1 Mansɛnu 20:1 - ALLALA KUMƐ

¹ Siriya Mansa Bɛnhedadi ya ala kɛlɛ-dannu kundɛn. A ta-nyɔgɔ-mansa bi-sawa ani mansa fila (32) fanan sɛbɛ donnɛ a fɛ kɛlɛ-kɛ rɔ. Wonubɛ anuna soeenu anubɛ anuna kirindinu, anu dama tara bui Samariya soe ma ka nyɔ-mɔgɛnu kɛlɛ.

1 Mansɛnu 20:1 ပူးပေါင်းရင်းမြစ်များ

1 Mansɛnu 15:18

Sɛnɛ anubɛ wodi-gbɛ minnu bi Mari Bato-Bɔn anubɛ ata bolɔn la, Yuda Mansa Esa ya wonu bi. A ya wonu don ata mɔgɔ-ba donu bolo. Wonu tara wonu to tinɛ Siriya Mansa Bɛnhedadi ma Damasika soe burɔ. Mansɛ wo fa tɔgɛ le Tabirimɔn. A benba tɔgɛ le Hisiyɔn. Mansa Esa ya a sara ala mɔgɔ-ba wonu na ko anu ni ta a fɔ Siriya mansɛ wo ye ko,

1 Mansɛnu 15:20

Kilayɛ wonu kenɛ Siriya mansɛ wo ma, anu ya anu dantɛgɛ a ye. Mansa Esa ya mɔgɔ-ba wonu sɔ min na, ale fanan sɔnta wo ma. Wo le ya a ma, ale fanan ya ala kɛlɛ-den-kunyɛnu anubɛ ala kɛlɛ-dannu nata ka ta bui Isirɛla mɔgɛnuna so-kunbɛnu ma. Anu ya soe minnu bi Isirɛla nyamanɛ rɔ, wonu tɔgɛ le kɛnu na, Iyɔn wo, Dan wo, Ebɛli-Bɛti-Meyaka wo, anubɛ Kalili dalɛla foolɛ bɛɛ. Wo kɔma, anu tara Nafatali bɔnsɔn-mɔgɛnuna dugi bɛɛ bi anu bolo.

1 Mansɛnu 16:24

Wo kɔma, a tara kɔnkɛ do san Samari ma wodi-gbɛ la minna gbiliyɛ anubɛ fui-fan bɔrɔ kelen rakɛn de! Ale Mansa Hɔmɔri ya soe datɛgɛ nyɔ rɔ ka nyɔ latanka. A ya dugu-tigi-kɔrɛ wo tɔgɛ sa soe wo kuma ko Samariya.

1 Mansɛnu 20:16

Isirɛla kɛlɛ-dan wonu tara bui Siriyanu ma tele-latelen-wati. Wo ya a taran, Mansa Bɛnhedadi anubɛ a ta-nyɔgɔ-mansa bi-sawa ani mansa filɛ wonu bi anu kun tafin tinɛ anuna fani-bɔnnu na.

1 Mansɛnu 20:2

Ale Mansa Bɛnhedadi ya kilayɛnu nata Isirɛla Mansa Ehabu ma ka a fɔ a ye ko

1 Mansɛnu 20:24

I ni mansa bi-sawɛ ani mansa filɛ wonu nabɔ kɛlɛ-den-kunyɛ la. I ni kɛlɛ-den-kun-bɛrɛ donu sigi anu gbɛ rɔ.

1 Mansɛnu 22:31

Kɔnɔ wo ya a taran, Siriya mansɛla kɛlɛ-den-kun-tigi mɔgɔ bi-sawa ani mɔgɔ filɛ minnu bi kirindinu kun na, a ya a fɔ anu ye ko anu denu kana na mɔgɔ-wo-mɔgɔ kɛlɛ fɔ Isirɛla mansɛ.

2 Mansɛnu 6:8

Siriya mansɛ anubɛ Isirɛla mansɛ kɛlɛta. Siriya mansɛ ya a kun nayigi ala kɛlɛ-den-kunyɛnu fɛ alako anu ni a lɔn anu si ta anu daga makɛ kan min.

2 Mansɛnu 8:5

Nɛbi Ilaisa ara furi lakɛndɛya nya min, Kɛhasi ye wo rakaranna mansɛ ye tumɛ min, musi kɛ ya a bolo-fannu manyinika wati wo le. Kɛhasi ya a fɔ mansɛ ye ko, “Mansɛ, Nɛbi Ilaisa ya dan min nakɛndɛya, wonubɛ a na le kɛ la.”

Ɛsira 7:12

“Nde, Pasiya Mansa Atasakasi le wara kɛdi kɛ sɛbɛ Saraka-Masɔla Ɛsira ma, San-Kole-Allata tɔn-karan-mɔgɛ, kɔni.

Bɔ-Koe-Iyipiti 14:7

A ya Iyipiti mɔgɛnuta kirindinu bi ka wonu sa ata kirindi-hakikɛ kɛmɛ wɔrɛ (600) kuma. A ya kɛlɛ-kurugbɛnu sigi kirindi wo bɛɛsi kun na.

Aiseya 10:8

Ale mansɛ ye a nyɛrɛ matɔgɔla ko, “Nna kɛlɛ-kurugbɛ, wo bɛɛ mansa!

Aiseya 37:24

fɔ a ye kilayɛnu nanala ka a nyɛrɛ matɔgɔ. A ko ale Sɛnakaribu ye a fɔla ko anubɛ ala kirindinu ya Lɛbanan kɔnkɔ-layan-bɛnu nɔ ka kɔlɔma-layan-bɛnu nawuya hali ka ta gbɔngbɔn-makilannɛ bɛɛ kɔrɔ.

Yɛrɛmaya 49:27

Mari ko a si tɛ tugu Damasika tarɛ la. Mansa Bɛnhedadila bolɔn si mintan. Mari Sɛnbɛ-Bɛɛ-Tigi kan le kɛ la.

Isikiyɛli 26:7

“Nde, wo tigi Mari ko Babilɔn Mansa Nɛbukanasa min mankan kolo mansɛ bɛɛtɛ ko, n si wo latugu ale Taya kɛnu ma. A si bɔ kantɔ-wara la kɛlɛ-den-siyaman na a bolo anubɛ soeenu anubɛ kirindinu.

Daniyɛli 2:37

Ile ma tigi le tenbira mansɛ bɛɛ la. Alla min bi Arinyɛni tɔ, wo le ya ile ma nyamani-tigi la. Ale le ya sɛnbɛ anubɛ gbiliyɛ di i ma.

Saraka-Masɔlɛnuta Tɔnnu 26:25

N si mɔgɛnu nana wo tɛma ka wo kɛlɛ. Wonu si wo tɔrɔya bawo wo ara sarama-kan tinya min bi ma tɛma wo na. Hali wo ya wo ladɛn wola soenu tɔ alako wo ni kisi wo yogenu ma, n si kiraya-yogomɛ lana wo tɛma min ti dandan muk! Wo ra si nama anu kɔrɔ ka wo nyɛrɛ don anu bolo.

Emɔsi 1:4

Mari ko Mansa Hɛsiyɛli ya bon-hakikɛ min sɔ, a ye nala tɛ layigila a kuma ka a mintan gburr! Hali ala den Mansa Hedadi ya kata min sɔ, tɛ si wo dama mintan.

Tɔn-Fɔɛ-Fila-Nyɔgɛ 20:1

Musa ya Mari kuman-kan latenbi ko, “Wo wa ta wo yogenu kɛlɛ tinɛ, ni wo ya a yen ko anuna soeenu anubɛ anuna kirindinu siya wotɛnu ko, hali anuna kɛlɛ-dannu siya wotɛnu ko, wo kana kilan anu na. Wota Mari Alla min ya wo kisi ka wo labɔ Iyipiti, wo si to wo fɛ.

Tɔn-Fɔɛ-Fila-Nyɔgɛ 28:52

Hali wo yili-madiyanɛ ye tara-layan-bɛ minnu na wola soenu ma, anu si soe wonu damasi bira-a-la wola nyamanɛ rɔ.

Kɛlɛ-Kurugbɛnu 1:7

Ale mansɛ ya a fɔ anu ye ko, “Nde fanan bara mansa bi-wɔrɔnfila bolo-gbungburu-wɛnu anubɛ anu kin-gbungburu-wɛnu tɛgɛ anu na nun. Mansɛ wonu tora dɔn-fen-pɛrɛnu denu matɔnbɔnna nna tebulu kɔrɔ. Kɔnɔ n ya min ma wonu na, Alla ara wonu denu tayili sara n na kɛ la.” Anu tara ale mansɛ la Yerusalɛm, a fagara kan min.

Kɛlɛ-Kurugbɛnu 4:3

nɛgɛ-kirindi kɛmɛ kɔnɔntɔ taranta a bolo. Mansɛ wo ya Isirɛla mɔgɛnu bira boloko-yogomɛ-kɛ san mogan kɔrɔ. Woletɔ Isirɛla mɔgɛnu dira Mari dala.

1 Samuwɛli 13:5

Filisitinu fanan ya anu nadɛn Isirɛla mɔgɛnu kan ma. Kirindi waga sawa (3,000) ye anu bolo anubɛ so-laburila mɔgɔ waga wɔrɔ (6,000). Kɛlɛ-dan minnu bi tala anu kian la, wonu siya iko ba-kɛnkɛn. Anu tara anu daga makɛ Mikimasi don-dɛ la min bi Bɛti-Efɛn tele-bɔɛ wara la.