1 Mansɛnu 2:8 - ALLALA KUMƐ

⁸ “Nba, Kɛrala den Simayi min bɔra Bahurim soe burɔ Bɛnyamɛ bɔnsɔn nyamanɛ rɔ, wo tumɛ n tanɛ Mahanama soe burɔ, wo le ya n mɔɛn bɛrɛkɛ! Kɔnɔ a nara n taran Yorodan bɛ dafɛ tumɛ min ka n madiya, n ya n keli a ye Mari rɔ ko n ti a faga wulɔn.

1 Mansɛnu 2:8 ပူးပေါင်းရင်းမြစ်များ

2 Samuwɛli 19:24

Mansa Sɔli mamanɛ Mɛfibasɛti ya a lamɔɛn min kɛ ko Mansa Dawuda ye nala Yerusalɛm, a tara a labɛn tinɛ. Kebi Mansa Dawuda ya a to nya min, a ya a taran wo nya na le. A ma a kin maku, a ma a buya matɛgɛ, a ma ala kura ku, ado a ma sɔn wo do-wo-do mala fɔ Mansa Dawuda ya nɔ-ko sɔrɔn min kɛ ka sɛgi Yerusalɛm, a nara to a kula.

Bɔ-Koe-Iyipiti 22:27

bawo wo kelan pe le ye a bolo. Ni wo sa nyɔ, a si nfen burun a ma? Ni burun-kura-tigi wo dira n dala tumɛ min, n si a di-kɛ-kan lamɔɛn kamasɔrɔn n si kinikini mɔgɔ-sufa wo ma.

Yɛrɛmaya 4:2

Ni wo ya wo keli Mari kelan rɔ, wo kɔma ka lanyiri wo kanbali, sibole bɛɛ si duwɛ sɔrɔn wo lela ko la, ado anu si to ale Mari matɔgɔla ala ko-ladannɛnuna ko la.