1 Mansɛnu 2:35 - ALLALA KUMƐ

³⁵ Mansa Silamɛni ya Bɛnaya sigi kɛlɛ-dannu kun na Yohabu gbɛ rɔ. A ya Saraka-Masɔla Sedoki yabɔ ka a sigi Abiyatari gbɛ rɔ.

1 Mansɛnu 2:35 ပူးပေါင်းရင်းမြစ်များ

1 Mansɛnu 1:26

Kɔnɔ mansɛ, anu ma nde kele, anu ma Saraka-Masɔla Sedoki kele, anu ma Yɛhoyadala den Bɛnaya kele, anu ma ila den Silamɛni fanan kele.

1 Mansɛnu 1:33

mansɛ ya a fɔ anu ye ko, “Wobɛ n makandannɛnu ni nna den Silamɛni bi ka a sigi n nyɛrɛta sofɛlɛ la. Wo ni ta a la Kiyɔn tenke dafɛ.

1 Mansɛnu 1:38

Wo kɔma, Saraka-Masɔla Sedoki wo, Nɛbi Netan wo, Bɛnaya wo, anubɛ mansɛ makandannɛnu, wonu tara Silamɛni bi ka a sigi Mansa Dawudata sofɛlɛ la. Anu tara a la Kiyɔn tenke dafɛ.

1 Mansɛnu 2:27

Woletɔ Mansa Silamɛni ya Abiyatari labɔ saraka-masɔ-wɔlɛ rɔ ka Mari Allala kumɛ wo ni bɔ-a-la a ya min fɔ Saraka-Masɔla Ilai bɔnsɔnla ko la Sailo soe burɔ.

1 Mansɛnu 4:4

Yɛhoyadala den Bɛnaya, wo ye kɛlɛ-dannu kun na. Sedoki anubɛ Abiyatari le saraka-masɔ-wɔlɛ la.

1 Ko-Kɔrɔta-Karan 15:11

Wo kɔma, Mansa Dawuda ya saraka-masɔla filɛ Sedoki anubɛ Abiyatari kele anubɛ Lifayi mɔgɔ wɔrɔ, Yuriyɛli wo, Asaya wo, Yowɛli wo, Sɛmaya wo, Iliyɛli wo, anubɛ Aminadabu.

1 Ko-Kɔrɔta-Karan 24:3

Mansa Dawuda ya wɔlɛ tala Aruna kegeyɛnu na iko a bɛnta, anu ni wɔli nya min Bato-Bɔn la. Sedoki min bɔra Ɛliyasa kegeyɛ rɔ anubɛ Ahimɛlɛki min bɔra Itamarayi kegeyɛ rɔ, wonu denu ya Mansa Dawuda dɛnbɛ wɔlɛ talala saraka-masɔlɛnu na.

1 Ko-Kɔrɔta-Karan 27:5

Anu ya kurugba sawa nyɔgɛ min sigi, wo le Saraka-Masɔla Yɛhoyadala den Bɛnaya la.

1 Ko-Kɔrɔta-Karan 29:22

Anu bi fen dɔnla wulɔn tele rɔ, anu sewara ka fen-dɔn-kɛ Mari yala. Anu ya Silamɛnina mansayɛ lawasa Mari tɔgɛ rɔ, ado kɛ le mara a fila nyɔgɛ la. Wo kɔma, anu ya Sedokila saraka-masɔ-wɔlɛ lawasa ka dantɛgɛ-tuli kɛ anubɛ mansɛ salɛ rɔ.

Ɛsira 7:2

Helikaya wo fa tɔgɛ le Salumu. Salumu fa tɔgɛ le Sedoki. Sedoki wo fa tɔgɛ le Ahituba.

Yobu 34:24

Alla si kun-tiginu bɔ anu sɔ tinɛ rɔ hali a ma mɔgɔ manyinika. A si dogbɛrɛnu sigi anu gbɛ rɔ.

Yaburi 109:8

Alamɛ a siyi-fɛ wuruyara kudɛ! Alamɛ mɔgɔ-gbɛrɛ ya a gbɛ bi.

Isikiyɛli 40:46

A ko bon-nɛ min yɛ lamununnɛ kantɔɛ la, wo ye saraka-masɔlɛnu denuna ko la minnu bi saraka-mintan-wɔli kɛla. Saraka-masɔlɛ kɛ bɛɛ bɔra Sedoki kebilɛ le tɔ. Anu denu denu dɔrɔn bi Lifayi kebilɛ rɔ minnu bɛnnɛ ka sɔ Mari yakɔrɔ wɔli-kɛ-tinɛ.

Isikiyɛli 43:19

Lifayi saraka-masɔlɛ minnu bɔra Sedoki kebilɛ rɔ, wonu denu dɔrɔn si na n yakɔrɔ ka nta wɔlɛ kɛ. Nde, Isirɛla Tigi Mari kan le kɛ la. Ile si tura-bulan di anu ma ka wo ma hakɛ-sarakɛ la.

Kɛwɔlɛnu 1:20

Pita ko fanan, “Kɛ sɛbɛnɛ Yudasila ko la Yaburi kitabu rɔ ko, ‘Alamɛ ala bɔn rakolonyara filili! Mɔgɔ-wo-mɔgɔ kana sigi ala bɔn la.’ A sɛbɛnɛ fanan ko, ‘Alamɛ mɔgɔ-gbɛrɛ ya a gbɛ bi wɔli-kɛ-tinɛ.’

1 Samuwɛli 2:35

Mari ko a si ata saraka-masɔlɛ yabɔ min latelennɛ a ye. Wo si to a sako kɛla iko a ye nyinina a ma nya min. A ko a si to wo bɔnsɔn siyayala. Wonu si to ata wɔli kɛla ata mansa-yabɔnɛta wati rɔ.