1 Mansɛnu 18:41 - ALLALA KUMƐ

⁴¹ Nɛbi Ilaya ya a fɔ Mansa Ehabu ye tun ko, “Ta fen dɔn ka i min. N bara bandɛ-na-kan lamɔɛn.”

1 Mansɛnu 18:41 ပူးပေါင်းရင်းမြစ်များ

1 Mansɛnu 17:1

Nɛbi do bɔra Tisiba soe burɔ Kaliyadi nyamanɛ rɔ. A tɔgɛ le Ilaya. Nɛbi wo tara a fɔ Mansa Ehabu ye ko, “N bi Isirɛlata Mari Alla-nimɛ min batola, n bara n keli wo tɔgɔ rɔ ko duri ti yigi, bandɛ ti na san-dande kɛ kɔrɔ Isirɛla nyamanɛ kɛ rɔ yan fɔ nde, Ilaya wa a fɔ ko bandɛ ni na.”

1 Mansɛnu 18:1

Bandɛ lanabɛlitaya san sawa nyɔgɛ ma, Mari ya a fɔ ale Nɛbi Ilaya ye ko, “Ta i nyɛrɛ yira Mansa Ehabu la. N si bandɛ lana.”

1 Mansɛnu 18:40

Nɛbi Ilaya ya a fɔ anu ye ko, “Wo ni Beyalita nɛbinu bira. Wo kana sɔn, anu do-wo-do ni anu buri.” Mɔgɛ wonu ya nɛbi wo dama bira. Anu bilara Nɛbi Ilaya fɛ ka ta nɛbi wonu faga Kisɔn ba lɛɛ dafɛ.

1 Mansɛnu 18:42

Mansa Ehabu ye fen dɔn kun na tumɛ min, Nɛbi Ilaya yɛlɛta Kamɛli kɔnkɛ kun tɛma. A ya a maburun dugi ma ka a kunyɛ gbangban a kunbelen filɛ tɛma.

1 Mansɛnu 8:36

i ni wo lamɔɛn san-kole rɔ ka Isirɛla mɔgɛnu makoto. I ni anu nabila ko-nyimɛ-kɛ la anu si to min kɛla. I ya nyamanɛ min di anu ma, i ni bandɛ lana worɔ tun.

Yobu 37:13

Alla si bandɛ lana ka dugu-yi sa. A si a lana mɔgɛnu tɔrɔ-koe la, ni wo ma, a si ala keninteyɛ yira mɔgɛnu na.

Makawandili Kumɛnu 9:7

Woletɔ ta fen dɔn sewɛ rɔ, i ni minni-fan min i fanbolo bawo i ye min kun na, Alla ara sɔn wo ma, bi ma!

Kɛwɔlɛnu 27:34

Woletɔ n bi wo madiyala, wo yandi, wo ni fen dɔn. Wo makoe ye wo la wo niyila ko la. Ni wo ya fen dɔn, wo fenfen ti to-a-rɔ.”