1 Mansɛnu 19:19 - ALLALA KUMƐ

¹⁹ Nɛbi Ilaya bɔra nyɔ. A ya sara-ninki mogan-ni-nani taran wɔlila fila-filanyɛ ma. Kɔnɔ Ilaisa le ye a to filɛ lawɔlila doi wonu kɔma. Nɛbi Ilaya ya ala nɛbiya-duruki bɔ a kan na ka a don Ilaisa kan na.

1 Mansɛnu 19:19 ပူးပေါင်းရင်းမြစ်များ

1 Mansɛnu 19:13

Nɛbi Ilaya ya wɛwɛ-kumɛ wo lamɔɛn min kɛ, a ya ala duruki burun a yɛ la. A bɔra faran la ka a sɔ a dɛ la. A ya manyinikali-kan lamɔɛn, a ko, “Ilaya, ile ye nfen mala yan tɔ?”

1 Mansɛnu 19:16

Wo kɔma, i ni mansaya-tuli kɛ Nimisila den Yehu kunyɛ rɔ alako a ni ma Isirɛla mɔgɛnuna mansɛ la. Wo kɔma, i ni ta tuli kɛ Sefatila den Ilaisa kunyɛ rɔ, Abɛli Mɛhola kɛ, kɔni. Wo si ma nɛbi la ile gbɛ rɔ.

2 Mansɛnu 2:8

Nɛbi Ilaya ya ala duruki bɔ a kan na ka a mini ka a gbesi yi la. Tiriyante wo rɔ, yi farata filɛ la. Anu mɔgɔ filɛ tenbira dugu-gbalanɛ ma.

Bɔ-Koe-Iyipiti 3:1

Wo tumɛ Musa ye a biran-kei, Yɛtirola sagɛnu makandanna, Midiyan saraka-masɔlɛ, kɔni, a tara sagɛ wonu nagbengbenna wulɛ rɔ ha ka ta ke Marita kɔnkɔ-sɛnimɛ ma, Sinayi, kɔni.

Emɔsi 7:14

Woletɔ Nɛbi Emɔsi ya a fɔ Saraka-Masɔla-Kun-Tigi-Wɛ Hamasa ye ko, “Wo nɛbi ma n na min bi nɛbiyɛ kɛla nɔnfulila ko la. Ki-fannu anubɛ kolo-fannu bi n bolo n barɛ.

Emɔsi 7:15

Mari le ya n bɔ wonu kun na ka na n na yan alako n ni wɔlɔyiya-kumɛnu fɔ wole, Isirɛla mɔgɛnu ye.

Sakaraya 13:5

Ado nfan, wo tigi si a fɔ ko nɛbi ma ale la. Sɛni-salɛ le ale la. A si a fɔ ko ale ye sɛni-sɛ le la a siyi-tele-bɛɛ kɔrɔ.

Hiburunu 11:37

Anu ya donu mabon kuri la ha anu fagara. Anu ya donu kundu bɔ sɛrɛ la. Anu ya donu faga faan la. Donuna bolo-kolonyɛ ya a ma, anu bi saga-gbolenu anubɛ baa-gbolenu denu donna ka anu bɛnsɛnkɔninya. Mɔgɛnu ya anu bira boloko-yogomɛ-kɛ.

Kɛlɛ-Kurugbɛnu 6:11

Abiyɛsa kebila-mɔgɛ do ye Ɔfara soe burɔ. Wo tɔgɛ Yohasi. Wola den Kidiyɔn ye ala fui-fan tɛnna kan-tina-dogonnɛ do rɔ, anu si nɔnbɔ-gbɔɛnu burun kan min. A dogonnɛ nyɔ alako Midiyan kɛnu kana na a yen. Mari tara Ɔfara soe burɔ melikala muninyɛ rɔ ka a mayigi Yohasi wola kɔlɔma-kuri-latankanɛ do kɔrɔ.

1 Samuwɛli 11:5

Wo ya a taran, Mansa Sɔli anubɛ ala sara-ninkinu bi nala ka bɔ sɛnɛ rɔ. A ya nyinikalɛ sa, a ko, “Nfenna mɔgɛnu bi dila?” Anu ya kilayɛ wo lakɛ ale fanan ma.

1 Samuwɛli 28:14

Mansa Sɔli ya a manyinika, a ko, “A manɛ kama?” Musi ya a fɔ a ye ko, “A kɛmɔgɔla munɛ le. Duruku-ba-wɛ donnɛ a kan na.” Mansa Sɔli ya a lɔn tumɛ min ko Samuwɛli le wo la, a ya a laburun a ma.