1 Mansɛnu 21:13 - ALLALA KUMƐ

¹³ Karagbɛlɛ fila sigira a telen tɔ. Wonu ya tɔgɛ sa a la ka a fɔ ko, “Nebɔti kɛ le ya mansɛ anubɛ Mari rasɛ.” Anu ya a labɔ soe kɔma ka a mabon, a fagara.

1 Mansɛnu 21:13 ပူးပေါင်းရင်းမြစ်များ

1 Mansɛnu 21:14

Anu ya anu sara mansɛla musi Yɛsɛbɛli wara ko Nebɔti ara faga.

2 Mansɛnu 6:32

Mansɛ wo ya mɔgɛ do lata Nɛbi Ilaisa ma. Wo wati ya a taran, Nɛbi Ilaisa anubɛ mɔgɔ-ba donu siginɛ ale Nɛbi Ilaisala bɔn la. Yanni mɔgɛ wo ni ke, a ya a fɔ mɔgɔ-ba wonu ye ko, “Mansɛ mɔgɔ-fagalɛ, ala mɔgɛ wo ara na n kunyɛ tɛgɛ tinɛ a la. Ni a kera yan, wo ni kɛ dɛ ma ka a latogon gbuturu! Wo kana sɔn, a ni don n kuma muk! Ale mansɛ nyɛrɛ ye nala a kɔma serr!”

2 Mansɛnu 9:26

a ya a yen anu bara Nebɔti anubɛ ala dannu faga yan kunu. A ko fɔ a wa a tɔrɔ kan-tina-kelan kɛ rɔ yan. Woletɔ i ni ta Mansa Yɔram furi bi ka a labui Nebɔtila wɔli-kɛ-tinɛ kɛ rɔ alako ka Marita kumɛ latɔnbagaya.”

2 Ko-Kɔrɔta-Karan 24:21

Woletɔ mansɛ anubɛ ala mɔgɔ-banu ya yanfɛ don ale Sakaraya ma. Mɔgɛnu ya Sakaraya mabon Bato-Bon-kata burɔ iko Mansa Yohasi ya a fɔ anu ye nya min.

Yobu 1:11

Kɔnɔ nde lanɛ a la, fan min bɛɛsi ye a bolo wo la, ni i ya wonu bi, ale Yobu si i lafɛya i nyɛrɛ yala serr!”

Yobu 1:5

Anu ba ladiyɛ kɛ, banda wa ka, Yobu si suri a lasɔla sɔgɔma ka sarakɛ bɔ ala dan kelen-kelennamɛ wo bɛɛ ye alako wonu ni sɛninya Alla yala. A ye wo mala bawo a ye a mirila ko tumado ala dan do ara Alla lafɛya, a sa min kalama.

Yobu 2:9

Ala musi ya a fɔ a ye ko, “Ha bi, i ye Alla fɛ? Nfenna i sa kuma-yogomɛ fɔla a ma alako a ni i wara-koe ka-a-la kelenna?”

Yobu 31:39

ka sɛnita-fan wo do dɔn, kɔnkɛ ni a tigi-kɔrɛ faga,

Yaburi 27:12

I kana n gbala n yogenu bolo la minnu bi n tagbɛrɛnna foninyɛ la.

Yaburi 35:11

Foninya-fɔlɛnu ya karamɛ layɛlɛ n ma. Anu ya a fɔ ko nde ara koe do ma, ado n sa wo kalama.

Bɔ-Koe-Iyipiti 20:16

“Wo kana foninya-sereyɛ bɔ.

Hɛnkilimaya-Kumɛnu 19:28

Sereya-yogoma-bɔlɛnu si yɛlɛn telenbagayɛ ma. Ko-yogoma-kɛ-sɔgɛ si to karagbɛlɛ birala.

Hɛnkilimaya-Kumɛnu 19:5

Sereya-bɔla-yogomɛ-makolɔn ti to wo nya fu, fɔ a wa tɔrɔyɛ sɔrɔn. Foninya-fɔla-gbɛlɛ-makolɔn ti to wo nya fu, fɔ a wa atɛ sɔrɔn.

Hɛnkilimaya-Kumɛnu 19:9

Sereya-bɔla-yogomɛ ti to wo nya fufafu fɔ a wa tɔrɔyɛ sɔrɔn. Mɔgɔ-wo-mɔgɔ ye foninyɛ fɔla, fɔ a wa kasara tɔrɔyɛ rɔ.

Hɛnkilimaya-Kumɛnu 25:18

Mɔgɛ wa foninya-sereyɛ bɔ a sigi-nyɔgɛ ye, wo mani de iko mɔgɛ wa gbeleka-kundi bi, ni wo ma, faan, ni wo ma fanan, tanbɛ.

Makawandili Kumɛnu 10:20

I kana kuma-yogoma fɔ mansɛ kan ma, hali i miriya-gbuyɛ rɔ. I kana kuma nɔnfulu-tigi ma hali i tenbi ila konko la. Ni i ya wo ma, tumado, kona do si ta a fɔ a ye.

Makawandili Kumɛnu 4:1

N sigira ka n miri. Telenbɛlitayɛ min bi duninya rɔ, n ya wo lakɔrɔsi. Minnu bi kɔndɔfili rɔ, wonu bi dila kɔnɔ anu denkunna-wo-denkuna sa. Anu denkunna sa bawo minnu bi anu tɔrɔla, sɛnbɛ ye wonu denu bolo.

Aiseya 8:21

Mɔgɛnu si to yilan-yilanna nyamanɛ rɔ bawo anu kɔnkɔtoe, anu yigi la ara tɛgɛ. Wo si a ma, anu ni anuta mansɛ anubɛ anuna bɛsɛnu danka yisi-bɔɛ bolo. Hali anu ya anu yɛ sigi san-kole kɔrɔ

Emɔsi 7:10

Saraka-Masɔla-Kun-Tigi-Wɛ Hamasa min bi Bɛtɛli soe burɔ, wo ya Nɛbi Emɔsi pɛpɛ don Mansa Yɛrabowami na. A ya a fɔ ko, “Emɔsi kɛ ye a da tankala ile Mansɛ anubɛ Isirɛla mɔgɛnu na. A ye kumɛ minnu fɔla, wo si a ma, Isirɛla nyamanɛ ni tinya pɔ!

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Matiyu 9:3

Nba, tɔn-karan-mɔgɛ donu ya a fɔ anu nyɔgɔn tɛma ko, “E, kei kɛ ye kumala iko Alla le ale la. A ye Alla lafɛyala.”

Luka 23:2

Anu ya a maburɛ dabira. Anu ko, “Ma ya kei kɛ bira bawo a ye mala mɔgɛnu nasamala. A ye a fɔla anu ye ko anu kana duti di Romu kun-tigi-wɛ ma. A ko ale nyɛrɛ le Allata-Mɔgɔ-Yabɔnɛ la, mansɛ, kɔni.”

Yɔni 19:12

Pailɛti ya kɛ lamɔɛn tumɛ min, Yisa boloka-sɔgɛ ya a bira kɔnɔ Yahudiyanu ya a lasɔnkɔ tun ko, “Ni i ya a boloka, Romu-nyamanita-mansa-wɛ diyana-mɔgɔ ma i la hali, ado ni min bi a nyɛrɛ mala mansɛ la, kun-tigi wo yoge le wo la, yɔ!”

Kɛwɔlɛnu 24:5

Ma ya kei kɛ lɔn mɔgɔ-tɔrɔla-wɛ la. A ye murutiyɛ kɛla Yahudiyanu tɛma duninya fan bɛɛ. Nasarɛti kɛ ya dina min nafɔlɔ, ale le ye wo kun-tigiyɛ la.

Kɛwɔlɛnu 6:11

Woletɔ anu ya mɔgɛ donu sara alako wonu ni tɔgɛ sa a la. Anu ko, “Male ya a lamɔɛn a ye kumala Musa anubɛ Alla kan ma!”

Tɔn-Fɔɛ-Fila-Nyɔgɛ 13:10

Wo ni a mabon kuri la bawo ale le ye kɛwuyɛ ladan-koe rɔ ka wo bɔ wo Mari Allata kilɛ fɛ min ya wole labɔ yɔɔnyɛ rɔ Iyipiti.

Tɔn-Fɔɛ-Fila-Nyɔgɛ 21:21

Kei minnu bi soe wo burɔ, wonu si dan wo bi ka a mabon kuri la ha a ni faga. Ni wole Isirɛla mɔgɛnu ya wo ma, wo si karagbɛlɛyɛ ban wo tɛma wola nyamanɛ rɔ. Ni Isirɛla mɔgɔ-wo-mɔgɔ ya ko-sufa kɛ lamɔɛn wo tɛma, wo tigi si kilan.”

Tɔn-Fɔɛ-Fila-Nyɔgɛ 22:21

anu si ta dunmusi wo la a fala bonda-dɛ la. Kei minnu bi soe wo burɔ, wonu si a mabon kuri la nyɔ, ha a ni faga. Sunkurɔn ya miliya-koe le ladan male Isirɛla mɔgɛnu tɛma bawo a ara kei-koe tɛgɛ a fa warɛ bɔn la, ado anu ma a latenbi wɛ ala kei ma fɔlɔn. Ni wole Isirɛla mɔgɛnu ya wo ma, wo si ko-yogomɛ kɛ sufa ban de wo tɛma.

Tɔn-Fɔɛ-Fila-Nyɔgɛ 22:24

wo si anu mɔgɔ filɛ bi ka ta anu na soe kɔma ka anu mabon kuri la ha anu ni faga. Min bi a tola sunkurɔn wo ye fagala bawo a ma yerelen tɛgɛ, ado a ye soe kɔntɔ, anu si a kuman-kan lamɔɛn kan min. Min bi a tola kei wo fanan bi fagala bawo a ara a sa mɔgɔna musu-mabiranɛ fɛ. Ni wole Isirɛla mɔgɛnu ya wo ma, wo si ko-yogomɛ kɛ sufa ban wo tɛma.

Tɔn-Fɔɛ-Fila-Nyɔgɛ 5:20

“A ko mɔgɔ kana foninya-sereya bɔ.

Hiburunu 11:37

Anu ya donu mabon kuri la ha anu fagara. Anu ya donu kundu bɔ sɛrɛ la. Anu ya donu faga faan la. Donuna bolo-kolonyɛ ya a ma, anu bi saga-gbolenu anubɛ baa-gbolenu denu donna ka anu bɛnsɛnkɔninya. Mɔgɛnu ya anu bira boloko-yogomɛ-kɛ.