1 Mansɛnu 20:13 - ALLALA KUMƐ

¹³ Wati kelan wo nyɛrɛ rɔ, nɛbi do tara Mansa Ehabu taran. A ya a fɔ a ye ko, “Mari ko i kana kilan kɛlɛ-den-siyamɛ wonu na. A ko a si a ma, i ni nɔ-ko sɔrɔn wonu ma bi. I si a lɔn worɔ ko Mari le ale la.”

1 Mansɛnu 20:13 ပူးပေါင်းရင်းမြစ်များ

2 Samuwɛli 10:13

Yohabu anubɛ ala kɛlɛ-dannu tara Siriyanu kɛlɛ tinɛ gbɛkole wo ma. Siriya wonu ya anu buri Yohabu kɔrɔ.

1 Mansɛnu 18:39

Mɔgɛ wonu ya wo rayen min kɛ, anu ya anu nyɛrɛ gbesi dugu la. Anu bi a fɔla ko, “Mari kelen pe le Alla la. Mari kelen pe le Alla la.”

1 Mansɛnu 20:14

Mansa Ehabu ya nɛbi wo manyinika, a ko, “Yon si sɔ kɛlɛ yarɔ?” Nɛbi wo ya a fɔ a ye ko, “Mari ko kɛlɛ-den-bulan minnu bi ila sigisɔn-mansɛnu kɔrɔ, wonu denu bi sɔla kɛlɛ yarɔ.” Mansɛ ya ale nɛbi manyinika tun ko, “Yon bi sɔla kɛlɛ-den-toenu yarɔ?” Nɛbi ko, “Ile, yɔ!”

1 Mansɛnu 20:22

Kɛlɛ wo kanɛ a la, nɛbi wo tara a fɔ Mansa Ehabu ye tun ko, “Ila kɛlɛ-dannu makofu. I ni anu makaran kɛlɛ la bawo ka-nyɔgɔ-tumɛ yari, Siriya mansɛ wonu si na wo kɛlɛ tinɛ tun.”

1 Mansɛnu 20:28

Nɛbi do tara a fɔ Mansa Ehabu ye ko, “Mari ko bawo Siriyanu bi a fɔla ko Isirɛlata Alla ye kɔnkɛnu dɔrɔn kuma, a sa lɛɛnu tɔ, wo le ye a mala, a ye sɛnbɛ dila Isirɛla mɔgɛnu ma Siriyanu kuma. Mari ko wo si a ma, wobɛ ila mɔgɛnu ni a lɔn ko Mari le ale la.”

2 Mansɛnu 13:23

Kɔnɔ hinɛ anubɛ kinikinɛ ye Mari rɔ. A ma sɔn Isirɛla mɔgɛnu nato-koe ma. A ya anu dɛnbɛ bawo a ara sarama-kan kiri Iburayima anubɛ ala den Isiyaka anubɛ wola den Yakoba ye nun, ado ha kaka, a ma nyina ala mɔgɛnu ko.

2 Mansɛnu 3:18

Wo kɔma, Nɛbi Ilaisa ya a fɔ anu ye ko, “A dɔgɔmɛ le kɛ la Mari yala. Min sanɛ wo kuma, wo ni la a la serr, ko a si Mohabu mɔgɛnu don wo bolo.

2 Mansɛnu 7:1

Nɛbi Ilaisa ya a fɔ a ye ko, “Mansɛ, i wɔlɔ matɔlɔ Marita kumɛ la. Mari ko, yanni kɛ nyɔgɔn tumɛ sina, i si ke dɛgɛ-munke pani-kunbɛ-nya sawa sanna wodi-gbɛ-gbu-ni kelen na Samariya soe burɔ, ado, i si fui-fan pani-kunbɛ-nya wɔrɔ san wodi-gbɛ-gbu-ni kelen na.”

2 Ko-Kɔrɔta-Karan 20:15

Yahasayɛli wo ya a fɔ ko, “N tigi Mansa Yɛhosafati, wobɛ ila mɔgɛnu, wo ni wo tole masɔ. Yerusalɛm so-burɔ-mɔgɛnu wo, Yuda nyamanita-mɔgɛnu wo, Mari ko wo yisi ma kana gboya, ado wo kana kilan kɛlɛ-den-siyamɛ kɛnu na. Alla letan kɛlɛ kɛ la, woleta ma.

2 Ko-Kɔrɔta-Karan 20:17

Wole ti anu kɛlɛ. Wo ta wo sɔ-bole rabɛn ka anu makɔni. Wo si a yen, Mari ye nɔlɛ dila wo ma nya min. Wole Yuda nyamanita-mɔgɛnu anubɛ Yerusalɛm so-burɔ-mɔgɛnu, wo kana kilan ka sika. Wo ta kɛlɛ-kɛ-tinɛ. Mari si taran wo fɛ!”

Yaburi 83:18

Alamɛ anu ya a lɔn ko ile le kelen pe le Mari la. Ile le ye duninya fan bɛɛ kun na.

Bɔ-Koe-Iyipiti 16:12

“N bara Isirɛla mɔgɛnuna gbunya-kumɛ lamɔɛn. A fɔ anu ye ko anu si mɛya-fan dɔn bi wurɛ la. Sɔgɔma, anu si fa dɔn-fan la. Anu si a lɔn yati, ko nde le anuta Mari Alla la.”

Aiseya 37:20

I yandi, mata Mari Alla, ma tanka Asiriyanu masibɛ ma alako duninya bɛɛ ni a lɔn ko ile Mari kelen pe le Alla la.”

Isikiyɛli 20:14

Kɔnɔ n ya a bira n tɔ bawo ni n ya wo ma nun, n ti gbiliyɛ sɔrɔn sibolo doi wonu bolo minnu ya n yen anu nabɔla Iyipiti.

Isikiyɛli 20:22

Kɔnɔ n ya a bira n tɔ bawo ni n ya wo ma nun, n ti gbiliyɛ sɔrɔn sibolo doi wonu bolo minnu ya n yen anu nabɔla Iyipiti.

Isikiyɛli 6:7

Mɔgɛnu si faga da-wo-da. Minnu bi tola anu niyi la, wonu si n lɔn Mari la yati!

Yowɛli 3:17

A ko wole, Isirɛla mɔgɛnu si a lɔn wati wo rɔ ko wota Mari Alla le ale la. A ko ale le ye a mayigila ata kɔnkɔ-sɛnimɛ kuma. A ko Yerusalɛm soe si ma so-sɛnimɛ la. Sibolo-gbɛrɛnu ti nɔ-ko sɔrɔn a ma tun!

Yasowa 10:8

Mari ya a fɔ Yasowa ye ko, “I kana kilan bawo n bara mɔgɛ wonu don wo bolo. Hali mɔgɔ kelen ti sɔ wo yarɔ ka wo nɔ.”