1 Mansɛnu 2:37 - ALLALA KUMƐ

³⁷ Ni i ya Kidirɔn yi tɛgɛ tuma-wo-tuma, i ni a lɔn worɔ serr, ko fɔ i wa faga, ado ni i fagara, i nyɛrɛ gbɛ le wo la.”

1 Mansɛnu 2:37 ပူးပေါင်းရင်းမြစ်များ

2 Samuwɛli 1:16

ado Dawuda ara a fɔ ale Amalɛki wo ye nun ko, “I nyɛrɛ le ya i nyɛrɛ faga bawo i ya a fɔ kuma rakaran tinɛ i ko, ile le nyɛrɛ-nyɛrɛ ya Marita mansa-yabɔnɛ wo faga.”

2 Samuwɛli 15:23

Mansa Dawuda anubɛ ala mɔgɛnu bi tala, so-burɔ-mɔgɛnu bi dila anuna ko la anu sɛbɛ-kuna-wɛ la. Mansɛ anubɛ ala mɔgɛnu ya yi do tɛgɛ min tɔgɛ Kidirɔn. Anu kunyɛ telennɛ wulɛ wara le la.

1 Mansɛnu 15:13

A ya a mama Meyaka wo bɔ mansa-musuyɛ la bawo a ara bɛsi-musumɛ Asura muninyɛ ladan min mamilita. A ya bɛsɛ wo bi ka a rakerikeri ka a mintan Kidirɔn lɛɛ rɔ.

1 Mansɛnu 2:31

Mansɛ ya a fɔ Bɛnaya ye ko, “I ni a ma iko Yohabu ara a fɔ i ye nya min. I ni a faga ka a togon. Woletɔ Yohabu ya mɔgɛ minnu faga, ado anu ma ko tinya, wonu niyi-ko-dunɛ ti to malebɛ n fala mɔgɛnu kuma.

1 Mansɛnu 2:33

Woletɔ dunɛ wo si to sigila Yohabu anubɛ ala kebilɛ kuma habadan! Kɔnɔ Mansa Dawuda anubɛ ata kebilɛ minnu bi sigila a gbɛ rɔ, wonu si to yisi-kimɛ sɔrɔnna Mari bolo habadan!”

1 Mansɛnu 2:38

Simayi ya a fɔ mansɛ ye ko, “Mansɛ, i wara min fɔ kɛ la, wo kin. Iko i wara a fɔ n ye nya min, n si a ma wo nya.” Wo le ya a ma, Simayi ya wati-yan bɔ Yerusalɛm.

2 Mansɛnu 23:6

Bɛsɛ min tɔgɛ Asura, a ya kɔlɔma wo labɔ luyi ma ka ta a la Kidirɔn lɛɛ rɔ. A ya wo mintan nyɔ ka a bunden gburr! A ya wo gbangban bi ka a furufuru nyɔ-kaburu-soe rɔ.

2 Ko-Kɔrɔta-Karan 29:16

Saraka-masɔlɛ wonu donta Bato-Bɔn sɛninya-koe rɔ. Fan minnu bi Bato-Bɔn wo latinyana, anu ya wonu nabɔ kata kɔma. Lifayi doinu ya anu bi nyɔ ka ta anu na fɔɔ Kidirɔn lɛɛ rɔ Yerusalɛm soe kɔma.

Yɛrɛmaya 31:40

Anu bi furinu togonna lɛɛ min tɔ, ado a manɛ anu bolo sundu-kunyɛ la, ale soe si ta tele-bɔɛ wara la ha nyɔ. Anuna soe wo le ye bɔla sɔla nyɔ ma ka ta furr, ha Kidirɔn yi kɔgɔma. Soe wo le si ta fanan ka ta a labɔ Yerusalɛm don-dɛ la min tɔgɛ, “Soee.” Tɛngbɛnya wo dama si ma Marita so-sɛnimɛ la. A ko nyɔ ti kasara tun!

Isikiyɛli 18:13

A ye mɔgɛnu dɔndɔla a tɔnɔ-koe le la. Wo mɔgɔ-sufa si to a niyi la, wa? Ade. Wo ti to a niyi la bawo a ya n gboyana-koe gbansan le ladan, ado a tɔgɔ si to a nyɛrɛ la.

Saraka-Masɔlɛnuta Tɔnnu 20:9

“Ni min tora a fa anubɛ a na lafɛyala, Mari ko wo ni wo tigi faga. A tigi tɔgɛ si to a nyɛrɛ la, yɔ!

Yɔni 18:1

Yisa banta madiyalɛ kɛ kɛla tumɛ min, anubɛ ala karan-dannu tara ka Kidirɔn yi tɛgɛ. Ki-fannu bi kan tinɛ wo rɔ. Yisa anubɛ ala karan-dannu donta ki-fan wonu kɔrɔ.

Yasowa 2:19

Ni mɔgɔ-wo-mɔgɔ ma taran bɔn kɛ la, wo faga-ko-dunɛ si to a nyɛrɛ kuma. Kɔnɔ ni mɔgɔ-wo-mɔgɔ taranta bɔn kɛ la, ma si wo lakisi. Wo ti faga male bolo.