1 Mansɛnu 19:18 - ALLALA KUMƐ

¹⁸ Kɔnɔ hali wo, n si mɔgɔ waga wɔrɔnfila to a niyi la Isirɛla nyamanɛ rɔ bawo wonu denu telennɛ n ye. Anu ma anu madu Beyali kɔrɔ. Anu ma a sunbu.”

1 Mansɛnu 19:18 ပူးပေါင်းရင်းမြစ်များ

Yobu 31:27

Ha bi, n ma kilɛ boloka ka anu gbiliya dogɔn rɔ. N ma ko-wo-ko ma n nyɛrɛ la anu bato tinɛ.

Yaburi 2:12

Wo yɛrɛyɛrɛnmatoe ni wo madu a kɔrɔ. Ni wo ma, a fonde si bɔ. Wo si firan dugu-kole kɛ kuma feu! Mɔgɔ-sewanɛ le wo tigi la min bi tala Mari wara kanan-koe rɔ.

Bɔ-Koe-Iyipiti 20:5

wo si wo nyɛnkin min kɔrɔ ka a kɔ. Nde le wota Mari Alla la min sa nyinina a senɛ ma. Ni nde, Mari sɔgɔ labɔra mɔgɛ minnu na ka bɛsɛ kɔ, n si wonu tɔrɔ, hali anuna dannu anubɛ anuna mamanɛnu ha ka ta a sigi anu tolo-birɛnu na.

Aiseya 1:9

Ni Mari Sɛnbɛ-Bɛɛ-Tigi ma mɔgɛ donu to anu kɛndɛ la nun, fɔ Yerusalɛm soe wa kasara nun pɔ! A ni ma iko Sɔdɔm anubɛ Kɔmɔra soenu mara nya min nun.

Aiseya 49:23

A ko mansɛnu si ma iko i fanu. Mansɛnuna musinu si ma iko i nanu. Anu si anu maburun i kɔrɔ ka i gbiliya. Anu si ila sanbarɛ bɔ i kian rɔ i gbiliya tinɛ. A ko kɛnu ba ma tumɛ min, i ni na to Mari lɔnna ita Mari la. Mɔgɔ-wo-mɔgɔ wa ala dɛnbɛnɛ Mari makɔni, wo tigi ti baya.

Daniyɛli 3:18

Min tenbira wo la, hali a ma ma latanka wo ma, ma ye a rɔ le mansɛ ni a lɔn ko male ti ila bɛsɛ kɛ matɔgɔ ka ma madu ila bɛsi-toenu kɔrɔ.”

Hoseya 13:2

Hali wo, anu tora wodi-gbɛ laleela ka anu ma bɛsɛ la. Hadama-den-hɛnkili le ya wodi-gbɛ kɛ lalee, ado hadama-dan le ya a ladan. Anu ban a ladanna, anu ko, “Wo ni sarakɛ bɔ a ye de!” Min tenbira wo la, fan min nadannɛ turɛla muninyɛ la dɔrɔn, mɔgɛnu bi wonu sunbula tagbayi!

Filipai 2:10

Woletɔ min bɛɛ ye san-kole rɔ anubɛ dugu-kole kuma anubɛ minnu bi dugu-kole kɔrɔ, wonu si anu nyɛnkin Yisa kɔrɔ ka a gbiliya.