1 Mansɛnu 2:22 - ALLALA KUMƐ

²² Mansa Silamɛni ya a fɔ a na ye ko, “Nfenna i ye Abisagi manyinikala Adonayala ko la? Ni a sɔgɛ ye i la, n ni Abisagi di Adonaya ma, a fisa, i ni mansayɛ fanan manyinika ala ko la kamasɔrɔn n kɔrɔ-kina le ale la. Ile ma a lɔn ko ala fasalɛ le Saraka-Masɔla Abiyatari anubɛ Yohabu la minnu sa nta mansayɛ rɔ?”

1 Mansɛnu 2:22 ပူးပေါင်းရင်းမြစ်များ

2 Samuwɛli 12:8

Wo kɔma, a ko a ya Mansa Sɔlila musinu anubɛ ala nyamanɛ di i ma. A ko ale le ya i ma mansɛ la Isirɛla anubɛ Yuda nyamanɛ fanan kun na. A ko ni wo ma i wasa, a si wonu nyɔgɔn fila di i ma nun.

2 Samuwɛli 16:21

Ahitafɛli ya a fɔ a ye ko, “Ta i sa i fa fɛ-sigi-musinu fɛ, a ya ala bolɔn to minnu bolo, kɔni. I wa wo ma tumɛ min, Isirɛla mɔgɛ damasi si a lɔn wo rɔ ko diyanaya ti taran wobɛ i fa tɛma tun, ado wo si a ma, ila mɔgɛnu ni kerinteya.”

1 Mansɛnu 1:11

Nba, Nɛbi Netan tara a fɔ Silamɛni na Batasiba ye ko, “N na Batasiba, ile ma a lamɔɛn wa, ko Hagiti-Adonaya ara a nyɛrɛ ma mansɛ la kaka? Ma tigi Dawuda ma ko lɔn wo rɔ bɛ mumɛ!

1 Mansɛnu 2:15

Adonaya ya a fɔ a ye ko, “I ya a lɔn ko mansayɛ kɛ, ntɛ le nun. I ya a lɔn fanan ko Isirɛla mɔgɛnu sɔnta nta mansayɛ ma nun. Hali wo, anu bara a yɛlɛma ka a ma n dɔgɔtɛ la kamasɔrɔn Mari sɔnta wo le ma.

1 Ko-Kɔrɔta-Karan 3:2

Ala den-kei sawa nyɔgɛ tɔgɛ le Abasalɔm. Wo na tɔgɛ le Meyaka. Kesa Mansa Talamayila dan le Meyaka kɛ la. Ala den-kei nani nyɔgɛ le Adonaya. Wo na tɔgɛ le Hagiti.

1 Ko-Kɔrɔta-Karan 3:5

A ya den-kei-siyaman sɔrɔn nyɔ fanan. Amiyɛlila den Batasiba ya den-kei mɔgɔ nani sɔrɔn Mansa Dawuda ye. Dan wonu tɔgɛ le kɛnu na, Simɛya wo, Sobabu wo, Netan wo, anubɛ Silamɛni.

Matiyu 20:22

Yisa ya a fɔ anubɛ ala dannu ye ko, “I ye n tarala min ma, i ma wo lɔn. N bi nala tɔrɔyɛ minnu sɔrɔnna, wo si kɛ wo munna wonu kɔrɔ?” Anu ya a yabi ko, “Ɔn, ma si ke le.”

Maraka 10:38

Yisa ya a fɔ anu ye ko, “Wo ye n tarala min ma, wo ma wo lɔn. N bi nala tɔrɔyɛ minnu sɔrɔnna, wo si kɛ wo munna wonu kɔrɔ, wa? Anu bi n batasila tɔrɔyɛ min tɔ, wo si ke batasila wo nya na?”

Yemesi 4:3

ado wo wa Alla tara, wo ti a sɔrɔn bawo wo sɔndɔmɛ lafinnɛ. Wo ye fan tarala wo nyɛrɛ diyana-koenu kɛ-koe le la dɔrɔn.