1 Mansɛnu 18:42 - ALLALA KUMƐ

⁴² Mansa Ehabu ye fen dɔn kun na tumɛ min, Nɛbi Ilaya yɛlɛta Kamɛli kɔnkɛ kun tɛma. A ya a maburun dugi ma ka a kunyɛ gbangban a kunbelen filɛ tɛma.

1 Mansɛnu 18:42 ပူးပေါင်းရင်းမြစ်များ

Ko-Dabirɛnu 24:52

Iburayimata wɔli-kɛlɛ ya anu kuman-kan kɛ lamɔɛn tumɛ min, a ya a laburun a ma ka Mari bato.

2 Samuwɛli 12:16

Mansɛ ya Alla madiya alako dan wo ni kɛndɛya. A ya a ban dɔn-fan la. Su-wo-su, a si ta a sa dugi ma a warɛ bɔn la.

1 Mansɛnu 18:41

Nɛbi Ilaya ya a fɔ Mansa Ehabu ye tun ko, “Ta fen dɔn ka i min. N bara bandɛ-na-kan lamɔɛn.”

1 Mansɛnu 18:43

Nɛbi Ilaya ya a fɔ ala wɔli-kɛlɛ ye ko, “Ta i yɛ masa kɔgɔ-yi wara la.” A tara. Ala wɔli-kɛlɛ wo nara tumɛ min, a ya a fɔ a ye ko, “N ma fenfen yen!” Nɛbi Ilaya ya a sɔ iko wɔrɔnfila.

1 Mansɛnu 19:13

Nɛbi Ilaya ya wɛwɛ-kumɛ wo lamɔɛn min kɛ, a ya ala duruki burun a yɛ la. A bɔra faran la ka a sɔ a dɛ la. A ya manyinikali-kan lamɔɛn, a ko, “Ilaya, ile ye nfen mala yan tɔ?”

Ɛsira 9:6

N ya a matara, n ko, “E, nta Alla, n bara miliya n kunyɛ kɔrɔbila i ye. Ni ma ya mala hakɛnu nadɛn, wonu kun ta si yanya ma ko iko san-kole fɛ-yan ma la nya min.

Yobu 37:11

Bandɛ si a nyin masɔgɔ banda-finyɛ rɔ

Yaburi 89:7

Arinyɛnɛ kun-tiginu-nadɛnnɛ si kawa i ma. Anu dama si anu bole sa anu dɛ la.

Aiseya 38:2

Mansa Hɛsakaya ya a tintan dandan la ka madiyali kɛ, a ko,

Aiseya 6:2

Nima-fen-kanbannamɛnu sɔnɛ ala foolɛ rɔ. Kanban wɔrɔ-wɔrɔ le anu dama ma. Anu yakɔrɛ yamatogonnɛ kanban fila la, anu fɛrɛ yamatogonnɛ fila la, anu si anu gban filɛ la.

Yɛrɛmaya 46:18

Mari ko mansɛ le ale Mari Sɛnbɛ-Bɛɛ-Tigi la. A ko Alla-nimɛ le ale la. Iko Tebɔ kɔnkɛ layan kɔnkɛ bɛɛ ko nya min, iko Kamɛli kɔnkɛ dunnɛ kɔgɔ-yi kuma nya min, Iyipiti yogenu sɛnbɛ kolo Iyipititɛ ko wo nya na le.

Daniyɛli 9:3

Woletɔ n ya kasa-kurɛ don n kan na ka n sigi ta-gbangban rɔ bawo n yisi ara tinya Isirɛla mɔgɛnu hakɛla ko la. N ya sunyɛ don ka n Tigi Alla matara n sɛbɛ-kuna-wɛ la. Nta mataralɛ wo rɔ, n ko, “E, n Tigi Alla, ma si i gbiliya bawo i makawara. I sarata min na mabɛ ile tɛma, i ye wo latɔnbagayala. Mɔgɛ min si i keni ka ita tɔnnu bira, ile si wo tigi keni burubukai!

Daniyɛli 9:7

Ile n Tigi, i ya ko-wo-ko ma, wo telennɛ kɔnɔ male waralɛ, ma ara koe min bɛɛsi ma, fenfen sa wo kɔma fɔ miliya-koe gbansan! A mara Yuda nyamanita-mɔgɔ la wo, a mara Yerusalɛm so-burɔ-mɔgɔ la wo, a Isirɛla mɔgɔ to wo, kɛlɛ tara minnu na wo, kɛlɛ ma ta minnu na wo, ma damasi ye kɛ yilikiyi kɔrɔ.

Matiyu 14:23

A banta nyama masarala tumɛ min, a yɛlɛta kɔnkɛ kuma a dan na ka madiyali kɛ. Wurɛ kenɛ, a kelen pe le tora nyɔ.

Maraka 14:35

A ya a masɛgi doni. A ya a laburun-a-ma dugi ma ka Alla madiya ko ni a si ke mala, tɔrɔyɛ kɛ ni bɔ a kuma.

Luka 6:12

Wo wati rɔ, Yisa yɛlɛta kɔnkɛ do kuma madiyali-kɛ-tinɛ. A kira nyɔ Alla madiyɛ la.

Kɛwɔlɛnu 10:9

Wo banda kɛ, anu gbɛrɛnnɛ Yapa soe ma tumɛ min, wo ya a taran, Pita ye Alla matara tinɛ bɔn kuma tele-latelan.

Yasowa 7:6

Yasowa anubɛ Isirɛla mɔgɔ-banu ya anuna durukinu tafara yisi-tinyɛ bolo. Anu ya anu nyɛrɛ fɛrɛn dugu la Marila tɔn-kenkirɛ yakɔrɔ. Anu ya gbangban kɛ anu kunyɛ rɔ ka a yira ko anu bara nimisa. Anu telenta sani dugu ma gbɛn!

1 Samuwɛli 12:18

Samuwɛli ya madiyali kɛ. Tele wo nyɛrɛ rɔ, Mari ya bandɛ anubɛ san-gbalamɛ layigi. Wo ya a ma, Isirɛla mɔgɛ damasi kilanta Mari anubɛ Samuwɛli la.