1 Mansɛnu 18:36 - ALLALA KUMƐ

³⁶ Saraka bɔ tumɛ kenɛ wurɛ la iko anuna namu ye nya min, Nɛbi Ilaya ya a madon saraka-mintan-tinɛ wo la. A ya Alla matara. A ko, “E, Mari, Iburayima anubɛ Isiyaka anubɛ Yakobata Alla, kɔni, a yira mɔgɛ kɛnu na bi ko Isirɛlata Mari Alla le ile la. Anu ni a lɔn ko ila wɔli-kɛlɛ le nde la. Anu ni a lɔn fanan ko n bi min bɛɛsi mala kɛ la, ile le ya wonu fɔ n ye.

1 Mansɛnu 18:36 ပူးပေါင်းရင်းမြစ်များ

Ko-Dabirɛnu 26:24

A ke nyɔ wo suyi rɔ, Mari bɔra a ye gbɛ rɔ. A ko, “I fa Iburayimata Alla le nde la. I kana kilan kamasɔrɔn n bi i fɛ. N si nta duwɛ layigi i kuma ka i bɔnsɔn lasiyaya nta wɔli-kɛlɛ Iburayimala ko la.”

Ko-Dabirɛnu 28:13

Yakoba ya Mari sɔnɛ yen a tɔnkɔn rɔ. Mari ya a fɔ ale Yakoba ye ko, “I fa anubɛ i benba Iburayimata Mari Alla le nde la. I sanɛ dugi min kuma kɛ la, n si wo di wobɛ i bɔnsɔn ma.

Ko-Dabirɛnu 31:53

Alamɛ i benba Iburayima anubɛ n fa Nehorinuta Alla anubɛ wonu fanan fata Alla ya kiti tɛgɛ mabɛ ile tɛma.” Yakoba ya a keli a berin ye a fa Isiyakata Alla yala.

Ko-Dabirɛnu 32:9

Yakoba ya Alla madiya ko, “E, n benba Iburayimata Alla, n fa Isiyakata Alla, i wɔlɔ matɔlɔ nta madiyalɛ kɛ la. Mari, ile le ya a fɔ n ye ko n ni sɛgi nna mɔgɛnu barɛ nta nyamanɛ kɛ rɔ. Ile le ya a fɔ ko i si koe bɛɛ ma a kilɛ fɛ nde ye ka ko-nyimɛ kɛ n ye.

Ko-Dabirɛnu 46:3

Alla ko, “Alla le nde la, i fata Alla, kɔni. I kana kilan ka ta Iyipiti nyamanɛ rɔ kamasɔrɔn n si i bɔnsɔn lasiyaya nyɔ.

2 Samuwɛli 7:26

Wo si a ma, i mankan ni to koloyala habadan! Duninya-mɔgɛ bɛɛ si a fɔ ko ile Mari Sɛnbɛ-Bɛɛ-Tigi ye Allayɛ la Isirɛla mɔgɛnu kun na, ado i ti mansayɛ bɔ nta bɔn la mumɛ!”

1 Mansɛnu 18:21

Isirɛla mɔgɛnu kenɛ nyɔ, Nɛbi Ilaya sɔra mɔgɛnu yakɔrɔ ka a fɔ anu ye ko, “Wo si to tagamana Marita kilɛ anubɛ Beyalita kilɛ fɛ ha muntuma? Ni Mari le Alla la, wo ni ale bato. Kɔnɔ ni wota alla le Beyali kɛ la, wo ni to wo kɔla.” Kɔnɔ hali dafa, Isirɛla mɔgɛnu ma a tɛgɛ.

1 Mansɛnu 18:29

Anu tora sɔnkɛ wo kun na ha tele-bui-wati kɔnɔ anu ma ko lamɔɛn hali ka yabilɛ yen anu yɛ la.

1 Mansɛnu 18:35

Yi yigira saraka-mintan-tinɛ wo ma ka sigi denkɛ wo rɔ iko tungban.

1 Mansɛnu 18:37

I yandi Mari, nna matarali-kan yabi woletɔ mɔgɛ kɛnu si a lɔn ko ile Mari le anuta Alla la. Anu ni a lɔn fanan ko ile le ye anu yisi tintanna i la.”

1 Mansɛnu 20:13

Wati kelan wo nyɛrɛ rɔ, nɛbi do tara Mansa Ehabu taran. A ya a fɔ a ye ko, “Mari ko i kana kilan kɛlɛ-den-siyamɛ wonu na. A ko a si a ma, i ni nɔ-ko sɔrɔn wonu ma bi. I si a lɔn worɔ ko Mari le ale la.”

1 Mansɛnu 20:28

Nɛbi do tara a fɔ Mansa Ehabu ye ko, “Mari ko bawo Siriyanu bi a fɔla ko Isirɛlata Alla ye kɔnkɛnu dɔrɔn kuma, a sa lɛɛnu tɔ, wo le ye a mala, a ye sɛnbɛ dila Isirɛla mɔgɛnu ma Siriyanu kuma. Mari ko wo si a ma, wobɛ ila mɔgɛnu ni a lɔn ko Mari le ale la.”

1 Mansɛnu 22:28

Nɛbi Mɛkaya ya a fɔ ale mansɛ ye ko, “Ni ile kɛndɛ sɛgira tun ka bɔ kɛlɛ rɔ, nba Mari ma kuma nde ye worɔ. Mɔgɛ bɛɛ ni a yili to nna kumɛ kɛ ko.”

1 Mansɛnu 8:43

i ni ala matarali-kan wo lamɔɛn san-kole rɔ. I ni anu makoe nyinya iko anu bi a fɔla i ye nya min. Woletɔ duninya-mɔgɛ bɛɛ si i tɔgɛ lɔn ka ila kumɛ bira iko Isirɛla mɔgɛnu bi ila kumɛ birala nya min. Anu si a lɔn worɔ ko n bara Bato-Bɔn min sɔ kɛ la, a bɛnta bɛɛ ni i bato nyɔ.

2 Mansɛnu 1:10

Nɛbi Ilaya ya a fɔ kɛlɛ-den-kunyɛ wo ye ko, “Ni Allata mɔgɛ le nde la, alamɛ tɛ bɔra san ma ka wobɛ ila mɔgɛ kɛnu mintan.” Tiriyante wo rɔ, Alla ya tɛ layigi ka anu halaki!

2 Mansɛnu 1:3

Kɔnɔ Marita melika tara a fɔ Nɛbi Ilaya Tisibi kɛ ye ko, “I ni ta Samariya mansɛla kilayɛ wonu taran kilɛ la. I wa anu taran, i ni anu manyinika ko, ‘Nfenna wo ye tala wo bolo-tafɛlɛnna Ɛkirɔn mɔgɛnuta bɛsɛ wara min tɔgɛ Beyali-Sibubu? Wole lara a la ko Alla sa Isirɛla nyamanɛ rɔ, wa?’

2 Mansɛnu 1:6

Wonu ya a fɔ a ye ko, “Kei do bɛnta ma la kilɛ la. Wo le ya ma lasɛgi i wara ko ma ni Mari kuman-kan latenbi i ma. A ko, ‘Nfenna i ye kilayɛnu natala bolo tafɛlɛn tinɛ Ɛkirɔn kɛnuta bɛsɛ Beyali-Sibubu wara?’ A ko, ‘Ile lara a la ko Alla sa Isirɛla nyamanɛ rɔ, wa?’ Kei wo ya a fɔ ma ye ko ma ni na Mari kuman-kan kɛnu natenbi i ma ko, ‘Bawo i ya kilayɛnu nata bolo tafɛlɛn tinɛ, woletɔ i kunyɛ ti bɔ kirayɛ kɛ rɔ muk, ado i ye fagala le.’ ”

2 Mansɛnu 19:19

I yandi, mata Mari Alla, ma tanka Asiriyanu masibɛ ma alako duninya bɛɛ ni a lɔn ko ile Mari kelen pe le Alla la.”

2 Mansɛnu 20:11

Nɛbi Aiseya ya Mari matara. Mansɛ fa Mansa Ehasi ya wati-lɔn-fan min nadan kɔrɔma la, Mari ya a ma, ninɛ wo masɛgira a kɔma wo le ma ha kin-fa tan nyɔgɔn.

2 Mansɛnu 5:15

Anubɛ ala wɔli-kɛ-dan wonu sɛgira Nɛbi Ilaisa wara. Anu ke a ma, a ko, “Ka a bi bi ma, n bara a lɔn ko alla-wo-alla sa nyɔ Isirɛlata Alla kɔma. I yandi n fa, n bara na i sanbɛ minnu na, wonu bira n bolo.”

2 Mansɛnu 5:8

Nɛbi Ilaisa ya a lamɔɛn tumɛ min ko Isirɛla mansɛ ara ala duruki rafara a kan na, a ya kilayɛ lata a ma. A ko, “I yisi kana tinya. Hali i ma ila duruki rafara nun. Mɔgɛ min tara i wara wo la, a lana n ma. N si a yira a la ko nɛbi ye Isirɛla nyamanɛ kɛ rɔ yan!”

1 Ko-Kɔrɔta-Karan 29:18

Ma benba Iburayima anubɛ Isiyaka anubɛ Yakobata Mari Alla, alamɛ i ya a ma, ita mɔgɛnu ni to anu sɛbɛ donna i wara-koe ma. Anu kana bɔ i kɔma mumɛ!

2 Ko-Kɔrɔta-Karan 30:6

Kilayɛ wonu tara Yuda nyamanɛ anubɛ Yerusalɛm soe rɔ iko mansɛ anubɛ ala mɔgɔ-banu ya a fɔ nya min. Min sɛbɛnɛ kɛdi wo rɔ, a ko, “Wole Isirɛla mɔgɛ toe minnu tora wo niyi la Asiriyanuna kɛlɛ rɔ, wo ni wo ya-lamunun ma benbanu Iburayima anubɛ Isiyaka anubɛ Yakobata Mari Alla la. Ni wo ya wo ma, ale fanan si a ya-lamunun wo la.

Yaburi 141:2

Sɔn nta madiyalɛ la iko i ye sɔnna isɛnti-mintan-sumɛ la nya min. N ba n bole rasigi i ye, i ni sɔn wo la iko i ye sɔnna wurala-sarakɛ la nya min.

Yaburi 83:18

Alamɛ anu ya a lɔn ko ile le kelen pe le Mari la. Ile le ye duninya fan bɛɛ kun na.

Bɔ-Koe-Iyipiti 3:6

A ko tun, “I benba Iburayima wo, i benba Isiyaka wo, anubɛ i benba Yakoba wo, anuta Alla le nde la.” Musa ya a yakɔrɛ yamatogon kamasɔrɔn a kilanta ka Alla ragbɛ.

Bɔ-Koe-Iyipiti 4:5

Mari ya a fɔ a ye ko, “Wo le si a ma, anu ni la i la ko wo benbanuta Alla ara a nyɛrɛ yira i la, Iburayimata Alla, anubɛ Isiyakata Alla, anubɛ Yakobata Alla, kɔni.”

Aiseya 37:20

I yandi, mata Mari Alla, ma tanka Asiriyanu masibɛ ma alako duninya bɛɛ ni a lɔn ko ile Mari kelen pe le Alla la.”

Isikiyɛli 39:7

N si a ma serr, nta Isirɛla mɔgɛnu si a lɔn ko n tɔgɛ sɛninyanɛ. N ti sɔn n tɔgɔ-lafɛya-koe ma tun. Wo wa ma tumɛ min, sibolenu si a lɔn wo rɔ ko nde, Mari le Isirɛlata Alla-sɛnimɛ la.”

Daniyɛli 12:11

“Ka a bi tɔn-sigi-wati ma sɔgɔma ani wurala-saraka-bɔ-koe rɔ, ha anu si kisimiriya-bɛsɛ sɔ Alla Bato-Bɔn kan-tina-sɛnima rɔ, wo si tele waga kelen, tele kɛmɛ fila ani tele bi-kɔnɔntɔ (1,290) bɔ.

Daniyɛli 8:13

Wo kɔma, n ya a yen, melika fila ye kumala anu nyɔgɔn na. Doi ko, “Koe min bi mala ko-rayen kɛ rɔ, wo si to a kun na ha wati nyamintan? Kisimiriya-koe kɛnu si to a kun na ha wati nyamintan sarakɛnu gbɛ rɔ? Anu si to Arinyɛnɛta-kɛlɛ-dannu anubɛ Bato-Bɔn ratɛntɛnna ha wati nyamintan?”

Daniyɛli 9:21

N bi n matarali-kɛ kun na, n ya Yibirila kelan min yen nna ko-rayen doi rɔ, wo yigira iko kokɛ. A ye yigila n ma wati min, wo ya a taran, wurala-saraka-bɔ-wati ara ke.

Matiyu 22:32

Iburayimata Alla le ale la anubɛ Isiyakata Alla anubɛ Yakobata Alla. Wo kɔrɛ le ko mɔgɔ-nimɛnuta Alla le ale la, furinuta ma.”

Yɔni 11:42

N ya a lɔn ko i wɔlɔ matɔlɔnɛ n na tuma-wo-tuma kɔnɔ n bi kɛ fɔla mɔgɛ kɛnu denuna ko la yan. Woletɔ anu si la a la ko ile le ya n sɔ.”

Kɛwɔlɛnu 10:30

Kɔniliyasi ko, “A tele-nani-nyɔgɛ le bi, kɛ-nyɔgɔn-wati le nun gben, n bi madiyali kɛla nna bɔn la tele-makima-wati kɛ rɔ. Kei do nara minna kurɛ ye malan-malanna a ma, wo sɔra n yakɔrɔ.

Kɛwɔlɛnu 3:1

Lunyɛ do tele-makima-wati (3 pm), Pita anubɛ Yɔni tara Alla-Bato-Bɔn la madiyali-kɛ-tinɛ.

Ɛfɛsa 1:17

N bi ma Mari Yisa Kirasiti, wo Fa Alla gbiliya-tigi matarala ko a ni ata Ni-Sɛnimɛ di wo ma. A si hɛnkili di wo ma ka ata tonyɛ labɔ gbɛ rɔ wo ye alako wo ni a lɔn a nya-bɛrɛbɛrɛ ma.

Ɛfɛsa 3:14

Ka a tɛgɛ wo kɔsɔn ma, n bi n nyɛnkinna ma Fa Alla kɔrɔ