1 Mansɛnu 20:4 - ALLALA KUMƐ

⁴ Mansɛ fanan ya a fɔ kilayɛ wonu ye ko, “Wo ta a fɔ n tigi Mansa Bɛnhedadi ye ko n bara sɔn. Atɛ le mabɛ n halala-fannu na.” Kilayɛ wonu tara wo fɔ mansɛ ye.

1 Mansɛnu 20:4 ပူးပေါင်းရင်းမြစ်များ

1 Mansɛnu 2:38

Simayi ya a fɔ mansɛ ye ko, “Mansɛ, i wara min fɔ kɛ la, wo kin. Iko i wara a fɔ n ye nya min, n si a ma wo nya.” Wo le ya a ma, Simayi ya wati-yan bɔ Yerusalɛm.

1 Mansɛnu 20:3

ala sɛnɛ wo, ala wodi-gbɛ wo, ala musu-nyima wo, ala den-tagbɛlɛma wo, a ni wonu don ale mansɛ bolo. Kilayɛnu tara wo fɔ Mansa Ehabu ye.

1 Mansɛnu 20:5

Wo kɔma, Mansa Bɛnhedadi ya ala kilayɛ wonu sɔ Mansa Ehabu wara tun. Kilayɛ wonu tara a fɔ a ye ko, “Mansa Bɛnhedadi ko a ara a fɔ i ye nun ko ila sɛnɛ wo, ila wodi-gbɛ wo, ila musinu wo, ila dannu wo, i ni wonu don a bolo.

2 Mansɛnu 10:5

Mansɛla mɔgɔ-banu wo, nyɔ-so-tigi wo, mɔgɔ-ba-sɛbɛnɛnu wo, anubɛ mansa-makandannɛnu wo, wonu ya anu kundɛn ka kilayɛ lata Yehu ma ko, “Ita wɔli-kɛlɛ le male la. I wa fenfen fɔ, male si wo ma kɔnɔ male ti mɔgɛ yabɔ yan ka wo ma mansɛ la. Ni koe min telennɛ ile yala, ile si wo ma.”

Saraka-Masɔlɛnuta Tɔnnu 26:36

“Wo tumɛ wo ye nyɔ rɔ, wo si to yutoyɛ rɔ. Hali fɔnyɔ wa yanba-kunyɛnu namaga, wo si wo buri a kɔrɔ. Wo si to wo burila ka bui kilan bolo. A mani de iko wo yogenu denu bi wo kɔma kilɛ la.

Tɔn-Fɔɛ-Fila-Nyɔgɛ 28:48

woletɔ Mari ye wo yogenu natuntunna wo ma. Wo si tɔrɔ anu ye, wo kannu na si gbala, wo si ma kɔnkɔtoenu na, fɛriyɛ si wo bira, wo si to bolo-kolonyɛ rɔ. Mari si a ma, wo yogenu ni yɔlɔkɛnu sɔ wo kannu na. Ha wo si faga, yɔlɔkɛ wo ye wo kannu na.

1 Samuwɛli 11:10

Yebɛsi kɛ wonu fanan ya a fɔ Amon mansɛ wo ye ko, “Ma si dɛgɛ min wo ye sina. Ko-wo-ko diyara wo ye, wo ni wo ma ma la.”