1 Mansɛnu 20:21 - ALLALA KUMƐ

²¹ Isirɛla Mansa Ehabu anubɛ ala kɛlɛ-den-toenu bɛnta Siriyanu na anubɛ anuna soee minnu bi kirindinu saganna. Anu ya mɔgɔ-siyaman faga wonu tɔ ka anuna soeenu anubɛ anuna kirindinu kasara.

1 Mansɛnu 20:21 ပူးပေါင်းရင်းမြစ်များ

1 Mansɛnu 20:20

Kɛlɛ-den-bulan wonu ya Siriyanu taran anu yarɔ, bɛɛ ya a kɛlɛ-kɛ-nyɔgɔ faga. Siriya-toenu ya anu buri. Isirɛla kɛlɛ-dannu ya anu sagaran. Kɔnɔ Mansa Bɛnhedadi anubɛ ala kɛlɛ-den-so-laburilɛ donu ya anuna soeenu bi ka anu buri.

1 Mansɛnu 20:22

Kɛlɛ wo kanɛ a la, nɛbi wo tara a fɔ Mansa Ehabu ye tun ko, “Ila kɛlɛ-dannu makofu. I ni anu makaran kɛlɛ la bawo ka-nyɔgɔ-tumɛ yari, Siriya mansɛ wonu si na wo kɛlɛ tinɛ tun.”

2 Mansɛnu 3:18

Wo kɔma, Nɛbi Ilaisa ya a fɔ anu ye ko, “A dɔgɔmɛ le kɛ la Mari yala. Min sanɛ wo kuma, wo ni la a la serr, ko a si Mohabu mɔgɛnu don wo bolo.

2 Mansɛnu 3:24

Kɔnɔ anu ke dagɛ wo rɔ, Isirɛla mɔgɛnu wulita anu kan ma ka sɛgi anu gbenna. Anu ya Mohabu mɔgɔ-siyaman faga!

Yasowa 10:20

Yasowa anubɛ Isirɛla mɔgɛnu ya mɔgɔ-siyaman faga kɔnɔ minnu kɛndɛ tora, wonu sɛgira anuna soenu tɔ tarɛ mininɛ minnu ma.

Kɛlɛ-Kurugbɛnu 11:33

A ya anuna so-kun mogan kasara. Ka a bi Arɔra soe ma ka ta a sigi Miniti soe la ha ka ta a sigi nɔnbɔ-sɛnɛ la min bi Rabati soe dafɛ, a ya nyɔ-mɔgɛnu nɔ. Isirɛla kɛlɛ-dannu ya Amonnu kɛlɛ ka anu nɔ feu!

Kɛlɛ-Kurugbɛnu 3:28

A ya a fɔ wonu ye ko, “Wo ni bila n fɛ. Mari ara wo yoge Mohabunu don wo bolo tɔ bi.” Anu bilara Ehudi fɛ. Mohabunu si Yorodan bɛ tɛgɛ kan min, anu ya nyɔ bira-a-la. Anu ma sɔn Mohabunu ni tenbi nyɔ mumɛ!

1 Samuwɛli 17:52

Isirɛla mɔgɛnu anubɛ Yuda bɔnsɔn-mɔgɛnu gbele-gbelenta. Anu tara anu gbenna ha Kati soe burɔ ha Ɛkirɔn soe tarɛ-don-dɛ la. Filisitinu furi-bolokanɛ ye tala Seyareyim kilɛ wo fɛ ha ka ta ke Kati anubɛ Ɛkirɔn soenu tɔ.

1 Samuwɛli 19:8

Kɛlɛ buira Isirɛla mɔgɛnu anubɛ Filisitinu tɛma tun. Dawuda tara bui anu ma fugbu, ka anu nɔ! Filisitinu ya anu buri.