1 Mansɛnu 18:37 - ALLALA KUMƐ

³⁷ I yandi Mari, nna matarali-kan yabi woletɔ mɔgɛ kɛnu si a lɔn ko ile Mari le anuta Alla la. Anu ni a lɔn fanan ko ile le ye anu yisi tintanna i la.”

1 Mansɛnu 18:37 ပူးပေါင်းရင်းမြစ်များ

Ko-Dabirɛnu 32:24

Kɔnɔ ale Yakoba tora yi kɔgɔma. Su kelan wo rɔ, a ma mɛ, kei do nara a wara. Anubɛ wo ya turuni-kɛ dabira. Anu kira turunɛ kɛla kudu ha banda-ka-dɛ ma.

Ko-Dabirɛnu 32:26

Kei wo ko, “N boloka kamasɔrɔn waan ra ye ka tinɛ le.” Kɔnɔ Yakoba ko, “N ti i boloka mumɛ, fɔ i wa duwa n ye.”

Ko-Dabirɛnu 32:28

Kei wo ya a fɔ a ye ko, “I tɔgɔ ma tun Yakoba. I tɔgɛ le gbɛ Isirɛla bawo wo kɔrɛ le iko mɔgɔ wa a fɔ ko ‘Minnubɛ Alla ya turunɛ kɛ.’ Wobɛ Alla ya turunɛ kɛ anubɛ mɔgɛnu, ado i wara anu nɔ.”

2 Samuwɛli 7:26

Wo si a ma, i mankan ni to koloyala habadan! Duninya-mɔgɛ bɛɛ si a fɔ ko ile Mari Sɛnbɛ-Bɛɛ-Tigi ye Allayɛ la Isirɛla mɔgɛnu kun na, ado i ti mansayɛ bɔ nta bɔn la mumɛ!”

1 Mansɛnu 18:24

Anu ni anuna Beyali matara. Nde fanan si Mari matara. Kɛ filɛ, ni min ya tɛ layigi saraka-mintan-tinɛ kuma, ma damata Alla le wo la.” Anu dama sewara ka sɔn wo ma.

1 Mansɛnu 18:29

Anu tora sɔnkɛ wo kun na ha tele-bui-wati kɔnɔ anu ma ko lamɔɛn hali ka yabilɛ yen anu yɛ la.

1 Mansɛnu 18:36

Saraka bɔ tumɛ kenɛ wurɛ la iko anuna namu ye nya min, Nɛbi Ilaya ya a madon saraka-mintan-tinɛ wo la. A ya Alla matara. A ko, “E, Mari, Iburayima anubɛ Isiyaka anubɛ Yakobata Alla, kɔni, a yira mɔgɛ kɛnu na bi ko Isirɛlata Mari Alla le ile la. Anu ni a lɔn ko ila wɔli-kɛlɛ le nde la. Anu ni a lɔn fanan ko n bi min bɛɛsi mala kɛ la, ile le ya wonu fɔ n ye.

1 Mansɛnu 18:38

Mari ya tɛ layigi ka bɔ san-kole rɔ. A saraka-sogo wo, a sɔgɔ-ladɛnni wo, a kuru wo, a bɔnku wo, anubɛ yi min bi denkɛ rɔ wo, wo bɛɛ mintanta gburr!

1 Mansɛnu 20:28

Nɛbi do tara a fɔ Mansa Ehabu ye ko, “Mari ko bawo Siriyanu bi a fɔla ko Isirɛlata Alla ye kɔnkɛnu dɔrɔn kuma, a sa lɛɛnu tɔ, wo le ye a mala, a ye sɛnbɛ dila Isirɛla mɔgɛnu ma Siriyanu kuma. Mari ko wo si a ma, wobɛ ila mɔgɛnu ni a lɔn ko Mari le ale la.”

2 Mansɛnu 19:19

I yandi, mata Mari Alla, ma tanka Asiriyanu masibɛ ma alako duninya bɛɛ ni a lɔn ko ile Mari kelen pe le Alla la.”

2 Ko-Kɔrɔta-Karan 14:11

Mansa Esa ya ata Mari Alla matara, a ko, “Ka kɛlɛ-den-siyamɛnu dɛnbɛ wo, ka kɛlɛ-den-dandenu dɛnbɛ wo, wo damasi kelen ile yala. Woletɔ, mata Mari Alla, i yandi, ma dɛnbɛ. Ma ye ma yigi sala ile rɔ. Ma ara na kɛlɛ-den-siyamɛ kɛnu kɛlɛ tinɛ ile tɔgɔ rɔ. Mari, mata Alla le ile la. Mɔgɔ-wo-mɔgɔ ti ke ile nɔla.”

Yaburi 109:27

N yogenu ni a lɔn yati ko nna kisilɛ le ile le kelan la.

Luka 11:8

N bi a fɔla wo ye, hali a ma a lasɔ ka biredi di i ma ka a tɛgɛ wola diyanayɛ ma, i ma miliya ka to a manyinikala min kɛ, i makoe ye fan min na, a si a lasɔ ka wo bɛɛ di i ma.

1 Samuwɛli 17:46

Bi tele kɛ rɔ, Mari si i don n bolo. N si i faga ka i kan natɛgɛ a dagɛ rɔ. N si Filisiti kɛlɛ-dannu suyi di konanu anubɛ sogenu ma. Duninya-mɔgɛ bɛɛ si a lɔn worɔ ko Alla ye Isirɛla mɔgɛnu kun na.