1 Mansɛnu 20:7 - ALLALA KUMƐ

⁷ Isirɛla Mansa Ehabu ya ala nyamanita-mɔgɔ-banu kele kan-tina-kelen. Wonu ke a ma, a ya a fɔ anu ye ko, “Wo ara la a la gbɛ serr, ko ma tinya-sɔgɛ ara Mansa Bɛnhedadi bira. A ara kilayɛ lana n ma nun ko nna musinu wo, nna dannu wo, nna sɛnɛ wo, nna wodi-gbɛ wo, n ni wo bɛɛ don a bolo, ado nde fanan bara ban sɔnna wo ma.”

1 Mansɛnu 20:7 ပူးပေါင်းရင်းမြစ်များ

1 Mansɛnu 20:6

Ale Mansa Bɛnhedadi ko kɛ-nyɔgɔn-tumɛ sina, a ye ala mɔgɔ-banu nanala. Wonu si ale mansɛla bolɔn anubɛ ala mɔgɔ-banuna bɔnnu nafɛlɛn. Anu ya fen-koloma fenfen yen, anu si wo bi.”

1 Mansɛnu 20:8

Ala nyamanita-mɔgɛnu anubɛ ala mɔgɔ-banu ya a fɔ a ye ko, “I kana i tole masɔ a la hali ka fen di a ma.”

1 Mansɛnu 21:8

Ala musi sigira ka kɛdi donu sɛbɛ iko mansɛ. A ya Mansa Ehabu tɔgɛ sa kɛdi wonu tɔ ka ale mansɛta tamasere sa kɛdi wonu ma. A ya kɛdi wonu nata kun-tiginu anubɛ mɔgɔ-ba-sɛbɛnɛnu ma Yɛsɛreli soe burɔ, ale Nebɔti siginɛ kan min.

1 Mansɛnu 8:1

Wo kɔma, Mansa Silamɛni ya Isirɛla mɔgɛnuna kun-tigi damasi kele kan-tina-kelen. A bɔnsɔn-kun-tigi wo, a kebila-kun-tigi wo, a ya wo bɛɛsi kele Yerusalɛm soe burɔ. Mansa Silamɛni ya anu kele alako anu ni ta tɔn-kenkirɛ bi a fa Dawuda halala-soe burɔ min tɔgɛ Sayɔn ka ta a to Mari Bato-Bɔn la.

2 Mansɛnu 5:7

Isirɛla mansɛ wo ya kɛdi wo karan tumɛ min, a ya ala duruki rafara yisi-tinyɛ bolo. A ya a fɔ ko, “Siriya mansɛ kɛ mirinɛ ko kiraya-dandannɛ le nde la, wa? A miri le ko Alla le nde la, wa? Sɛnbɛ ye nde bolo ka mɔgɔ faga anubɛ ka furi niyi bila a rɔ? N bara a lɔn kɛ le ma ko n kɛlɛ-sɔgɛ ara a bira.”

1 Ko-Kɔrɔta-Karan 13:1

Kɛlɛ-den-kunyɛ minnu bi mɔgɔ kɛmɛ-kɛmɛnu kun na anubɛ minnu fanan bi mɔgɔ waga-waganu kun na, Mansa Dawuda anubɛ kun-tigi wonu ya anu kun nayigi kan-tina-kelen.

1 Ko-Kɔrɔta-Karan 28:1

Mansa Dawuda ya kilayɛ lata Isirɛla mɔgɔ-ba damasi ma ka anu kele Yerusalɛm soe burɔ. A bɔnsɔn-kun-tigi wo, a kebila-kun-tigi wo, a kɛlɛ-den-kun wo, ala fen-makandanna wo, a kurugba wo, mansɛla-fen-namarala wo, anu damasi kundɛnta Yerusalɛm soe burɔ.

Yobu 15:35

Mɔgɛ wola miriya si buri ko-yogoma-kɛ rɔ tiriya! Anu yisi lafanɛ yanfanteyɛ la.

Yaburi 140:2

Anu bi karagbɛlɛya-ko-yanfɛ kirila ka kɛlɛ tɛgɛ mɔgɛnu tɛma.

Yaburi 36:4

A tenbi sani, a ye a mirila ko-yogomɛnu-tabɛn-koe ma. A ti ko-wo-ko ladan min kin. A ti a ban ko-yogomɛnu kɛ-koe ma.

Yaburi 62:3

Wole, n yogenu, wo si to mɔgɛ kan ma ha tumɛ nyamintan, mɔgɛ minta ma gbɛlɛ ka kɛ yasa-kore rɔ, kɔni?

Yaburi 7:14

Wo ara a yen, mɔgɔ-yogomɛnu si buyi bi karagbɛlɛyɛ la, ko-yogomɛ ni to koloyala a burɔ, a si muin tɔrɔyɛ anubɛ yanfanteyɛ la mɔgɛnu ye.

Hɛnkilimaya-Kumɛnu 11:14

Ni hɛnkili-kɔla sa mɔgɛ minnu kuma, anu ti anu yogenu nɔ. Kɔnɔ ni hɛnkili-kɔla-siyamɛ ye kan min, nyɔ-mɔgɛnu si nɔ-ko sɔrɔn.

Hɛnkilimaya-Kumɛnu 11:27

Mɔgɛ min bi ko-nyimɛ nyinina, wo ye tɔgɔ-nyimɛ le sɔrɔnna mɔgɛnu bolo. Kɔnɔ ni mɔgɔ-sigi-kunya bɛnta ko-yogomɛ ma, ala ko-yogomɛ wo si sɛgi a kɔgɔ rɔ.

Hɛnkilimaya-Kumɛnu 24:2

bawo anu miriya bɛnni ma fenfen ma fɔ ka nanparan ratɛgɛ. Anu ya anu dɛ sɔ mɔgɔ-wo-mɔgɔ ma, wo yisi si tɔrɔ a ma.

Hɛnkilimaya-Kumɛnu 6:14

kɔnɔ anu miri bɛnnɛ ko-yogomɛ le ma tuma-wo-tuma. Anu bi kɛlɛ tɛgɛla kan tinɛ bɛɛ rɔ.

Daniyɛli 11:27

Hali mansa filɛ wonu bi anu bolenu nayigila miran kelen tɔ kɔnɔ anu sɔndɔmɛ gbɛni ma anu nyɔgɔn ye feu! Anu bi foninyɛ fɔla anu nyɔgɔn ye tolon! Fenfen ti bɔ anuna yanfanteyɛ wo rɔ bawo Alla ya wati min natɛgɛ, wo ma ke wɛ.