1 Mansɛnu 2:32 - ALLALA KUMƐ

³² Mari si dunɛ wo sigi Yohabu kuma bawo a ya mɔgɔ-telenni fila faga, Nɛrila den Abina anubɛ Yɛtala den Amasa, kɔni. (Isirɛla mɔgɛnuna kɛlɛ-den-kunyɛ le Abina kɛ la nun. Yudala mɔgɛnuna kɛlɛ-den-kunyɛ le Amasa kɛ la nun.) N fa ma ko lɔn kɛnu faga-koe rɔ, ado mɔgɔ filɛ kɛnu fisa Yohabu ko.

1 Mansɛnu 2:32 ပူးပေါင်းရင်းမြစ်များ

Ko-Dabirɛnu 4:11

Ile min bara i dɔgɛ faga, i si dankɛ sɔrɔn ka tenbi dugi wo la min bara a dɛ laka ka i dɔgɛ yele lakunu i bolo, ado i ti tɔnɔ sɔrɔn dugi rɔ tun.

Ko-Dabirɛnu 42:22

Anu kɔrɔ sarɛ Rubɛn ko, “N ma a fɔ wo ye nun ko ma kana ko-yogoma ma a la? Kɔnɔ wo ma wo tole masɔ n na. Kaka, male fanan bi nala matɛ sɔrɔnna ka a tɛgɛ ma dɔgɔ-kei wo faga-koe ma.”

Ko-Dabirɛnu 9:6

Bawo nde, Alla ya mɔgɛ dan n nyɛrɛla muninyɛ le tɔ, woletɔ ni min ya a ta-nyɔgɛ niyi bɔ, mɔgɛ do si wo fanan niyi bɔ.

2 Samuwɛli 1:16

ado Dawuda ara a fɔ ale Amalɛki wo ye nun ko, “I nyɛrɛ le ya i nyɛrɛ faga bawo i ya a fɔ kuma rakaran tinɛ i ko, ile le nyɛrɛ-nyɛrɛ ya Marita mansa-yabɔnɛ wo faga.”

2 Samuwɛli 17:25

Abasalɔm ya Amasa ma ata kɛlɛ-den-kun-tigi la Yohabu gbɛ rɔ. (Amasa wo fa tɔgɛ le Yɛta. Sumanyila bɔnsɔn-mɔgɛ do le ale Yɛta la. Yɛta wo ya Nɛhasila dunmusi Abigɛli furu. Abigɛli wo kɔrɔ musi le Sɛruwa la, Yohabu na, kɔni.)

2 Samuwɛli 3:29

Alamɛ Yohabu anubɛ ala denbayɛ ya tɔrɔyɛ kɛ sɔrɔn ka a tɛgɛ Abina faga-koe kɛ ma. Alamɛ anu ya tɔrɔya-su kɛnu sɔrɔn, kɔrɔsini-gbɛ wo, fɛrɛma-kirayɛ wo, ni wo ma, anu ni to wurundi-kɛ-wɔlɛ kɛla iko musu-kɔrɔnɛ, ni wo ma, anu kunyɛ ni to kɛlɛ rɔ, ni wo ma, anu ni faga kɔnkɛ bolo. Tɔrɔya-su kelen-kelan kɛnu ni a bɔnsɔn bɛɛsi tɔrɔ kelen-kelenyɛ ma.”

2 Samuwɛli 3:37

Wo le ya a ma, Dawudata mɔgɛnu wo, Isirɛla mɔgɛnu wo, wonu dama ya a lɔn ko Dawuda ma ko lɔn Abina faga-koe kɛ rɔ.

2 Samuwɛli 3:39

Hali Alla ara nde yabɔ ka ma wola mansɛ la, n yigi tɛgɛnɛ le kɛ la bi. Sɛruwala den-kei kɛnu, anu nyɛɛnɛ n kɔgɔ la kɔnɔ alamɛ Mari ya anu tɔrɔ iko a bɛnnɛ ka anu tɔrɔ nya min.”

2 Samuwɛli 4:11

Wole min bara kɛ faga, a ma ko tinya, kumana sa wole ma. A ye kinɔgɛ le tɔ a halala bɔn la, wo tara a kunyɛ tɛgɛ a la. Wo ye wo gbɛ min tɔ wo la, n si a tayili sara wo la ka wo ban dugu-kole kɛ kuma.”

1 Mansɛnu 2:44

Mansɛ ya a fɔ Simayi ye tun ko, “Ile nyɛrɛ ya a lɔn i ya ko-yogomɛ min ma n fa la. Wola ko la Mari Alla si ila ko-yogomɛ wo sara i la.

1 Mansɛnu 2:5

“Sɛruya Yohabu ara min ma n na, i ni i yili to wo ko. A ya nna kɛlɛ-den-kun fila faga yisi-kima-wati le tɔ, Nɛrila den Abina anubɛ Yɛtala den Amasa, kɔni. Wonu bara mɔgɔ-fagɛ kɛ nun kɛlɛ rɔ kɔnɔ ale Yohabu ya a tayili sara anu na wola ko la ka anu denu faga yisi-kima-wati le tɔ. A ara mɔgɔ filɛ minnu faga kɛ la, wonu ma ko tinya. Kaka, wonu dunɛ ara to nde kuma. N yisi tɔrɔnɛ wola ko la.

1 Mansɛnu 8:32

E, Mari, i ni i wɔlɔ matɔlɔ san-kole rɔ ka ko sufa wo kiti tɛgɛ. I ni mɔgɔ-yilikinɛ tɔrɔ iko ala hakɛ ye nya min ka tonya-tigi wo yo sa iko ata yoe ye nya min.

2 Ko-Kɔrɔta-Karan 21:13

Kɔnɔ i ya Isirɛla mansɛnu sɔn bi ka sɔ Yerusalɛm kɛnu anubɛ Yuda kɛnu yarɔ telenbɛliyɛ rɔ Mari yala iko Mansɛ Ehabu ya a ma nya min Isirɛla nyamanɛ rɔ. I ya i dɔgɛnu faga nun, ado wonu tenbira i la.

2 Ko-Kɔrɔta-Karan 21:14

Ka a tɛgɛ i sɔn wola ko ma, Mari si ila mɔgɛnu tɔrɔ anubɛ ila dannu anubɛ ila musinu. A si i bolo-fan bɛɛ tinya pɔ!

Ɛsita 1:19

Mansɛ, ni i si sɔn, musi kɛ to a nyɛrɛ ma. I ni a ma, anu ni Fasati wara-koe sɛbɛ Pasiya kɛnu ani Midiya kɛnuna tɔn-buku rɔ ka a fɔ ko a ye a nyɛrɛ ma le gbɛ! Ni wo sɛbɛnɛ de, a ti yɛlɛma muk! Wo kɔma, i ni ata sɔ tinɛ wo bi a bolo ka a di musu-gbɛrɛkɛ ma.

Yaburi 7:16

Anu bi tɔrɔyɛ min saganna anu ta-nyɔgɛnu tɔgɔ rɔ, wo ye sigila anu nyɛrɛ le ma. Anuta karagbɛlɛyɛ wo ye yigila anu denu denu kun-kole ma.

Yaburi 7:17

N si baraka bira ile Mari ye ka a tɛgɛ ila telenbagayɛla ko ma. Ile Mari min bi fan bɛɛ kun na, n bi matɔgɔ-bɛti bɔla ile ye.

Isikiyɛli 17:19

“Wo le ya a ma, nde, wo Tigi Mari Alla ko n bara n keli n nyɛrɛ rɔ ko n si a tɔrɔ ka a tɛgɛ sarama-kan-tinyɛ wo ma, a ya min kiri n tɔgɔ rɔ.

Yilan-Yilan Koe 32:23

N bi wo makawandila, ni wo ya lanyiri kɛ tinya, wo ara hakɛ kɛ Mari la worɔ. Wo la a la serr, ko wo hakɛ-yulumu si wo bira gben!

Kɛlɛ-Kurugbɛnu 9:57

Alla ya a ma, Sɛkɛm mɔgɛnu ya tɔrɔyɛ sɔrɔn anuna wunduyogoyɛla ko la iko Kidiyɔnla den Yɔtam ya anu danka nya min.

1 Samuwɛli 15:28

Wo manɛ, Samuwɛli ya a fɔ a ye ko, “Mari fanan bara Isirɛla mɔgɛnuna mansayɛ rafara i ma bi wo nya na. A si a di mɔgɛ do ma min tenbira ile la.