1 Mansɛnu 2:23 - ALLALA KUMƐ

²³ Wo le ya a ma, Mansa Silamɛni ya a keli Mari Alla rɔ ko, “Ni n ma Adonaya faga nyinikalɛ kɛla ko la, alamɛ Mari ya n gbesi a rɔ.

1 Mansɛnu 2:23 ပူးပေါင်းရင်းမြစ်များ

2 Samuwɛli 19:13

Mansa Dawuda ya a fɔ anu ye tun ko anu ni a fɔ Amasa ye ko, “N na-kelen-nyɔgɔ-bɛrɛbɛrɛ le ale la. Woletɔ ka a dabira bi ma, n bara ale ma nna kɛlɛ-den-kunyɛ la Yohabu gbɛ rɔ. Ni n ma a ma wo nya, alamɛ Mari ya n gbesi a rɔ.”

2 Samuwɛli 3:35

Telen-gbɛn, mɔgɛnu bi Dawuda madiyala fen-dɔn-koe rɔ kɔnɔ ale Dawuda ko, “Ni n ya dɔn-fan bila n dɛ rɔ bi, alamɛ Alla ya n gbesi a rɔ. N ni faga.”

2 Samuwɛli 3:9

Mari le ya lanyiri kɛ kiri ko fɔ a wa mansayɛ bi i fala bɔn la ka a di Dawuda ma. A ko a si nyamani filɛ kɛ tonko nanɛ don a bolo, Isirɛla anubɛ Yuda, kɔni. Ni wo ma ma n bolo tonyɛ la, alamɛ Alla ya n gbesi a rɔ.”

1 Mansɛnu 19:2

Yɛsɛbɛli wo ya a sara Nɛbi Ilaya wara ka a fɔ a ye ko, “Kɛ nyɔgɔn tumɛ sina, ni n ti a ma i la iko i wara a ma nna nɛbinu na nya min, alamɛ nna bɛsɛnu ya n gbesi a rɔ.”

1 Mansɛnu 20:10

Mansɛ wo ya kilaya-gbɛrɛkɛ don anu bolo tun. Kilayɛ wonu ke Isirɛla mɔgɛnuna Mansa Ehabu ma, anu ya a fɔ a ye ko, “Mansa Bɛnhedadi ko ni a ti na kɛlɛ-den-siyamɛnu na ka ila soe kɛ bunden, a ko alamɛ ala bɛsɛnu ya a gbesi a rɔ, ado a ko hali ila soe kɛ gbangban ti anu bolo tabɔ.”

2 Mansɛnu 6:31

Ale mansɛ ya a fɔ ko, “Ni Safatila den Nɛbi Ilaisa kɛ kunyɛ ma tɛgɛ a la bi, alamɛ Mari ya n faga.”

Yaburi 140:9

I kana sɔn, n yogenu ni nɔ-ko sɔrɔn n ma. Anu bi n tagbɛran min kɛla, a ma, wo ni sɛgi anu denu kɔgɔ rɔ.

Yaburi 64:8

A si anu kasara ka a tɛgɛ anu darɔ-kan ma. Min ba anu yen, wo si a bole sa a dɛ la.

Hɛnkilimaya-Kumɛnu 20:2

Mansa-diminyanɛ si ma iko yarɛ tenbi bɔrɔndɔ-bɔrɔndɔla. Mɔgɛ min bi mansɛ ladiminyala, wo tigi ara a niyi fili a rɔ.

Makawandili Kumɛnu 10:12

Hɛnkilimɛta-kumɛ si a ma, a ni gbiliyɛ sɔrɔn kɔnɔ kun-takolɔnta-kumɛ si nanparan lana a nyɛrɛ ma.

Luka 19:22

A tigi ya a fɔ wo ye ko, ‘Ile, wɔli-kɛla-yogomɛ! N si i yiliki i nyɛrɛla kumɛ fɛ! I ya a lɔn ko nna ko ragbɛlɛ, nyɛ? Nta ma min na, n bi wo le tɛgɛla, ado nde ma wo ki, nyɛ?

Ruti 1:17

I wa faga kan min, nde fanan si faga nyɔ. Anu si n togon nyɔ le. Ni nde, Ruti ma to i fɛ, alamɛ Mari ya n tɔrɔya-yogomɛ-kɛ. Fɔ sayɛ, wo le si ma fara.”

1 Samuwɛli 14:44

Mansa Sɔli ya a fɔ ko, “Yonatan, ni ile ma faga, alamɛ Alla ya n tɔrɔ.”