1 Mansɛnu 20:10 - ALLALA KUMƐ

¹⁰ Mansɛ wo ya kilaya-gbɛrɛkɛ don anu bolo tun. Kilayɛ wonu ke Isirɛla mɔgɛnuna Mansa Ehabu ma, anu ya a fɔ a ye ko, “Mansa Bɛnhedadi ko ni a ti na kɛlɛ-den-siyamɛnu na ka ila soe kɛ bunden, a ko alamɛ ala bɛsɛnu ya a gbesi a rɔ, ado a ko hali ila soe kɛ gbangban ti anu bolo tabɔ.”

1 Mansɛnu 20:10 ပူးပေါင်းရင်းမြစ်များ

1 Mansɛnu 19:2

Yɛsɛbɛli wo ya a sara Nɛbi Ilaya wara ka a fɔ a ye ko, “Kɛ nyɔgɔn tumɛ sina, ni n ti a ma i la iko i wara a ma nna nɛbinu na nya min, alamɛ nna bɛsɛnu ya n gbesi a rɔ.”

1 Mansɛnu 2:23

Wo le ya a ma, Mansa Silamɛni ya a keli Mari Alla rɔ ko, “Ni n ma Adonaya faga nyinikalɛ kɛla ko la, alamɛ Mari ya n gbesi a rɔ.

1 Mansɛnu 20:9

Wo kɔma, Mansa Ehabu ya a sara Mansa Bɛnhedadila kilayɛnu na ko, “Wo ta a fɔ n tigi ye ko a fɔlɔtɛ wo, n bara sɔn a bolo kɔnɔ a fila nyɔgɛ kɛ, n ma sɔn wo ma a bolo tun.” Anu tara wo lake Siriya mansɛ wo ma.

2 Mansɛnu 18:24

Hali kɛlɛ-den-kunyɛ min dɔgɔ ma rɔ, wo ti bɔ wo yakɔrɔ. Wole lanɛ a la ko Iyipiti kɛnu si soeenu anubɛ kirindinu nana wo dɛnbɛn tinɛ kɛlɛ rɔ, wa?

2 Mansɛnu 6:31

Ale mansɛ ya a fɔ ko, “Ni Safatila den Nɛbi Ilaisa kɛ kunyɛ ma tɛgɛ a la bi, alamɛ Mari ya n faga.”

Bɔ-Koe-Iyipiti 11:8

Ila mɔgɔ-banu si na n bara. Anu si anu sa n kɔrɔ n madiya tinɛ alako mabɛ nna mɔgɛnu ni ta. Wo kɔma, ma si ta.” Musa kɔrɔtɔnɛ bɔra mansɛ yakɔrɔ.

Yɛrɛmaya 46:17

Mari ko n ni Iyipiti mansɛ tɔgɔ-kurɛ sa ko, “Sɔnkɔ-Gbansan Min Foora ala Mansaya-Tumɛ la.”

Yɛrɛmaya 9:23

Mari ko hɛnkilimɛ kana a nyɛrɛ matɔgɔ ala hɛnkilimayɛla ko la. Fanka-tigi kana a nyɛrɛ matɔgɔ ala fankalamayɛla ko la. Nɔnfulu-tigi kana a nyɛrɛ matɔgɔ ala nɔnfulu-tigiyɛla ko la.

Kɛwɔlɛnu 23:12

Wo banda kɛ, Yahudiya donu ya anu nadɛn ka ko-rabɛn-kɛ. Anu ya anu dato ko anu ti fen dɔn ka anu min, ni anu ma Pɔli faga fɔlɔn.

1 Samuwɛli 17:43

A ya a fɔ Dawuda ye ko, “Kɔlɔma wo ye i bolo nfenna? I miri ko wuli le nde la?” A ya Dawuda gboro ala bɛsɛnu tɔ.