1 Mansɛnu 21:14 - ALLALA KUMƐ

¹⁴ Anu ya anu sara mansɛla musi Yɛsɛbɛli wara ko Nebɔti ara faga.

1 Mansɛnu 21:14 ပူးပေါင်းရင်းမြစ်များ

1 Mansɛnu 21:13

Karagbɛlɛ fila sigira a telen tɔ. Wonu ya tɔgɛ sa a la ka a fɔ ko, “Nebɔti kɛ le ya mansɛ anubɛ Mari rasɛ.” Anu ya a labɔ soe kɔma ka a mabon, a fagara.

1 Mansɛnu 21:15

Yɛsɛbɛli ya wo lamɔɛn min kɛ, a ya a fɔ ala kei Mansa Ehabu ye ko, “Nebɔti ara faga. A ya a ban dugi min dila i ma, ta wo ma i halalɛ la.”

2 Mansɛnu 10:8

Anu ya a fɔ Mansa Yehu ye min kɛ ko anu bara na Mansa Ehabu kegeyɛ wonu kunyɛnu na, a ya a fɔ anu ye ko anu ni ta wonu nadɛn kan-tina fila soe tarɛ-don-dɛ dafɛ ka anu to nyɔ ha sina sɔgɔma.

Makawandili Kumɛnu 5:8

Ni i ya a yen, bolo-kolɔnnu bi tɔrɔla, anu sa yo sɔrɔnna, ado anuna tonyɛ sa bɔla gbɛ rɔ, i kana tɛrɛna wo la. Wo ye tɛgɛla bawo anu kun-tigi minnu bi anu kuma, wonu fanan bi kun-tigi donu denu kɔrɔ.

Makawandili Kumɛnu 8:14

Ko kelen de ye duninya rɔ min tagbɛlɛ. A bɛnta, karagbɛlɛ ni tɔrɔyɛ min sɔrɔn, wo ye sigila telenbagɛ ma. A bɛnta, telenbagɛ ni min sɔrɔn, karagbɛlɛ ye wo nyɔgɔn sɔrɔnna. N ma koe kɛnu kɔrɔ yen a la. A ragbɛlɛ.