1 Mansɛnu 2:3 - ALLALA KUMƐ

³ Ita Mari Alla ya tɔn minnu di Nɛbi Musa ma, i ni wonubɛ ata kumɛ bɛɛsi bira, woletɔ i wara-koe si sabati.

1 Mansɛnu 2:3 ပူးပေါင်းရင်းမြစ်များ

2 Samuwɛli 8:14

Wo kɔma, a ya ala kɛlɛ-dannu daga makɛ tinɛnu nadan nyɔ rɔ. Nyamanɛ wo fanan tora a kɔrɔ. Mari ya a ma, Mansa Dawuda ya nɔ-ko sɔrɔn kan tinɛ bɛɛ rɔ.

2 Samuwɛli 8:6

Wo kɔma, Mansa Dawuda ya ala kɛlɛ-dannu daga makɛ tinɛnu nadan Siriya wonuna nyamanɛ rɔ. Siriyanu fanan tora ale kɔrɔ ka to duti dila a ma. Mari ya a ma, Mansa Dawuda ya nɔ-ko sɔrɔn kan tinɛ bɛɛ rɔ.

1 Mansɛnu 3:3

Mari keninɛ Mansa Silamɛni bolo ka a fa Dawuda kin-gbɛ bi. Kɔnɔ Mansa Silamɛni ma sɔn sarakɛnu bɔla kan-tina-kelen tɔ fɔ kan-tina-siyaman.

2 Mansɛnu 18:7

Mari tora a fɛ. Mansa Hɛsakaya ya koe min bɛɛsi ma, wonu ya a munanfaga. Ale ma sɔn donna Asiriya mansɛta tɔnnu kɔrɔ fɔ a murutiyɛ min kɛra a ma. A sɔra a ye iko tele.

1 Ko-Kɔrɔta-Karan 29:19

Mari, i ni yili-latɛgɛ di nna den Silamɛni ma. Wo si a ma, a ni ita kumɛ bira, ado n bara miran min bɛɛsi ladɛn Bato-Bɔn sɔ-koe rɔ, a si wonu bi ka bɔn sɔ i ye.”

Yaburi 119:111

N halalɛ le ila tɔnnu na tolon! N ni-radiya-fan le anu denu na.

Yaburi 119:138

Lafisayali sa ila sereyanu tɔ, ado a bɛɛ latelennɛ.

Yaburi 119:2

Duwa-dan le wo tigi la min bi bilala Marita sereyanu fɛ anubɛ min bi ale nyinina a yisi bɛɛ la.

Yaburi 19:7

Fɛɛ sa Marita karan la. A si sɛnbɛ-kurɛ di ma ma. Mari wa koe minnu ma-koe fɔ ma ye, sika ti ma bira wonu ma-tinɛ. Ni min bi nyinina hɛnkili ma, Tɔn-birɛ si wo di a ma.

Makawandili Kumɛnu 12:13

N bara ban kɛ bɛɛ fɔla nkɛkuna, kuma kelen de tonɛ n bolo gbɛ! I ni kilan Alla la ka to ala tɔnnu birala bawo Alla ya ma ladan wo lela ko la.

Saraka-Masɔlɛnuta Tɔnnu 8:35

Wo ni to siginɛ tenbi-bolon-dɛ la su-ke banda-ka ha tele wɔrɔnfilɛ da si fa. Ni wo ya wo tinya, wo si faga. Wo le kɛ la Mari ya min fɔ n ye ka a gbɛlɛya gben!”

Malakayi 4:4

A ya tɔn min di ala wɔli-kɛla Musa ma Sinayi kɔnkɛ kuma, a ko wo ni wo miri wonu denu ma. A ya wo don a bolo alako Isirɛla mɔgɛ bɛɛ ni ala tɔn wonu bira.

Tɔn-Fɔɛ-Fila-Nyɔgɛ 29:8

Ma ya anuna nyamanɛ bi anu bolo ka a ratala bɔnsɔn filɛ anubɛ bɔnsɔn-talɛ tɛma, Rubɛn bɔnsɔn wo, Kadi bɔnsɔn wo, anubɛ Manasa bɔnsɔn tɔnkɔn kelan tɛma.

Tɔn-Fɔɛ-Fila-Nyɔgɛ 29:9

“Wo si tɔn bɛɛ bira lanyiri kɛ rɔ, woletɔ koe bɛɛ si ta a kilɛ fɛ wo bolo.

Tɔn-Fɔɛ-Fila-Nyɔgɛ 4:1

Musa ya a fɔ Isirɛla mɔgɛnu ye tun ko, “Wo ni wo tole masɔ! N bi nala tɔn min bɛɛsi fɔla wo ye kɛ la, wo ni anu bira gben! Ni wo ya wo ma, wo benbanuta Mari Alla ye nala nyamanɛ min dila wo ma, wo si simayɛ sɔrɔn ka sigi yisi-kimɛ rɔ nyɔ rɔ kaka!

Tɔn-Fɔɛ-Fila-Nyɔgɛ 4:45

anu bɔɛ Iyipiti nyamanɛ rɔ. A ye a karanna anu ye tumɛ min, wo ya a taran, anu bi Yorodan bɛ dafɛ Bɛti-Piyɔri soe da kɔrɔ. Dugi kan tinɛ wo ye Amora Mansa Saihɔn le bolo nun. Wo siginɛ Hɛsibɔn soe burɔ nun.

Tɔn-Fɔɛ-Fila-Nyɔgɛ 4:5

“N bara ban wo karanna nta Mari Allata tɔnnu na, a ya min fɔ n ye nun. Wo wa ta nyamanɛ wo mɔgɛnu kɛlɛ tumɛ min ka wo sigi nyɔ, wo ni tɔn kɛnu bira.

Tɔn-Fɔɛ-Fila-Nyɔgɛ 4:8

Hali sibolo-gbɛrɛkɛ-mɔgɛnu siyayara ka tenbi ma la kɔnɔ tɔn sa anu bolo minnu natelennɛ iko n bara wo karan min na kɛ la bi.

Tɔn-Fɔɛ-Fila-Nyɔgɛ 5:1

Musa ya Isirɛla mɔgɛnu nadɛn anu nyɔgɔn fɛ ka a fɔ anu ye ko, “Wole Isirɛla mɔgɛnu, n bi nala tɔn minnu karanna wo ye bi, wo ni wo tole masɔ wonu na. Wo si anu karan a kila-bɛrɛbɛrɛ fɛ. Wo ni la anu na serr, ka anu bira gben!

Yasowa 22:5

Wo ni Marila tɔn bɛɛsi bira ka lanayɛ kɛ a ye ka a bato wo yisi bɛɛ la iko Nɛbi Musa ya a fɔ wo ye nya min. Wo ni wola Mari Alla keni wo yisi bɛɛ la.”

Yasowa 23:6

“Wo ni a ma wo fɛrɛma ka tɔn wo bɛɛsi bira min sɛbɛnɛ Musata tɔn-kitabu rɔ. Wo kana wo bɔ tɔn kɛnu fɛ hali!

1 Samuwɛli 18:14

A ya kɛlɛ min bɛɛsi kɛ, a ya nɔ-ko sɔrɔn bawo Mari ye a fɛ.

1 Samuwɛli 18:30

Dawuda anubɛ Filisitinu ya kɛlɛ min bɛɛsi kɛ, Dawuda ya nɔ-ko sɔrɔn Filisitinu ma ka tenbi Mansa Sɔlila kɛlɛ-den-kun-tigi doinu na. Woletɔ Dawuda tɔgɛ bɔra bɛrɛkɛ!

1 Samuwɛli 18:5

Mansa Sɔli ya Dawuda sɔ ko-wo-ko la, a si wo ma a kilɛ fɛ. Woletɔ Mansa Sɔli ya kun-tigiyɛ di a ma kɛlɛ-dannu tɛma. Ala kun-tigiya-sɔrɔn wo diyara Mansa Sɔlila kɛlɛ-dannubɛ ala mɔgɔ-banu ye.