1 Mansɛnu 21:11 - ALLALA KUMƐ

¹¹ Kun-tiginu anubɛ mɔgɔ-ba-sɛbɛnɛ minnu bi Yɛsɛreli soe wo burɔ, wonu ya a ma iko Yɛsɛbɛli ya kɛdi sɛbɛ anu ma nya min.

1 Mansɛnu 21:11 ပူးပေါင်းရင်းမြစ်များ

1 Mansɛnu 21:10

Wo ni karagbɛlɛ mɔgɔ fila sigi a yakɔrɔ. Mɔgɔ filɛ wonu ni to ko kelen tɔ, anu ni a fɔ ko, ‘Nebɔti kɛ le ya Alla anubɛ mansɛ rasɛ.’ Wo ni ale Nebɔti bira ka a labɔ soe kɔma. Wo ni a mabon kuri la ha a ni faga.”

1 Mansɛnu 21:12

Anu ya anu kundɛn kan-tina-kelen ka tele-kelen-sunyɛ don. Anu ya Nebɔti sigi mɔgɔ-banu tɛma.

2 Ko-Kɔrɔta-Karan 24:21

Woletɔ mansɛ anubɛ ala mɔgɔ-banu ya yanfɛ don ale Sakaraya ma. Mɔgɛnu ya Sakaraya mabon Bato-Bon-kata burɔ iko Mansa Yohasi ya a fɔ anu ye nya min.

Bɔ-Koe-Iyipiti 1:17

Kɔnɔ tinkɔrɔ-sigilɛ wonu kilanta Alla la. Anu ma a ma iko Iyipiti mansɛ ya a fɔ anu ye nya min. Anu ya anuna den-keinu nakisi.

Hɛnkilimaya-Kumɛnu 29:12

Ni kun-tigi ya a tole masɔ foninya-fɔlɛnu na, ala mɔgɔ-ba bɛɛ si ma wunduyogenu na.

Hɛnkilimaya-Kumɛnu 29:26

Mɔgɔ-siyaman si ta diyanayɛ nyini tinɛ kun-tigi wara. Kɔnɔ ko-latelenni-bɛrɛ si nyini Mari dɔrɔn de bolo.

Aiseya 59:14

Anu ko ma ara ko-telennɛ gben. Koe min bɛnnɛ, ma ara ma masɛgi wo la. Ma ye ma kian latugula tonyɛ la kila-kolenu na soe tɛma. Ma sa sɔnna ko-telennɛ-ladon-koe ma soe burɔ.

Hoseya 5:11

Wole Isirɛla mɔgɛnu ya wo tui ka ta dɛnbɛni-nyini-tinɛ bɛsɛ wonu denu bara minnu ti ke wo dɛnbɛna. Wo le ya a ma, wole Isirɛla mɔgɛnu bara tɔrɔyɛ sɔrɔn Yuda kɛnu bolo. Anu bara bui wo ma ka wo halala-dugi bi wo bolo.

Saraka-Masɔlɛnuta Tɔnnu 19:15

“Wo ni ma mɔgɔ-telennɛnu na kiti tɛgɛ tinɛ ka kitinu tɛgɛ a kilɛ fɛ. Wo kana lafisalayɛ kɛ kiti tɛgɛ tinɛ ka bolo-kolɔnnu yoe ma anu yiliki la. Wo kana fen-tiginu fanan yoe ma anu yiliki la bawo fen bi anu bolo.

Maika 6:16

Wo ara ko-yogomɛ ma iko wola mansɛ Hɔmɔri anubɛ ala den Mansa Ehabu, woletɔ tɔrɔya-su kɛ ye nala sigila wo la. Mari si wola nyamanɛ kɛ halaki. Mɔgɛnu si wo mayɛlɛn dɔgɔma-ma-de! Fɔ ni wo ya wo munyu manyinɛnu kɔrɔ bawo wo ma sɔn Marita kumɛ birala.

Matiyu 2:12

Kɔnɔ Alla ya hɛnkilimɛ wonu nalɔn kiyo rɔ ko anu kana sɛgi Mansa Hɛrodi wara tun, woletɔ anu sɛgira anu barɛ kila-gbɛrɛ fɛ.

Matiyu 2:16

Hɛrodi ya a lɔn tumɛ min ko tele-bɔ-hɛnkilimɛnu bara a yanfa, a yisi bɔra bɛrɛkɛ! A ya a fɔ ko den-kei min bɛɛ ye Bɛtalehɛm soe burɔ anubɛ a dafɛ-soenu tɔ, a ko dan minnu sɔrɔn ma tenbi san fila la, wo bɛɛ ni faga. Hɛnkilimɛnu ya lole wo yen wati min, ale Hɛrodi ya san-fila-koe wo latɛgɛ wola ko la.

Kɛwɔlɛnu 4:19

Pita anubɛ Yɔni ya anu yabi ko, “Ka wota kumɛ bira wo, ka Allatɛ bira wo, nyamintan telennɛ Alla yala? Wo nyɛrɛ ni wo kiti tɛgɛ

Kɛwɔlɛnu 5:29

Pita anubɛ Marita kilayɛnu ya a yabi ko, “A fɛrɛ sa fɔ ma ni Allala kumɛ bira ka mɔgɛnutɛ to nyɔ.

1 Samuwɛli 22:17

Wo kɔma, a makandannɛ minnu bi a dafɛ, Mansa Sɔli ya a fɔ wonu ye ko, “Wo ni Marita saraka-masɔlɛ kɛnu faga bawo anu denubɛ Dawuda ara yanfɛ lakiri n ma. Hali anu ya a lɔn ko Dawuda ara a buri, anu ma sɔn wo fɔla n ye lefan!” Kɔnɔ a makandannɛ wonu ya anu ban Marita wɔli-kɛlɛ wonu faga-koe ma.

1 Samuwɛli 23:20

Anu ya a fɔ mansɛ ye tun ko, “Ma tigi, ma ya a lɔn ko Dawuda bira-sɔgɛ ye i la. Wati wo diyara i ye, na ma taran. Ma si a don i bolo.”