1 Mansɛnu 20:29 - ALLALA KUMƐ

²⁹ Tele wɔrɔ dɛgɛdɛgɛ, Siriyanu anubɛ Isirɛla mɔgɛnu siginɛ anuna dagɛnu tɔ. Anu yɛ bɛnnɛ anu nyɔgɔn ma. A tele wɔrɔnfila nyɔgɛ ma, anu ya kɛlɛ dabira. Isirɛla kɛlɛ-dannu ya Siriya kɛlɛ-dan mɔgɔ waga kɛmɛ (100,000) faga tele kelan wo kɔrɔ.

1 Mansɛnu 20:29 ပူးပေါင်းရင်းမြစ်များ

Ko-Dabirɛnu 25:20

Isiyaka sɔrɔn ya san bi-nani bɔ tumɛ min, a ya Bɛtuwɛlila den Rebɛka furu. Aram kɛ le anu denu na min bi Mɛsopotemiya nyamanɛ rɔ. A kɔrɔ-kei tɔgɛ le Leban.

2 Samuwɛli 10:18

Siriya wonu ya anu buri Dawudala kɛlɛ-dannu kɔrɔ. Kɛlɛ-dan minnu bi kirindinu naburila, Isirɛla mɔgɛnu ya wonu mɔgɔ kɛmɛ wɔrɔnfila (700) faga. Minnu fanan bi soeenu naburila, Isirɛla mɔgɛnu ya wonu mɔgɔ waga bi-nani (40,000) faga. Isirɛla mɔgɛnu ya Siriya kɛlɛ-den-kun-tigi Sobaki tanban. Wo le ya a ma, wo kunyɛ tora kɛlɛ rɔ.

1 Mansɛnu 20:28

Nɛbi do tara a fɔ Mansa Ehabu ye ko, “Mari ko bawo Siriyanu bi a fɔla ko Isirɛlata Alla ye kɔnkɛnu dɔrɔn kuma, a sa lɛɛnu tɔ, wo le ye a mala, a ye sɛnbɛ dila Isirɛla mɔgɛnu ma Siriyanu kuma. Mari ko wo si a ma, wobɛ ila mɔgɛnu ni a lɔn ko Mari le ale la.”

1 Mansɛnu 20:30

Siriya-toenu ya anu buri ka ta Afɛki soe burɔ. Soe wo tarɛ kerita anu kuma. Siriya mɔgɔ waga mogan-ni-wɔrɔnfila (27,000) fagara anu tɔ nyɔ. Mansa Bɛnhedadi ya a buri tala Afɛki soe burɔ. A tara a nyɛrɛ dogon tonke do rɔ bɔn burɔ.

2 Mansɛnu 13:17

A ya a fɔ mansɛ wo ye ko, “Wundan min bi tele-bɔɛ telen tɔ Siriyanu bara la, wo laka.” A ya wo laka tumɛ min, Nɛbi Ilaisa ya a fɔ a ye ko, “A lakɛ.” A ya bɛn wo lakɛ. Nɛbi Ilaisa ya a fɔ a ye tun ko, “Ile si ma iko Marita kalabɛn ka Siriyanu nɔ. Ile si Siriyanu kɛlɛ Afɛki soe burɔ ha i ni anu nɔ.”

2 Mansɛnu 13:25

Wo wati rɔ fanan, Isirɛla Mansa Yɛhowasi ya nɔ-ko sɔrɔn Mansa Bɛnhedadi ma iko sawa. Mansa Bɛnhedadi fa ara Isirɛla soe minnu bi Mansa Yɛhowasi fa Mansa Yɛhowahasi bolo nun Isirɛla nyamanɛ rɔ, Mansa Yɛhowasi ya wonu bi Mansa Bɛnhedadi bolo.

2 Ko-Kɔrɔta-Karan 13:17

Yuda Mansa Abaya anubɛ ala kɛlɛ-dannu ya Isirɛla mɔgɛnu kasara ka mɔgɔ waga kɛmɛ loli (500,000) faga Isirɛla kɛlɛ-dan wonu tɔ.

Yaburi 10:16

Mansɛ le Mari la burubukai! Bɛsi-kɔlɛnu si ban ata nyamanɛ rɔ feu!

Aiseya 37:36

Marita melika yigira Asiriyanuna dagɛ rɔ. A ya mɔgɔ waga kɛmɛ kelen mɔgɔ waga bi-segin ani mɔgɔ waga loli faga Asiriyanu tɔ (185,000). Bandɛ kanɛ, wonu furi taranta nyɔ.

Yasowa 6:15

A tele wɔrɔnfila nyɔgɛ subaga ma anu wulita. Anu ya soe lafoo wo nya kinyama wɔrɔnfila tele kelen wo rɔ.

1 Samuwɛli 17:16

Tele bi-nani kɔrɔ, Kolati ye a kɔgɔ rakala Isirɛla mɔgɛnu telen tɔ sɔgɔma ani wurɛ la.