1 Mansɛnu 19:21 - ALLALA KUMƐ

²¹ Ilaisa tara ala sara-ninki filɛ wonu faga. Kɔlɔma min kirinɛ wonu kan ma, a ya wo ma soge wo tɛ-sɔgɛ la. A ya ninki-soge wo di mɔgɛnu ma, wonu ya wo dɔn. Wo kɔma, a bilara Nɛbi Ilaya fɛ. Ale mara wola karan dan la.

1 Mansɛnu 19:21 ပူးပေါင်းရင်းမြစ်များ

2 Samuwɛli 24:22

Arɔna ya a fɔ a ye ko, “N tigi, hali i ma fenfen bɔ. Gbere-kole kɛ dama bi. I ma nna sara-ninkinu yen? Wonu ma saraka-mintantɛ la Mari ye. Kɔlɔma minnu si sa sara-ninkinu kan ma anubɛ fui-fen-tatɛn-kɔlɔmanu, i ma wonu fanan yen? Wonu ni ma saraka-mintan-sɔgɛ la.”

1 Mansɛnu 18:43

Nɛbi Ilaya ya a fɔ ala wɔli-kɛlɛ ye ko, “Ta i yɛ masa kɔgɔ-yi wara la.” A tara. Ala wɔli-kɛlɛ wo nara tumɛ min, a ya a fɔ a ye ko, “N ma fenfen yen!” Nɛbi Ilaya ya a sɔ iko wɔrɔnfila.

2 Mansɛnu 2:3

Anu ke Bɛtɛli, nɛbi-karan-dan minnu bi nyɔ, wonu ya Nɛbi Ilaisa manyinika ko, “I ma a lɔn ko Mari si i karan-mɔgɔ bi i bolo bi, wa?” Nɛbi Ilaisa ko, “Ɔn, n ya a lɔn kɔnɔ a sɔgɔ sa n na, n ni n dɛ bila wo rɔ.”

2 Mansɛnu 3:11

Mansa Yɛhosafati ya a fɔ anu ye ko, “Nɛbi sa yan min si Mari manyinika ma ye, wa?” Mansa Yɔramla kɛlɛ-den-kunyɛ do ko, “Safatila den Nɛbi Ilaisa ye yan. Nɛbi Ilayala karan-den le wo la nun.”

Bɔ-Koe-Iyipiti 24:13

Musa anubɛ a gba-fɛ-bilalɛ Yasowa wulita ka yɛlɛ kɔnkɛ kuma.

Kɛwɔlɛnu 13:5

Anu ke Salamisi soe burɔ, anu ya Allala kumɛ fɔ anu ye Yahudiya-dina-bɔnnu na. Yɔni-Maraka tara anu fɛ ka anu dɛnbɛ.

2 Timoti 4:11

Luka kelen pe le ye n fɛ yan. I tenbi nala, i ni na Maraka la i bolo bawo a si ke n dɛnbɛna wɔlɛ la.

Failiman 1:13

N bi a fɛ nun ko n tenbi yele la kibara-nyimɛla ko la, n ni a mara n fɛ yan. Woletɔ a si n dɛnbɛ ile gbɛ rɔ.

1 Samuwɛli 6:14

Ninki-yuwan wonu nara tɔn-kenkirɛ wo la ha kei dola sɛnɛ rɔ ka a sɔ fara-gbu-wɛ do dafɛ. Sɛnɛ-tigi wo tɔgɛ le Yasowa. A sɔrɔnta Bɛti-Simɛsi soe burɔ. Lifayi bɔnsɔn-mɔgɛ donu ya kenkirɛ wonu bi ka anu sigi fara-gbu-wɛ wo kuma. Wo kɔma, anu ya kirindi wo ratɛgɛtɛgɛ ka ninki wonu ma saraka-mintantɛ la Mari ye. Soe wo mɔgɛnu fanan ya saraka-mintantɛnu bɔ anubɛ saraka-gbɛrɛkɛnu Mari ye.