1 Mansɛnu 19:16 - ALLALA KUMƐ

¹⁶ Wo kɔma, i ni mansaya-tuli kɛ Nimisila den Yehu kunyɛ rɔ alako a ni ma Isirɛla mɔgɛnuna mansɛ la. Wo kɔma, i ni ta tuli kɛ Sefatila den Ilaisa kunyɛ rɔ, Abɛli Mɛhola kɛ, kɔni. Wo si ma nɛbi la ile gbɛ rɔ.

1 Mansɛnu 19:16 ပူးပေါင်းရင်းမြစ်များ

2 Samuwɛli 21:8

Kei min tɔgɛ Aya, wola dunmusi Risipa ya den-kei fila le sɔrɔn Mansa Sɔli ma. Den kei filɛ wonu tɔgɛ le Arimoni anubɛ Mɛfibasɛti. Mansa Sɔlila dunmusi Mɛrabu ya den-kei mɔgɔ loli sɔrɔn Basilayila den Ediriyɛli ye, Mɛhola kɛ, kɔni.

1 Mansɛnu 1:34

Wo wa ke nyɔ tumɛ min, Saraka-Masɔla Sedoki anubɛ Nɛbi Netan ni dantɛgɛ-tuli kɛ Silamɛni kunyɛ rɔ ka a ma mansɛ la Isirɛla mɔgɛnu kun na. Wo ni buri fɛ ka a fɔ ko, ‘Alamɛ Mansa Silamɛni mɛra!’

1 Mansɛnu 4:12

Ahiludila den Beyana ye Teyanaka anubɛ Magidɔ soenu kun na. A ye Bɛti-Seyan sigisɔn-nyamanɛ kun na fanan min bi Saraten soe dafɛ, Yɛsɛreli soe dugula wara la. Ala sigisɔn-nyamanɛ wo le ye tala furr, ha ka ta ke Abɛli-Mɛhola soe anubɛ Yokameyam soe ma.

2 Mansɛnu 2:1

Nba, Nɛbi Ilayala bi-wati gbɛrɛnnɛ Marila tɔnkɔlɔn bolo ka ta a la san ma, wo ya a taran, Nɛbi Ilaya anubɛ Nɛbi Ilaisa bɔmatoe Kiligali soe burɔ.

2 Mansɛnu 2:15

Yɛrikɔ nɛbi-karan-dan minnu yɛ bɛnnɛ anu ma nun, wonu ko, “Nɛbi Ilayata sɛnbɛ ye Nɛbi Ilaisa fɛ!” Anu tara a labɛn ka anu madu dugu ma a kɔrɔ.

2 Mansɛnu 2:9

Anu ke bɛ kɔma, Nɛbi Ilaya ya a fɔ Nɛbi Ilaisa ye ko, “Yanni n ni ta ka i to yan, n si nfen ma i ye?” A ya a fɔ a ye ko, “I si i kɛɛ min to n bolo, Marita sɛnbɛ min bi i fɛ, alamɛ wo nyɔgɔn fila tora nde bolo.”

Luka 4:27

Nɛbi Ilaisata wati rɔ, fɛrɛma-kirayato siyaman bi Isirɛla mɔgɛnu tɔ. Kɔnɔ wonu fenfen ma kɛndɛya fɔ Siriya kɛ Neyaman. Isirɛla ka ma ale fanan na.”

Kɛlɛ-Kurugbɛnu 7:22

Kidiyɔn anubɛ ala kɛlɛ-dannu bi buru-fɛyɛ wo kun na, Mari ya a ma, anu yoge wonu donta anu nyɔgɔn kɛlɛla. Anu tara anu yogenu gbenna Sɛrɛrati kilɛ la ha Bɛti-Siti soe ma. Anu tara anu dan Abɛli-Mɛhola soe burɔ min bi Tabati soe dafɛ.

1 Samuwɛli 18:19

Kɔnɔ Mɛrabu don-wati kenɛ Dawuda bolo, anu ya furi wo mayɛlɛma ka a di kei-gbɛrɛkɛ ma min tɔgɛ Adiriyɛli. Mɛhola kɛ le wo la.