1 Mansɛnu 18:38 - ALLALA KUMƐ

³⁸ Mari ya tɛ layigi ka bɔ san-kole rɔ. A saraka-sogo wo, a sɔgɔ-ladɛnni wo, a kuru wo, a bɔnku wo, anubɛ yi min bi denkɛ rɔ wo, wo bɛɛ mintanta gburr!

1 Mansɛnu 18:38 ပူးပေါင်းရင်းမြစ်များ

Ko-Dabirɛnu 15:17

Fitiri ma, pinpi ara don gbɛ, ta-kɔ-miran, ta-sisi ye bɔla min tɔ, anubɛ kala-mɛlan tenbira sogo-kundu gbaranda filɛ wonu tɛma.

1 Mansɛnu 18:24

Anu ni anuna Beyali matara. Nde fanan si Mari matara. Kɛ filɛ, ni min ya tɛ layigi saraka-mintan-tinɛ kuma, ma damata Alla le wo la.” Anu dama sewara ka sɔn wo ma.

1 Mansɛnu 18:35

Yi yigira saraka-mintan-tinɛ wo ma ka sigi denkɛ wo rɔ iko tungban.

1 Mansɛnu 18:37

I yandi Mari, nna matarali-kan yabi woletɔ mɔgɛ kɛnu si a lɔn ko ile Mari le anuta Alla la. Anu ni a lɔn fanan ko ile le ye anu yisi tintanna i la.”

2 Mansɛnu 1:12

Nɛbi ya a fɔ ko, “Ni Allata mɔgɛ le nde la, alamɛ tɛ bɔra san ma ka wobɛ ila mɔgɛ kɛnu mintan.” Tiriyante wo rɔ, Alla ya tɛ layigi ka anu halaki!

1 Ko-Kɔrɔta-Karan 21:26

A ya saraka-mintan-tinɛ sɔ nyɔ Mari ye. A ya Mari matara ka saraka-mintantɛ anubɛ yisi-kima-sarakɛnu bɔ. Mari sɔnta ala sarakɛnu na ka sarakɛ wonu mintan-tɛ labɔ Arinyɛnɛ rɔ ka a layigi a ye.

2 Ko-Kɔrɔta-Karan 7:1

Mansa Silamɛni ban matarali-kɛ wo la, tɛ bɔra san-kole rɔ ka sarakɛ wo dama mintan gburr! Marita wan-belebele wo ya waan raka Bato-Bɔn burɔ waran!

Yobu 1:16

Yanni wo ni a kuman-kan wo laban, kilayɛ do burumatoe nara tun. Wo ya a fɔ ale Yobu ye ko, “San gbalamɛ ara ila saga-fɛ-biralɛnubɛ ila saga bɛɛsi faga tɛrr, fɔ nde min kelan kunyɛ bɔra a rɔ!”

Aiseya 31:9

Anuna mansɛ si a buri kilan bolo. A kɛlɛ-kurugbɛnu si anu buri ka nyina anuna tamasere falafalɛ ko. Mɔgɛnu si Mari min bato Yerusalɛm, minna saraka mintan tɛ ti dufen nyɔ mumɛ, wo kan le kɛ la.

Saraka-Masɔlɛnuta Tɔnnu 10:1

Arunala den-kei filɛ Nedabu anubɛ Abaihu, wonu ya ta-wɔlɔn bi ka a sa anuna ta-kɔ-mirannu tɔ. Anu ya isɛnti-munke bi ka a kɛ ta-wɔlɔn wo kuma miran wonu tɔ. Anu ya wonu bi ka anu di Mari ma kɔnɔ Mari ma sɔn wonu na bawo a ma bɛn, anu ni a ma wo nya na Mari ye.

Saraka-Masɔlɛnuta Tɔnnu 10:2

Woletɔ Mari ya tɛ layigi anu kuma ka anu mintan gburr! Anu fagara Mari nyɛrɛ yala nyɔ.

Saraka-Masɔlɛnuta Tɔnnu 9:24

Tiriya-tiriyɛ wo rɔ, Mari nyɛrɛ ya ta-belebele layigi ka bɔ san-kole rɔ. Tɛ wo ya a saraka-toenu mintan gburr! Mɔgɛnu ya tɛ yen tumɛ min, anu kilanta ka gbele-gbelen ka anu naburun a ma dugi ma Mari kɔrɔ.

Lankɛnimayɛ 13:13

Sogo-ferema fila nyɔgɛ wo ya kabana-ko-wɛnu kɛ. A ya tɛ layigi dugu-kole kuma ka bɔ Arinyɛni tɔ mɔgɛ bɛɛ yala.

Kɛlɛ-Kurugbɛnu 6:21

Mari ya ala sewuri tugu soge wonubɛ biredi wo la. Tɛ bɔra farɛ wo rɔ ka biredi anubɛ soge wo mintan gburr! Wo kɔma, Mari tununta a ma yen!