1 Mansɛnu 2:7 - ALLALA KUMƐ

⁷ “Kɔnɔ i ni ila keninteyɛ yira Basilayila dannu na minnu siginɛ Kaliyadi nyamanɛ rɔ. N ya n buri i kɔrɔ Abasalɔm kɔrɔ tumɛ min, wonu denu ya n tabira a kilɛ fɛ. Woletɔ i ni i hɛnkili to wonu ko.

1 Mansɛnu 2:7 ပူးပေါင်းရင်းမြစ်များ

Ko-Dabirɛnu 40:14

I wa bɔ yele kɛ la tumɛ min, i yandi, i ni i hɛnkili to n ko ka ko-nyimɛ kɛ n ye. I ni n masigima-koe fɔ mansɛ ye alako nde, Yusufu ni bɔ yele kɛ la yan.

2 Samuwɛli 19:28

A bɛnta nun, i ni n fala kebilɛ bɛɛsi lato kɔnɔ hali wo, ile ara i don n dunɛ kɔrɔ ka ma de-nyini kan-tina-kelen. N tigi, a ma bɛn, n ni i manyinika ko-nyima-wo-ko-nyima ma tun.”

2 Samuwɛli 9:10

Wobɛ ila dannu anubɛ wola yɔɔnnu si to wɔlila wo tigi Mansa Sɔlila dugi rɔ. Wo ye ki-fan minnu tɛgɛla nyɔ, wo si na wonu na ka wonu ma Mansa Sɔlila denbayɛ beli-fan la. Kɔnɔ malebɛ ale Mɛfibasɛti si to fen-dɔn-kɛla kan-tina-kelen.” (Den-kei tan-ni-loli le Saiba bolo nun. Wo kɔma, yɔɔn mɔgɔ mogan de ye a bolo fanan.)

2 Samuwɛli 9:7

Mansa Dawuda ya a fɔ a ye ko, “Hali i ma kilan. N si ko-nyimɛ kɛ i ye ka a tɛgɛ i fa Yonatanna ko ma. N si i benba Mansa Sɔli halala-dugi bɛɛsi lasɛgi ile ma. N si a ma, ma ni to ma de-nyinina kan-tina-kelen.”

2 Mansɛnu 25:29

Ale mansɛ ya a rabɛn ko Mansa Yɛhoyasin ni yelela fanɛnu bɔ a ma. Ale mansɛ ya a rabɛn tun ko Mansa Yɛhoyasin kɛ ni to a de-nyinina ale mansɛ warɛ bɔn la a siyi-tele-bɛɛ kɔrɔ.

2 Mansɛnu 25:30

Mansɛ ya a rabɛn ko tele-wo-tele, a si to wodi do dila a ma ka a makoe rabɛn a siyi-tele-bɛɛ kɔrɔ.

Ɛsira 2:61

Saraka-Masɔla Habaya wo, Saraka-Masɔla Hakɔsi wo, anubɛ Saraka-Masɔla Basilayi, anu kegeyɛnu bakuri sɛbɛnɛ kan min, anu ma ke wo yenna. (Basilayi kɛ wo ya musi do furu Basilayi kebilɛ rɔ. Musi wo benba bɔra Kaliyadi nyamanɛ rɔ. A ya ala musi wo kebila tɔgɛ bi ko Basilayi. Wo le tɔgɔma ye saraka-masɔya-kebilɛ kɛ la.) Anu ma anu bakuri lɔn min kɛ, anu ma sɔn mɔgɔ sawɛ kɛnu kegeyɛ ni saraka-masɔ-wɔlɛ kɛ.

Hɛnkilimaya-Kumɛnu 27:10

Mɔgɔ kana nyina i diyana-mɔgɛ anubɛ i fa-diyana-mɔgɛ ko bawo ni i ya nanparan sɔrɔn, yanni i ni ta i na-kelen-nyɔgɛ do wara wula-yan na, i diyana-mɔgɛ wonu fɔlɔn si i kunyɛ bɔ a rɔ.

Yɛrɛmaya 52:33

Ale mansɛ ya a rabɛn ko Yɛhoyasin ni yelela fanɛnu bɔ a ma. Ale mansɛ ya a rabɛn ko tun ko Yɛhoyasin kɛ ni to a de-nyinina ale mansɛ wara bɔn la a siyi-tele-bɛɛ kɔrɔ.

Luka 12:37

Wɔli-kɛlɛ minnu tigi si anu taran, anu tabɛnnɛ, anu bi anu ya la, a si sewa anu na! Wo ni wo hɛnkili to kɛ ko! A si anu nasigi ka a nyɛrɛ mabɛn wɔli-kɛ-koe la anu ye.