1 Mansɛnu 20:15 - ALLALA KUMƐ

¹⁵ Ale Mansa Ehabu ya ala kɛlɛ-den-bulan wonu kele. Kɛlɛ-dan wonu yirika bɛnta mɔgɔ kɛmɛ fila, mɔgɔ bi-sawa ani mɔgɔ fila ma (232). Wo kɔma, a ya Isirɛla kɛlɛ-den-toe wonu kele. Wonu fanan yirika bɛnta mɔgɔ waga wɔrɔnfila ma (7,000).

1 Mansɛnu 20:15 ပူးပေါင်းရင်းမြစ်များ

1 Mansɛnu 19:18

Kɔnɔ hali wo, n si mɔgɔ waga wɔrɔnfila to a niyi la Isirɛla nyamanɛ rɔ bawo wonu denu telennɛ n ye. Anu ma anu madu Beyali kɔrɔ. Anu ma a sunbu.”

1 Mansɛnu 20:14

Mansa Ehabu ya nɛbi wo manyinika, a ko, “Yon si sɔ kɛlɛ yarɔ?” Nɛbi wo ya a fɔ a ye ko, “Mari ko kɛlɛ-den-bulan minnu bi ila sigisɔn-mansɛnu kɔrɔ, wonu denu bi sɔla kɛlɛ yarɔ.” Mansɛ ya ale nɛbi manyinika tun ko, “Yon bi sɔla kɛlɛ-den-toenu yarɔ?” Nɛbi ko, “Ile, yɔ!”

1 Mansɛnu 20:16

Isirɛla kɛlɛ-dan wonu tara bui Siriyanu ma tele-latelen-wati. Wo ya a taran, Mansa Bɛnhedadi anubɛ a ta-nyɔgɔ-mansa bi-sawa ani mansa filɛ wonu bi anu kun tafin tinɛ anuna fani-bɔnnu na.

2 Mansɛnu 13:7

Siriya mansɛ ya Mansa Yɛhowahasila kɛlɛ-dannu nunku iko foni-fɔrɔn. Kɛlɛ-den fenfen ma to fɔ so-laburila mɔgɔ bi-loli, kirindi tan, anubɛ kɛlɛ-dan mɔgɔ waga tan. Wonu denu dɔrɔn tora.

2 Ko-Kɔrɔta-Karan 14:11

Mansa Esa ya ata Mari Alla matara, a ko, “Ka kɛlɛ-den-siyamɛnu dɛnbɛ wo, ka kɛlɛ-den-dandenu dɛnbɛ wo, wo damasi kelen ile yala. Woletɔ, mata Mari Alla, i yandi, ma dɛnbɛ. Ma ye ma yigi sala ile rɔ. Ma ara na kɛlɛ-den-siyamɛ kɛnu kɛlɛ tinɛ ile tɔgɔ rɔ. Mari, mata Alla le ile la. Mɔgɔ-wo-mɔgɔ ti ke ile nɔla.”

Yaburi 33:16

Mansɛta kɛlɛ-dannu siya min kɛ dɔrɔn, a ti kɛlɛ nɔ. Kɛlɛ-dannu sɛnbɛ dɔrɔn ti a ma, a ni kɛlɛ nɔ.

Kɛlɛ-Kurugbɛnu 7:16

Kidiyɔn ya mɔgɔ kɛmɛ sawɛ kɛnu tafara sigi tina sawa la. A ya kala-mɛlannu don anu damasi bolo, bɔnku-dagɛ burunnɛ kala-mɛlan wonu kun na. Wo kɔma, a ya burinu fanan don anu bolo.

Kɛlɛ-Kurugbɛnu 7:7

Mari ya a fɔ Kidiyɔn ye tun ko, “Wobɛ mɔgɔ kɛmɛ sawɛ minnu ya anu min anu bolo tɔ, wonu denu si Midiyan kɛnu nɔ. I ni a fɔ a toenu ye ko anu ni sɛgi anu kɔma kilɛ la.”

1 Samuwɛli 14:2

A fa Mansa Sɔli fanan bara ta a daga makɛ kɔlɔma do kɔrɔ nun kan tinɛ do rɔ min tɔgɛ Mikirɔn. Nyɔ ma fɛ-yan Kibiya soe la. Anubɛ ala kɛlɛ-dan mɔgɔ kɛmɛ wɔrɔ (600) siginɛ nyɔ.

1 Samuwɛli 14:6

Yonatan ya a fɔ ala kɛlɛ-miran-madununɛ wo ye ko, “Ma ta Filisiti-kemininyabɛlɛ kɛnu barɛ. Tumado Mari si na ma dɛnbɛ. Ni wo mara, hali ma ma siya nya min kɛ, Mari si a ma, ma ni nɔ-ko sɔrɔn anu ma. Fenfen ti wo tinya.”