1 Mansɛnu 2:1 - ALLALA KUMƐ

¹ Mansa Dawuda saya-wati gbɛrɛnta tumɛ min, a ya a fɔ ala den Mansa Silamɛni ye ko,

1 Mansɛnu 2:1 ပူးပေါင်းရင်းမြစ်များ

Ko-Dabirɛnu 47:29

Yanni a ni faga tumɛ min, a ya ala den Yusufu kele ka a fɔ a ye ko, “I ni i bole ladon n woro filɛ tɛma ka i keli n ye ko n ba faga tumɛ min, ni i si n togon Iyipiti nyamanɛ kɛ rɔ yan.

2 Samuwɛli 7:12

Ale Dawuda wa faga tumɛ min, anu ba ban a togonna, n si a ma, ala dan do ni to a gbɛ rɔ min si ala nyamanɛ to fanka rɔ.

1 Mansɛnu 1:53

Mansa Silamɛni ya mɔgɛnu sɔ Marita Fani-Bɔn la Adonaya bi tinɛ. Anu nara a la tumɛ min, a ya a sa dugu ma Mansa Silamɛni kin kɔrɔ ka a madiya. Silamɛni ya a bole sa a kuma ka a fɔ a ye ko, “Ta ila bɔn la.”

1 Ko-Kɔrɔta-Karan 22:6

Mansa Dawuda ya ala den Silamɛni kele alako a ni Isirɛlata Mari Alla Bato-Bɔn sɔ-koe fɔ a ye.

Tɔn-Fɔɛ-Fila-Nyɔgɛ 3:28

Mari ko Yasowa min bi nala sigila n gbɛ rɔ, a si na min ma, n ni wo fɔ ale ye. N ni a makawandi ka a sɛnbɛ don bawo ale le ye tola mɔgɛnu kuma ka ta anu sigi nyamanɛ wo rɔ nde, Musa ya min mafɛlɛn.

Tɔn-Fɔɛ-Fila-Nyɔgɛ 31:14

Mari ya a fɔ Musa ye ko, “A ti mɛ tun ile si so-sɛgi-kɛ. Yasowa kele ka na a la nde, Marita Fani-Bɔn la. N bi nala kumɛ do fɔla a ye ale si min ma.” Musa tara Yasowa kele ka na anu sɔ Marita Fani-Bɔn tenbi-bolɔn la.

Tɔn-Fɔɛ-Fila-Nyɔgɛ 31:23

Wo kɔma, Mari ya a fɔ Nunna den Yasowa ye ko, “I yisi gbɛlɛya ka i kerinteya. Ile le ye mala kun-tigi la ka ta anu na lanyiri-nyamanɛ rɔ. N ti bɔ i fɛ muk!”

Tɔn-Fɔɛ-Fila-Nyɔgɛ 33:1

Allata wɔli-kɛla Musa ya duwa-laban kɛ Isirɛla mɔgɛnu ye yanni a ni faga.

1 Timoti 1:18

Nna den Timoti, i yili ni to wɔlɔyiya-kumɛ wonu ko min fɔra ila ko la kebi fɔlɔ. I tenbi kɛlɛ-nyimɛ kɛla Alla ye, kumɛ wonu ni ma ila kɛlɛ-kɛ-fannu na.

1 Timoti 6:13

N bi Alla rakelela min bi nimayɛ dila fan bɛɛ ma anubɛ Yisa Kirasiti min ya sereya-nyimɛ bɔ Pontiyasi Pailɛti yala. N bi wonu takelela ko anu ni ma n sere la.

2 Timoti 4:1

Yisa Kirasiti wa na ala mansayɛ la tumɛ min, a si mɔgɛ bɛɛ kiti, minnu kɛndɛ wo, minnu faganɛ wo. Ale Yisa anubɛ Alla ye n sere la

2 Timoti 4:6

Kɔnɔ nde, nta tumɛ ara ke. N bara ma iko sarakɛ. N bɔ-tumɛ ara ke duninya rɔ.