1 Mansɛnu 20:22 - ALLALA KUMƐ

²² Kɛlɛ wo kanɛ a la, nɛbi wo tara a fɔ Mansa Ehabu ye tun ko, “Ila kɛlɛ-dannu makofu. I ni anu makaran kɛlɛ la bawo ka-nyɔgɔ-tumɛ yari, Siriya mansɛ wonu si na wo kɛlɛ tinɛ tun.”

1 Mansɛnu 20:22 ပူးပေါင်းရင်းမြစ်များ

2 Samuwɛli 11:1

Mansɛnuna kɛlɛ-kɛ-wati kenɛ, Mansa Dawuda ya Yohabu anubɛ ala mɔgɔ-banu anubɛ ala kɛlɛ-dan bɛɛsi lata. Anu ya Amonnu nɔ ha ka ta anuna so-karantan Raba soe lafoo ka ta bui anu ma. Kɔnɔ Mansa Dawuda tora Yerusalɛm soe burɔ.

1 Mansɛnu 19:10

Nɛbi Ilaya ya a fɔ a ye ko, “Alla Sɛnbɛ-Bɛɛ-Tigi, n bi ile le kelen pe batola tuma-wo-tuma. Kɔnɔ sarama-kan min bi wobɛ Isirɛla mɔgɛnu tɛma, anu bara anutɛ wo tinya. Anu bara ila saraka-mintan-tinɛnu tinya ka ita nɛbinu faga. Nde kelen pe le ye nɛbiyɛ la gbɛ! A sɔgɛ ye anu na, anu ni nde fanan faga.”

1 Mansɛnu 20:13

Wati kelan wo nyɛrɛ rɔ, nɛbi do tara Mansa Ehabu taran. A ya a fɔ a ye ko, “Mari ko i kana kilan kɛlɛ-den-siyamɛ wonu na. A ko a si a ma, i ni nɔ-ko sɔrɔn wonu ma bi. I si a lɔn worɔ ko Mari le ale la.”

1 Mansɛnu 20:21

Isirɛla Mansa Ehabu anubɛ ala kɛlɛ-den-toenu bɛnta Siriyanu na anubɛ anuna soee minnu bi kirindinu saganna. Anu ya mɔgɔ-siyaman faga wonu tɔ ka anuna soeenu anubɛ anuna kirindinu kasara.

1 Mansɛnu 20:26

Wo san nasɛgi, a ya ala kɛlɛ-dannu kele. Anu tara Afɛki soe kan ma Isirɛla mɔgɛnu kɛlɛ tinɛ.

1 Mansɛnu 20:38

Ale nɛbi ya a yakɔrɛ wo makiri alako anu kana a lɔn. A tara a sɔ kilɛ la ka Isirɛla mansɛ makɔni.

1 Mansɛnu 22:8

Mansa Ehabu ya a fɔ a ye ko, “Mɔgɔ kelen bi yan, Imilala den Nɛbi Mɛkaya, kɔni. Kɔnɔ wo ma di n ye mumɛ bawo a ti wɔlɔyiya-kuma-wo-kuma fɔ n ye min di n tole la fɔ a yogomɛ gbansan!” Mansa Yɛhosafati ya Mansa Ehabu makawandi ko, “A ma bɛn, i ni kuma-sufa kɛ fɔ muk!”

2 Mansɛnu 6:12

Ala kɛlɛ-den-kun kelen bi nyɔ, wo ya a fɔ ko, “Mansɛ, wo mɔgɔ sa ma tɛma. Hali i ya wɛwɛ le sa ila bɔn la, Nɛbi Ilaisa si ta wo rakaran Isirɛla mansɛ ye.”

1 Ko-Kɔrɔta-Karan 20:1

Wo san nasɛgi, mansɛnuna-kɛlɛ-wati kenɛ, Yohabu ya ala kɛlɛ-dannu bi. Anu tara bui Amon nyamanɛ ma. Lunyɛ do, anu tara bui anuna so-karantan do ma min tɔgɛ Raba ka a kasara. Kɔnɔ hali wo, Mansa Dawuda ma a maga Yerusalɛm soe burɔ.

2 Ko-Kɔrɔta-Karan 25:11

Mansa Hamasa ya a kerinteya. A ya ala kɛlɛ-dannu bi ka ta lɛɛ do rɔ min tɔgɛ le ko, “Kɔgɔ Lɛɛ.” Anu ya Idɔm kɛlɛ-dan mɔgɔ waga tan (10,000) faga lɛɛ wo rɔ nyɔ.

2 Ko-Kɔrɔta-Karan 25:8

Ile mirinɛ ko Isirɛla kɛlɛ-dannu si i fanka lakoloya kɛlɛ rɔ, wa? Wo sɛnbɛ ye Alla le bolo alako i ni nɔ-ko sɔrɔn, ni wo ma, anu denu ni i nɔ, ado ale le si a ma, i yogenu ni i nɔ.”

Yaburi 27:14

Ma ni la Mari la. Ma kana bandan. Ma ni to Mari makɔnɔna tolon!

Hɛnkilimaya-Kumɛnu 18:10

Mari le mɔgɔ niyi lakisilɛ la iko so-latankanɛ, telenbagɛnu si anu buri ka ta anu dogon kan min.

Hɛnkilimaya-Kumɛnu 20:18

Yanni mɔgɛ ni ko ladan, a ni mɔgɛ do nyini min si hɛnkili di a ma. Hali mɔgɛ ye kɛlɛ-belebele do kɛla, fɔ a ni mɔgɛ donu sɔrɔn minnu si hɛnkili di a ma.

Aiseya 26:11

Mari, i yogenu ma a lɔn mumɛ, ko i si anu tɔrɔ dɛɛ! Anu namiliya le serr, anu ni tɔrɔ. I ya tɔrɔ-dagɛ min namara anu ye, i ni wo rawuya anu kunyɛ ma. Ita mɔgɛnu di i ye nya min, i ni wo yira anu na.

Aiseya 42:8

A ko ale le dɔrɔn bi mata Mari Allayɛ la. A ti sɔn dogbɛrɛ ni ata gbiliyɛ sɔrɔn, ado a ti sɔn bɛsɛnu ni ata matɔgɛ do sɔrɔn.

Aiseya 8:9

A ko wole sibolo-gbɛrɛnu, wo ni wo ladɛn kilan bolo. Wole minnu bi duninya-dan la pon, a ko wo ni wo tole masɔ. Hali wo rabɛnnɛ kɛlɛ-koe la kɔnɔ wo kun ma si kɔ kilan bolo.

Ɛfɛsa 6:10

Nba, ka kumɛ kundon, Marita sɛnbɛ ni a ma, wo ra ni gbɛlɛya.