1 Mansɛnu 20:34 - ALLALA KUMƐ

³⁴ Mansa Bɛnhedadi ya a fɔ Mansa Ehabu ye ko, “N fa ya soe minnu bi i fa bolo, n si wonu nasɛgi i ma tun. I ni fen mayira tinɛ labɔ nde halala-soe Damasika burɔ iko n fa ya fen mayira tinɛ labɔ i fata soe Samariya burɔ nya min.” Wo le ya a ma, Mansa Ehabu ya a fɔ a ye ko, “Ka a tɛgɛ i kuman-kan kɛ ma, n si i boloka.” A ya a boloka bawo anu bara lanyiri kiri anu nyɔgɔn tɛma.

1 Mansɛnu 20:34 ပူးပေါင်းရင်းမြစ်များ

1 Mansɛnu 15:20

Kilayɛ wonu kenɛ Siriya mansɛ wo ma, anu ya anu dantɛgɛ a ye. Mansa Esa ya mɔgɔ-ba wonu sɔ min na, ale fanan sɔnta wo ma. Wo le ya a ma, ale fanan ya ala kɛlɛ-den-kunyɛnu anubɛ ala kɛlɛ-dannu nata ka ta bui Isirɛla mɔgɛnuna so-kunbɛnu ma. Anu ya soe minnu bi Isirɛla nyamanɛ rɔ, wonu tɔgɛ le kɛnu na, Iyɔn wo, Dan wo, Ebɛli-Bɛti-Meyaka wo, anubɛ Kalili dalɛla foolɛ bɛɛ. Wo kɔma, anu tara Nafatali bɔnsɔn-mɔgɛnuna dugi bɛɛ bi anu bolo.

1 Mansɛnu 20:33

Mansa Ehabu ara a fɔ min kɛ ko, “N na-kelen-nyɔgɛ,” Mansa Bɛnhedadila mɔgɔ-banu ya a lɔn wo le ma ko anu bara kanan. Anu donta a fɔɛ rɔ ko, “I na-kelen-nyɔgɔ-bɛrɛbɛrɛ le.” Mansa Ehabu ya a fɔ anu ye ko, “Wo ni na a la yan.” Anu nanɛ a la, Mansa Ehabu ya a fɔ a ye ko, “Yɛlɛ n fɛ kirindi rɔ.” A yɛlɛta.

1 Mansɛnu 20:42

Nɛbi wo ya a fɔ mansɛ ye ko, “Mari ko bawo ale ya a fɔ i ye ko i ni mɔgɛ min faga, ile ara wo kɛndɛ boloka, wo ara ta, Mari ko fɔ i wa faga mɔgɛ wo gbɛ rɔ. Min sanɛ wo kuma bawo ila kɛlɛ-dannu bara anu yogenu kɛndɛ boloka, Mari ko fɔ ila kɛlɛ-dan wonu ba kasara pɔ!”

1 Mansɛnu 22:31

Kɔnɔ wo ya a taran, Siriya mansɛla kɛlɛ-den-kun-tigi mɔgɔ bi-sawa ani mɔgɔ filɛ minnu bi kirindinu kun na, a ya a fɔ anu ye ko anu denu kana na mɔgɔ-wo-mɔgɔ kɛlɛ fɔ Isirɛla mansɛ.

2 Ko-Kɔrɔta-Karan 16:4

Siriya Mansa Bɛnhedadi sɔnta wo ma. Wo le ya a ma, ale fanan ya ala kɛlɛ-den-kunyɛnu anubɛ ala kɛlɛ-dannu nata ka ta bui Isirɛla mɔgɛnuna so-kunbɛ donu ma. Anu ya soe minnu bi Isirɛla nyamanɛ rɔ, wonu tɔgɛ le kɛnu na, Iyɔn wo, Dan wo, anubɛ Ebɛli-Bɛti-Meyaka. Wo kɔma, anu tara Nafatali bɔnsɔn-mɔgɛnuna fen-namara-soe bɛɛ bi anu bolo.

2 Ko-Kɔrɔta-Karan 18:30

Kɔnɔ wo ya a taran, Siriyanuna mansɛ ara a fɔ ala kɛlɛ-den-kunyɛnu ye ko anu denu kana na mɔgɔ-wo-mɔgɔ kɛlɛ fɔ ale Isirɛla mansɛ.

Aiseya 26:10

Hali i ye ko-nyimɛ kɛla karagbɛlɛnu ye, anu ti anu degen ko-telenni-kɛ ma. Hali mɔgɔ-telennɛnu taranta nyamanɛ kɛ rɔ, anu bi karagbɛlɛyɛ kɛla. Anu ma ila kabana-koe lɔn fenfen na.

Aiseya 8:12

n kana kofu mɔgɛnu ma kɛwuyɛ rɔ. A ko anu kilannɛ min na, nde kana kilan wo la.

Tɔn-Fɔɛ-Fila-Nyɔgɛ 7:2

Wota Mari Alla wa mɔgɛ kɛnu don wo bolo tumɛ min ka anu nɔ, wobɛ mɔgɛ wonu kana ko-wo-ko lakiri wo nyɔgɔn tɛma. Wo kana kinikini anu ma fanan, fɔ ka anu damasi faga tɛrr!

1 Samuwɛli 11:1

Wo kɔma, Amon Mansa Nehasi tara ala kɛlɛ-dannu na Isirɛla mɔgɛnu kan ma minnu bi Yebɛsi soe burɔ Kaliyadi sigisɔn rɔ. Yebɛsi so-burɔ-mɔgɛnu ya a fɔ Mansa Nehasi ye ko, “Ma ni to kan kelen tɔ. Ile ni ma mata mansɛ la alako i kana na ma kɛlɛ.”

1 Samuwɛli 15:8

A ya anuna mansɛ bira min tɔgɛ Ekaki kɔnɔ a ya Amalɛki mɔgɛ wonu damasi faga tɛrr!

1 Samuwɛli 15:9

Mansɛ wo kɛndɛ tora Mansa Sɔli anubɛ ala kɛlɛ-dannu bolo. Amalɛkinuna saga-hakikɛnu anubɛ anuna ninki-hakikɛnu fanan kɛndɛ tora. Anu bolo-fan minnu kin, anu ya wonu namara anu nyɛrɛ ye. Anu bolo-fan minnu ma kin dɔrɔnfan, anu ya wonu kasara.