1 Mansɛnu 21:19 - ALLALA KUMƐ

¹⁹ I ni a fɔ a ye ko nde, Mari ko a ara mɔgɔ faga, wo ma a wasa, a ni ala dugi bi tun? I ni a fɔ a ye tun ko wulinu ya Nebɔti yele manɛ kan min, anu si ale fanan yele manɛ nyɔ rɔ, yɔ!” Nɛbi Ilaya tara.

1 Mansɛnu 21:19 ပူးပေါင်းရင်းမြစ်များ

Ko-Dabirɛnu 3:11

Alla ko, “Yon ya a fɔ i ye ko i lakolɔn le? N ya i makawandi kɔlɔma-gbɔɛ min bara-koe ma, i wara wo le dɔn, wa?”

2 Samuwɛli 12:11

Mari ko a ara ban a latɛgɛla ko fɔ ila bonna-mɔgɛ do wa tɔrɔyɛ lana i kuma. A ko fɔ a wa ila musinu bi i bolo ka anu di kei-gbɛrɛkɛ ma. Wo wa ma tumɛ min, i si a lɔn wo rɔ ko a ara min fɔ, tonyɛ le wo la. Kei wo si a sa ila musinu fɛ tele rɔ gbaga!

2 Samuwɛli 12:9

Mari ko nfenna i wara ala kumɛ bɔ a gbɛ rɔ? A ko nfenna i wara ko-yogoma-su kɛ ma? I wara a ma, Amonnu bara Yuraya faga kɛlɛ rɔ. Wo kɔma fanan, i wara ala musi bi!

1 Mansɛnu 22:38

Anu ya ala kirindi bi ka ta a maku yɛlannuna ku-kɛ-tinɛ Samariya soe kɔma. Wulinu ya a yele manɛ nyɔ le iko Mari ya a fɔ nya min.

2 Mansɛnu 10:10

Kɛ ara a yira n na ko Mari ya kumɛ min bɛɛsi fɔ n ye Mansa Ehabu anubɛ ala denbayɛnu bara-koe rɔ, wo ara bɔ-a-la. Mari ya min fɔ Nɛbi Ilaya ye, wo bɛɛ ara bɔ a la.”

2 Mansɛnu 10:7

Anu ya Mansa Yehula kɛdi rakaran tumɛ min, anu ya Mansa Ehabu kegeya bi-wɔrɔnfilɛ wonu kunyɛ tɛgɛ a la. Anu ya wonu sa sendenu tɔ ka wonu nata Mansa Yehu ma Yɛsɛreli soe burɔ.

2 Mansɛnu 6:32

Mansɛ wo ya mɔgɛ do lata Nɛbi Ilaisa ma. Wo wati ya a taran, Nɛbi Ilaisa anubɛ mɔgɔ-ba donu siginɛ ale Nɛbi Ilaisala bɔn la. Yanni mɔgɛ wo ni ke, a ya a fɔ mɔgɔ-ba wonu ye ko, “Mansɛ mɔgɔ-fagalɛ, ala mɔgɛ wo ara na n kunyɛ tɛgɛ tinɛ a la. Ni a kera yan, wo ni kɛ dɛ ma ka a latogon gbuturu! Wo kana sɔn, a ni don n kuma muk! Ale mansɛ nyɛrɛ ye nala a kɔma serr!”

Ɛsita 7:10

Nba, anu ya Heman dun ala mɔgɔ dun tinɛ wo la, a ya min nadan Mɔdekɛyai tɔgɔ rɔ nun. Wo ban, Mansɛ yisi nara to kimɛla.

Yobu 31:39

ka sɛnita-fan wo do dɔn, kɔnkɛ ni a tigi-kɔrɛ faga,

Yaburi 68:23

alako ma ni to tagama-tagamana yele rɔ. Wo kɔma, a ko wulinu ni to anu yele manɛla ha a ni anu tabɔ.

Yaburi 9:13

Mari, kinikini n ma. I kolan lana ka a yen, n yogenu bi n tɔrɔla nya min. E, Mari, n nakanan saya-kilɛ ma

Yaburi 9:16

Mari ye a kɛ-nya yirala ala mɔgɛnu na iko a ye kiti tɛgɛla a kilɛ fɛ nya min. Karagbɛlɛnu fanan si bira anu nyɛrɛta yili-lasiginɛ la.

Yɛrɛmaya 34:6

Babilɔn kɛlɛ-dannu buira Yerusalɛm soe ma tumɛ min, nde, Yɛrɛmaya ya sarakanɛ kɛ latenbi ale Mansa Sɛdɛkaya ma wati wo le tɔ. Anu tara bui so-latankani fila ma, Lesi anubɛ Asika. Wonu denu dɔrɔn tonɛ so-latankaniyɛ la Yuda nyamanɛ rɔ.

Isikiyɛli 46:18

Mansɛ kana bui mɔgɛ ma ka a halala-dugi bi a bolo. Ni a ye dugi min dila ala dannu ma, fɔ a ni ma a halala-dugu-bɛrɛbɛrɛ la. Wo si a ma, a ti nde, Marita mɔgɛnu yakɔrɔ-mamɔ dugu-wara-koe la.”

Habakuku 2:12

Wole karagbɛlɛnu, wo si wota nondɔn sɔrɔn de serr! Wo ara tɔn-tinyɛ ma so-datɛgɛ-fan la ka mɔgɔ-fagɛ ma a tarɛ la.

Habakuku 2:9

Wole karagbɛlɛnu, wo si wota nondɔn sɔrɔn de serr! Wo ya minnu bɔ mɔgɛnu bolo karagbɛlɛyɛ la duninya rɔ, wo ara a ma, wola denbayɛnu bara ma fen-tiginu na. Wo ara wo raya ka wola soenu natanka tɔrɔyɛ ma.

Matiyu 7:2

bawo wo ye mɔgɛnu yilikila nya min, Alla ye wole fanan yilikila wo nya na le. Wo wa a ma mɔgɛnu ye nya min, Alla si a ma wole fanan ye wo nya na le.

Kɛlɛ-Kurugbɛnu 1:7

Ale mansɛ ya a fɔ anu ye ko, “Nde fanan bara mansa bi-wɔrɔnfila bolo-gbungburu-wɛnu anubɛ anu kin-gbungburu-wɛnu tɛgɛ anu na nun. Mansɛ wonu tora dɔn-fen-pɛrɛnu denu matɔnbɔnna nna tebulu kɔrɔ. Kɔnɔ n ya min ma wonu na, Alla ara wonu denu tayili sara n na kɛ la.” Anu tara ale mansɛ la Yerusalɛm, a fagara kan min.