛnu, wonu ma sɔn i bila-koe rɔ ma fɛ.

1 Samuwɛli 8:14

A si wola sɛni-sa-tina-hakikɛnu bi wo bolo anubɛ wola ki-fen-hakikɛnu ka wonu don ala mɔgɔ-banu bolo.

1 Samuwɛli 8:6

Samuwɛli ma sewa anuna mansaya-koe wo la woletɔ a ya Mari madiya.