1 Mansɛnu 20:30 - ALLALA KUMƐ

³⁰ Siriya-toenu ya anu buri ka ta Afɛki soe burɔ. Soe wo tarɛ kerita anu kuma. Siriya mɔgɔ waga mogan-ni-wɔrɔnfila (27,000) fagara anu tɔ nyɔ. Mansa Bɛnhedadi ya a buri tala Afɛki soe burɔ. A tara a nyɛrɛ dogon tonke do rɔ bɔn burɔ.

1 Mansɛnu 20:30 ပူးပေါင်းရင်းမြစ်များ

2 Samuwɛli 18:8

Kɛlɛ wo nyɛnsɛnta Isirɛla nyamanɛ tɔnkɔn kɔgɔ la. Gbɔngbɔn wo ya mɔgɛ yirika min faga, wonu siya kɛlɛta mɔgɔ-faganɛ ko.

1 Mansɛnu 20:10

Mansɛ wo ya kilaya-gbɛrɛkɛ don anu bolo tun. Kilayɛ wonu ke Isirɛla mɔgɛnuna Mansa Ehabu ma, anu ya a fɔ a ye ko, “Mansa Bɛnhedadi ko ni a ti na kɛlɛ-den-siyamɛnu na ka ila soe kɛ bunden, a ko alamɛ ala bɛsɛnu ya a gbesi a rɔ, ado a ko hali ila soe kɛ gbangban ti anu bolo tabɔ.”

1 Mansɛnu 20:20

Kɛlɛ-den-bulan wonu ya Siriyanu taran anu yarɔ, bɛɛ ya a kɛlɛ-kɛ-nyɔgɔ faga. Siriya-toenu ya anu buri. Isirɛla kɛlɛ-dannu ya anu sagaran. Kɔnɔ Mansa Bɛnhedadi anubɛ ala kɛlɛ-den-so-laburilɛ donu ya anuna soeenu bi ka anu buri.

1 Mansɛnu 20:26

Wo san nasɛgi, a ya ala kɛlɛ-dannu kele. Anu tara Afɛki soe kan ma Isirɛla mɔgɛnu kɛlɛ tinɛ.

1 Mansɛnu 20:29

Tele wɔrɔ dɛgɛdɛgɛ, Siriyanu anubɛ Isirɛla mɔgɛnu siginɛ anuna dagɛnu tɔ. Anu yɛ bɛnnɛ anu nyɔgɔn ma. A tele wɔrɔnfila nyɔgɛ ma, anu ya kɛlɛ dabira. Isirɛla kɛlɛ-dannu ya Siriya kɛlɛ-dan mɔgɔ waga kɛmɛ (100,000) faga tele kelan wo kɔrɔ.

1 Mansɛnu 22:25

Nɛbi Mɛkaya ya a fɔ a ye ko, “Fɔ i wa ta i dogon tinɛ bɔn do burɔ lun min, i ni na to a lɔnna.”

2 Mansɛnu 10:24

Wo kɔma, anubɛ Yonadabu donta saraka-mintantɛ anubɛ sarakɛ donu bɔɛ rɔ Beyali ye, kolo-fannu, kɔni. Wo ya a taran, Mansa Yehu ara mɔgɔ bi-segin sɔ kɔ tinɛ wola foolɛ rɔ. A ara a fɔ wonu ye nun ko, “Mɔgɛ min bɛɛsi ye kɔ tinɛ kɛ la, wo ni wonu bɛɛsi faga. Ni mɔgɔ kelen ya a porokɔlɔ min bolo, wo si faga mɔgɔ-porokɔlɔnɛ wo gbɛ rɔ.”

2 Mansɛnu 9:2

I wa ke nyɔ tumɛ min, i ni Nimisi mamanɛ Yehu nyini, Mansa Yɛhosafatila dan, kɔni. I wa a yen tumɛ min, i ni a bi ka ta wo dan na konko do la.

2 Ko-Kɔrɔta-Karan 18:24

Nɛbi Mɛkaya ya a fɔ a ye ko, “Fɔ i wa ta i dogon bɔn do tɔnkɔn rɔ lun min, i ni na to a lɔnna.”

Yaburi 18:25

Ni min ya a telen Mari ye, Mari si a telen wo tigi ye. Fɛɛ sa mɔgɔ min na, ale si ko-nyimɛ le dɔrɔn kɛ wo ye.

Aiseya 24:18

Min tenbi a burila ko-makilannɛ do kɔrɔ, wo ye tala buila denkɛ rɔ. Min tenbi bɔla denkɛ rɔ, wo ye tala birala gbɛrɛ la. San-kole si a dɛ bɔ bandɛ kɔrɔ, ado dugu-kurukɛ-tinɛ nyɛrɛ si yɛrɛyɛrɛn.

Aiseya 30:13

A ko a ara wo yiliki. A ko wo manɛ iko dandan min tafaranɛ. A ti mɛ lefan, wo ara bui.

Yɛrɛmaya 48:44

Min tenbi a burila kumakɔɛ bolo, wo ye buila denkɛ rɔ. Ni min bɔra denkɛ rɔ, wo si bira gbɛrɛ la bawo ale Mari ara ban Mohabu kasara-wati latɛgɛla.

Daniyɛli 4:37

“Nba, woletɔ nde, Nɛbukanasa, n si Arinyɛnɛ-Mansɛ gbiliya ka a tanto bawo ale ya ko-wo-ko ladan, wo kin, ado a telenta. Min sanɛ wo kuma, ale le ye mɔgɔ-wasinɛnu famayigila. Nde, Nɛbukanasa ya kɛ sɛbɛ.”

Emɔsi 5:19

Wo si ma iko kei min bi a burila yarɛ kɔrɔ ka ta bɛn suluki la. A wa a buri wo fanan kɔrɔ tumɛ min ka ta ala bɔn la alako a ni kisi, a wa a gbɔnkun ala bɔn rɔ, gbanwore fanan si a kin.

Emɔsi 9:3

Ni minnu ya a dogon Kamɛli kɔnkɛ kuma, a ko a si a nyini nyɔ ha a ni wo yen. Hali minnu ya a dogon kɔgɔ-yi-dumɛ rɔ, a ko a si a fɔ ala yi-kɔrɔ-fen-makilanni-bɛ ye ko a ni wo kin.

Luka 13:4

San-bɔn buira mɔgɔ tan-ni-segin minnu kuma Sailom soe burɔ, wonuna sayɛ ye kama? Wo miriya ko wonu yogo Yerusalɛm kɛnu bɛɛ ko, wa?

Yasowa 13:4

Wo ma Kenan mɔgɛnuna nyamanɛ bi wɛ min ya a dabira Meyara soe ma Sadon da kɔrɔ. Kenan mɔgɛnu dan le Afɛki soe la, Amora kɛnuna nyamanɛ-dabirɛ, kɔni.

Kɛlɛ-Kurugbɛnu 9:40

kɔnɔ ale Keyali ya a buri. Abimɛlɛki ya a sagaran. Mɔgɔ siyaman tanbanta nyɔ, hali minnu bi soe wo tarɛ-don-dɛ la.

1 Samuwɛli 29:1

Filisitinu ya anuna kɛlɛ-dannu nadɛn soe do dafɛ min tɔgɛ Afɛki. Isirɛla kɛlɛ-dannu ya anu daga makɛ tenke do dafɛ Yɛsɛreli lɛɛ wara la.